ابي وحده خبيره بتايلاند *** تفيدني ***

[MyLittleBerry]

ابي معلومات عن الاماكن السياحيه

ابي احلى منتجعاتها

بروح جزيره كوسموي ابي منتجعاتها واحلى الاماكن فيها

بس ماعتقد بروح بوكيت ولا بتايا لان يقولون وايد فيها وصاخه

واخر جم يوم بقعد في بانكوك ان شاء الله

انا سويت ملف عنها

بس اخاف طوفت شي

http://public.fotki.com/alkandari/other/travel/thailand/


خصوصا لمنتجعات ابي احلى المنتجعات اللي مجربينها وشلون اسعارهم

 

[mooomooo]

حبيبتي انا رفيجتي راحت نفس الجزيره قعدت ليلتين بفندق بس نظام شاليهات

وفي حمام سباحه بره بس خاص جنه قالت مغطى بالاجناب بس تقول شي عجيييييييب

ليلته اب 200 دينار

وقايليلهم هناك ان فرصه حجزتوا اب 200 لان بالهاي سيزون يير اب 400 هههههه

 

[فوفو التخينة]

إن شاء الله بزور الجزيرة بالصيف الجاي بحيل الله
يقولون حلوة
اختي أكثر سايت يفيدج عن السفر هو المسافرون العرب ، أنا ما اعرف أحط روابط فيه وايد أعضاء كاتبين عن هالجزيرة
travel4arb.com

أتمنى إني أفدتك وسامحين اذ فيه قصور
تحياتي ورحلة موفقة

 

[فوفو التخينة]

إن شاء الله بزور الجزيرة بالصيف الجاي بحيل الله
يقولون حلوة
اختي أكثر سايت يفيدج عن السفر هو المسافرون العرب ، أنا ما اعرف أحط روابط فيه وايد أعضاء كاتبين عن هالجزيرة
travel4arb.com

أتمنى إني أفدتك وسامحين اذ فيه قصور
تحياتي ورحلة موفقة:tek:

 

[babloo]

انا رحت بوكيت كانت وايد حلوه الاماكن المو زينه معروفه شارع واحد وبالليل ما يدشونه الا الي يبون هالاشياء اما باجي الجزيره عجيبه

وبانكوك ما ينقعد فيها وايد تلوع الجبد

اتمنى البنات يساعدونج وترجعين بالسلامه

 

[أم صالح]

اختي والله انا رحت وايد بانكوك بس السنوات الثلاث الاخيره مو رايحه انا وايد احبها واتسوق فيها بمزاج بس ما اروح الا بشهر 10 و11 قبل لا يدشون اعيالي المدرسه الجزر اتينن بوكيت عجيبه فيها رحلات وايدحلوه وارخيصه في رحله حق بي بي ايلاند ماتتطوف جزيره روعه ممكن تردين بنفس اليوم وبعد جزيره جيمس بوند اتهبل ورحله جزيره المسلمين ورحله فانتاسي هذي عرض على اكبر مسرح بالشرق الاوسط غرييييب ويعطونج مجانا عشا باكبر مطعم وايد كبير بس ماقدرت اكل ماحب اكلهم وجزيره سامويي حلوه بس تصلح للغوص اكثر مافيها رحلات مثل بوكت

اما اسواق بانكوك حدث ولا حرج فيها كل المستويات من ارقى المجمعات لي البسطات وكلهم يونسون ورخاص وهم الحي الصيني مالهم حلو واللحين توهم فاتحين مجمع كبير وسينمات جديده بالمجمع نسيت اسمه بس يم مجمع زين يمدحونه
ويه ملاهي دريم وورد ببانكوك وحديقه التماسيح ادري طولتها بس اشتطيت يااختج لما ذكرتها

 

[جارتكم..(‘‘.)]

حبيبتي انا اقول لك من الحين صدقيني بتنبسطين في كوسموي

ونااااااااااااااااااااااسه

اتذكر سكنا في فندق اسمه (الوها)alooha

واستأجرنا دباب وصرنا ننتقل في هذي الجزيره على دبابنا

اذا بغيتي تستأجرين الدباب لازم ترهنين جوازك عندهم...

هذا الفندق كان في رأس الشارع وكنا ناخذ الدباب ونمشي من عند الفندق الى اعلى الجبل وبطريقنا في مطعم يجنن على البحر

عنده لازانا لذيييذه وجلشات المطعم خيااااااااال لاتفوتك

في الجزيره هذي فيه رحلات بحريه لازم تروحينها تقريبا من 8 الصبح اليييييييييين العصر وماهي لجزيره وحده....لااااا بيودونك لــ3 جزر ويغدونك وتتمشين وتنبسطين.....

وبعد في كوسموي فيه بوكسنج((ملاكمه))لاتفوتينها...تبدأ بالليل الساعه 9 تقريبا ومولازم تحظرينها للخير بس حلو تدخلينا كتجربه جديده..

علشان اذا رجعتي تقولين لرفيقاتك انك حضرتي ملاكمه...

تراها وناااسه يعني ماتخوف....

بس انتبهي يالغاليه احنا كنا ماناكل غير من ماكدونلدز كان تقريبا جنب الفندق مابينه وبين الفندق الا شوي...

لما رجعنا قالوا لنا ان ماكدونلدز في تايلند ذبحهم غير اسلامي....يعني لاتاكلين منه...

تروحين وترجعين بالسلامه

اذا تذكرت شي برجع واقول لك