ابي وحده تسويلي نظام غذائي

[][ sarah ][]

هاااااااااي


بنوتات بليز انا مشتته ومحتاجه مساعدتكم

عندي 20 يوم تقريبا , محتاجه اضعف فيهم 5 كيلوات

وماادري شسوي , اكيد يعني بسوي رجيم بس ابي رجيم حلو + اسوي رياضه ( مشتركه بنادي )

ابي احد يضبطلي يسويلي نظام غذائي + شكثر اسوي رياضه بالنادي

تنصحوني ادش سباحه يقولون يضعف اسرع ؟؟

والنظام الغذائي ابي نظام يتكون من 7 ايام يعني كل يوم مكتوب شنو اكل , مابي نظام ريوق , غدا , عشا واكرره كل يوم


عفيه بنات ساعدوني مشتته , براسي الف شغله وشغله

ياريت تساعدوني بهالشغله اللي اهيا النظام الغذائي واكون شاكرتلكم

 

[*غلا الكويت *]

افا عليج انا اساعدج بس متى تبين:eh_s(7)::eh_s(7):

 

[اميره بكلمتي]

انا عندي نظام غذائي حلووو ومتنوع

 

[أحلى عيون]

فيه قسم الانظمه وايد حلووووووو وكله تحت اشراف دكاتره

 

[][ sarah ][]

غلا الكويت حبيبتي ناويه ابدي بهالجم يوم بس ابي احصل نظام حلو واشوف الاكل موجود او اشتريه وابدي

اميره بكلمتي شنو النظام انا احب التنوع عشان جذي مو عاجبني شي


احلى عيون الرجيمات اغلبها شايفتها ياحرماااااااااااااان اللي احسه نظام انتحاري ياممل كل يوم نفس الاكل

مااجذب عليكم لو اقولكم صارلي اكثر من شهرين وانا ادور رجيم معقول ومتنوع ومالقيت

 

[brat]

انتي اختياري شي صحي وما فيه دهون

مثلاً خيارات الريوق:

ـ كوب كورنفليكس (فتنس) أو النوع اللي بالشوفان والعسل + حليب قليل/ خالي الدسم
ـ توست أسمر (مو أكثر من شريحتين) + جبن أبيض قليل الدسم + خيار وخس
ـ ٧ أو ٥ أو ٣ تمرات + حليب قليل/ خالي الدسم
ـ توست أسمر + تيركي فات فري + خيار وخس
- شوفان ويا حليب دافي وعليهم فراولة مقطعة
- توست أسمر + بيض مفيوح أو بيض بالمشروم أو بيض وطماط بس بدون دهن (استخدمي السبراي)

وخلي السناك فاكهة أو عصير (بس الفاكهة أحسن عشان الألياف)

خيارات الغدا:
١. سلطات مثل: تبولة بدون برغل، سلطة عادية، سلطة شمندر، روب وخيار أو خضروات: بروكلي، جزرو زهرة

٢. الmain dish
- شيش طاووق / قطعتين صدر دياي مشوي / نص ديايه عالفحم
- تكا / كباب / برجر مشوي
- تونا، عندج حميسة تونا: تحمسين بصل مع قفشة زيت زيتون، بعدين تضيفين مشروم وفلفل أخضر بارد، وبعدين التونا، ومعجون طماط، وبهاراتج كمون، ملح، فلفل أسود... اللي تحبينه
أو سلطة تونا
- سالمون بالفرن مع فاصوليا أو أي سمج مشوي بالفرن
- حمسة بزاليا، تحمسين بصل وبزاليا وجزر ومشروم ويا بهاراتج ومعجون طماط
- شوربة لحم بالشوفان
- لحم مفروم ويا بصل ومشروم أو الخضار اللي تحبينها
- ستيك
- بيديان وزهرة بالفرن مع قفشة زيت زيتون، اكليهم مع روب
- شوربة عدس / شوربة جزر بس مو الجاهزين، انتي سويهم
بس إذا تحبين كثري أسماك أفيد وأخف من اللحوم الحمرا، ودشي قسم الأطباق الصحية في وايد أفكار

العشا خليه خفيف
يعني روب وفاكهة، سلطة، بيض، تونا، تيركي... اللي يعجبج

 

[شيخه***البنات]

رجيم عذاري يضعف بـ 20 يوم 15 كيلو ..

بس على حسب الجسم انا سويته وضعفت 7 كيلواااات ماشاءالله جربيه ماراح تخسرين

هالرجييم ممتاز حيل والله وماتردين الوزن اللي ضغفتيه ..

هذا الرجيم ..

السبت..
الافطار: جبنة قليلة الدسم 100 جم + توست + شاي أوقهوة
الغداء: 2/1 دجاجة مشوية + سلطة خضراء + خضار مسلوقة ( الخضار تجي مجمدة في أكياس بس أسلقيها )
العشا: كوب كبير عصير برتقال ( طازج طبعاً أنتي تعصرينة) + علبة زبادي قليل الدسم (كليها طبعاً آخر الليل)​

الأحد..
الأفطار: 2 بيضة مسلوقة مع شاي ( بدون سكر الا من سكر الريجيم )
الغدا: سمكة مشوية كبيرة + صحن سلطة خضراء
العشا: شابورة (طبعاً بر ) مع قطعة جبنة قليل الدسم + شاي أو قهوة ​

الاثنين..
الافطار: بيضة مسلوقة + برتقاله + شاي أو قهوة
الغدا: لحم مشوي غير محدود الكمية مع حبة طماطم أو خيار ( أنا أستبدلته بدجاج )
العشا: كوب حليب قليل الدسم ويفضل منزوع + شابورة ​

الثلاثاء..
الافطار : شريحة جبنة قليله الدسم + توست (بريد بر) + شاي أو قهوة .
الغدا : نوع واح من الفاكهة.
العشا: لبن قليل الدسم مع توست ( بريد بر)​

الاربعاء..
الافطار: 7 حبات تمر مع قهوة طبعاً مو شاي
الغدا: دجاج مشوي بدون جلد غير محدود الكمية .
العشا: 3 بيضات مسلوقات مع توست ( أنا كنت أحط البيض في المقلى من دون زيت وأقلقلة .. وأحط شوية جبنة فيتا قليلة الدسم علشان يلينة ) ... ​

الخميس..
الافطار: مفتوح
الغدا: مفتوح
العشا: مفتوح​

الجمعة..
الافطار: جبن قليل الدسم + 2/1 خبزة + عصير برتقال
الغدا: لحم مشوي غير محدود الكمية ( أستبدلية بدجاج اذا تبين ) + لبن قليل الدسم ويفضل منزوع
العشا: مفتوح ​

ملاحظة:
مفتوح تعني اختياري أي وجبة مما سبق في الريجيم​

 

[][ sarah ][]

شيخه البنات اذكر سويت رجيم عذاري من مده طويله بس ماكان جذي , كان انتحاري
حبيت اللي حطيتيه يعطيج العافيه ..


brat واااااااااااي ماشاءالله الاكلات اللي حاطتها تفتح النفسسسسسسسسسسسسس .. عمري ماشفت رجيم فيه جذي شي يفتح النفس

حبيت النظامييييين

يعطيكم العافيه :*

 

[اشتياق الكويت]

حطيلي فصيله دمج خاص ويارب افيدج ​

 

[Q8stylle]

شوفي قسم الانظمه