ابي هديه تكون مفاجأه

[*دنــيـQ8 ــا الوله*]

بسم الله الرحمن الرحيم


بنات ابيكم تقترحون علي بشغله :rerrerek:
ولد اختى عمره 4 سنين ... مسافر لندن .. وابي اشتري له هديه مفاجاه له بالمطار ... شنو تقترحون اشتري ... او اسويله شي مميز .... :gr4uu:

ولد اختى اموت عليه ... وهو مثل ولدي :eh_s(2): ... يعني ماراح ابخل عليه بشيء :eh_s(21):

 

[كويتيه ذربه]

انصحج تاخذينله ايبود تاش
ونزليله العاب مناسبه حق عمره

 

[صفاءء]

حياتي عطيني صورته اسوي لج ككاو عليه صورته طبعا الصورة بتكون على الكاكوه نفسها مو على القرطاس شوفي يالغاليه توقيعي واكيد راح يعجