ابي وحده بالها وسيع وتساعدني يعلها الجنة امين ..عندي 12 سؤال عن الشراء من النت

[بنت.المطيري]

السلام عليكم

ببتدي دوغري بالاسئلة
اول سؤال
1_شلونج شخبارج ؟

حبايبي انا غشيمة ..واللي تبي تعلمني جزاها الله خير:eh_s(6):

بنات انا بشتري اغراض للعيد من النت..وانا ادور لقيت اشياء ينيت عليها

بس انا الصراحة ولا مرة اشتريت من برا الكويت ..وعرفت ان في سوالف شحن ولازم يكون عندي عنوان بامريكا ولندن
من ارامكس مثلا
او ان اختصر الطريج واطلب من مركز سلطان

بس ..الصراحة ..أنا طالبة يعني مصروفي على قدي وودي اوفر يعني مابي اقط عشرة اهني وعشرة هناك عالفاضي ..

انا قلت بشتري بنفسي واتعامل مع ارامكس ..لان من فترة خذيت بطاقة الانترنت (ماستر كارد او مادري شيسمونها ..من بيت التمويل الخضرا..حساب الشباب )وليلحين بظرفها "وطبعا راح يخصمون مني 10 عشانها" ..فقلت حرام اخليها عندي وتنتهي صلاحيتها ومااستفدت منها


الحين ..

1_لو اشتريت من مركز سلطان ..راح استفيد من هالبطاقة ؟

2_أيهو اوفر (بحالتي)..افتح لي عنوان من ارامكس ..والا اشتري عن طريق مركز سلطان على طول ؟


انا دقيت على مركز سلطان وقالوا ان اهم عندهم مكتب بامريكا ويقدرون يشترولي من اي موقع كان ..قلتلها حتى لو paypol قالت اي شي تبينه نييبه ..بس لازم هالموقع يشحن حق امريكا ..بس اهي مستعيلة ومارضت تاخذ وتعطي معاي..

سؤالي الثالث:
3-صج لو تعاملت مع مركز سلطان اشتري من اي موقع ابي؟؟

طيب لو ..

على افتراض اني راح اشتري من مركز سلطان ..

4_شنو ادزلهم بالضبط على الايميل ؟؟؟

5_والا اروح عندهم هناك احسن ؟

واذا افترضت ان راح اشتري من ارامكس ..

6-وين اروح وين مكانهم ؟

7_في اوراق راح يطلبونها مني؟

8_ومتى تخلص اجراءات (تسجيل البريد )؟

اذا خلصت وحجزت بريد
الحين بطبق عملي..وبشتري ..ان شاء الله



هذا لقيته مكتوب بصفحة واحد من اللي يبيعون بالموقع اللي بشتري منه


Asking price: 2.015 KWD
^^
9_حق شنو هالدينارين ؟مو السعر صح؟لان لما سئلته عن قطعه قال لسعر 7 دنانير والتوتال بعد 7 دنانير

Shipping: No shipping offered
^^
واهني شنو قصدهم ..انا اللي فهمته ان الشحن مجاني من كلام اللي يبيع :eh_s(22):..بس الترجمة اضن معناها ان مايوصلون ولا عندهم خدمة الشحن

10_المهم...شنو معناها :eh_s(22):

Payment Options
(حاطين علامة ..فيزا وماستر كارد وAMEX و وpaypal وعلامة اخيرة ماعرفتها )
^^
11_هذا الشرط تابع للموقع بشكل عام...والا للبايع اللي موجود بالصفحة نفسها اللي بشتري منه ؟؟؟

Will Ship to: See De******ion
^^^
بعد ماشفت الدسكربشن
لقيت البايع كاتب
Paypal is okay
^^
12_شنو يقصد بكلامه ؟

13_الحين اقدر اشتري من هالبايع بنفسي عن طريق ارامكس؟والا اهو بس يتعامل مع paypal فماراح اقدر اشتري الا من سلطان ؟

وبس عساكم سالمين ..<<كل هذا وبس ..:eh_s(22):

ياليت اللي بتساعدني وتجاوب عالاسئلة تكتب رقم السؤال وجوابها عليه
واللي ماتعرفه تتركه لا تكتب رقمه وجزاكم الله خير

 

[رافعه الحاجب]

اختي انا مثل حالتج وقريت موضوع الاخت يزاها الله خير واستفدت منها

http://www.q8yat.net/showthread.php?t=246233

 

[بنت.المطيري]

حبيبتي مشكوووووورة

بس ايهو احسن لي وارخص

اشتري من سلطان والا ارامكس

 

[بنت.المطيري]

للاسف الاخت مشغولة ..وليبلحين مالقيت اجابات

وامازون سهل شوي في مواقع شوي الشغل فيها صعب مثل هاللي دشيتله
بس بضاعته شي خرافي
ابي احد يساعدني بلييييييييز

انزين لو رحت ارامكس بيشرحولي؟

 

[رافعه الحاجب]

اسفه اختي عالتاخير

اكيد راح يكون فيه شرح وان شاء الله الاحد بروح وافتح لي صندوق عندهم الارامكس

 

[بنت.المطيري]

الله يوفقج امين ..
مشكورة

 

[adonise]

ما بعرف سبب كل هذا اللف و الدوران و الموضوع اسهل كتير .. ما اعرف دائما تتكلمون عن ارامكس هذا و كانه شئ خارق ... اختي اعلب المواقع التجارية علي النت يمكن يشحنوا طلبك مباشرة علي الكويت او اي بلد خليجي و لو الموقع بالصين بيشحنوا علي ems او dhl او ups او fedex او البريد العادي ... بس انت تختاري الاءمن و الاضمن و الاقل تكلفة و هو ems او dhl ... بس المطلوب منك اعطاء الموقع عنوان واضح لك

** اما ال paypal هو موقع لتحويل النقود و ليس له علاقة نهائيا بالشحن ... و العلامات اللي شفتيها علي الموقع تبعك هي علامات تدل علي طرق التحويل اللي يقبلها الموقع و هي الباي بال و الفيزا و الماستر كارد و الاخيرة اللي لم تعرفيها هي الويسترن يويون

** اذا ما زلت محتاجة مساعدة راسليني

 

[بنت.المطيري]

بعد عمري والله مشكوووووووورة خلاص اكلمج عالخاص

 

[رافعه الحاجب]

يعني امازون يشحن مباشره عالكويت ؟

 

[بنت الخليفان]

رفع لعيونج

 

[خربوشة ملونة]

يشحن..امازون مباشره على السعوديه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟...الله يوفق الي ترد

 

[..rain..]

الكتب ايه >> جربت اطلب كتب ووصلتني بالبريد بس ملابس وكريمات لازم عنوان بامريكا..وعلى فكرة اذا عندك صندوق بريد عادي واخذت خدمة واصل قيمتها 300 ريال بالسنه يطلع لك عنوان بريد بامريكا مجانا...

 

[عسولتي]

حبيباااتي اول شي افتحي حساب روحي شركة ارامكس ودفعي خمس ا وعشر دنانير راح تعطيك عنوانين واحد على لندن وواحد على امريكا يعني مثل صندوق خاص فيك وراح يكتبون لك العنوان ثاني شي لما تدخلين امازون او اي موقع وترا امازون اسهل طريقة فيهم راح تشترين وتحطين بالسلة وتسوي جييك اوت تطلع لج بيانات تعبينها من العنوان اللى بامريكا اللى كتبه لك ارامكس وبس تكتبين الفيزا الخاصة فيج وراح توصل لك الفاتورة على ايميلك وبعدين راح توصل للبيت على طريق ارامكس واي اساتفسار انا حاضرة ترا انا قبل كنت غشيمة بس مع التعليم صرت خبيرة والشغله سهلة حييييييييييل

 

[أم علي1]

السلام عليكم عسولتي انا موفاهمه ونفسي اشتري من موقع أمازون شنو اسوي بالضبط اسفه ازعجتك بس ياريت بالتفصيل انا من المنطقه العاشره

 

[عسولتي]

حبيبتي مافى اي ازعاج بس انتي روحي مكتب ارامكس وراح يفتحون لج صندوق وفيه بيانات وكتبي البيانات بامازون بعد ماتعبين السله راح يطلع لج بيانات عبيهم مثل البيانات اللى عطووج ارامكس واتبعي التعليمات والله سهل بس انتي روحي ارامكس وراح تشوفين العملية سهله واي خدمة انا حااضره

 

[bano0ota_cool]

dhl <<بس تطلبين من المواقع الامريكيه ترى ولا مايوصلون طلبج لي البيت انتي تروحين وتيبينه منهم ~~
اما ارامكس تقدرين تطلبين من اغلب المواقع الصينيه او الامريكيه الخ ~~
وميزته يوصل الطلب لي البيت

.
.

صراحه رحت مركز سلطان بس دوخه تقريبا تدفعين اكثر من الطلب على عليه ~
عموله والخ

احسلج البطاقه والصندوق بأرامكس ~

 

[النويره]

عفيه بنات علمونا اشلون نشترك بموقع paypal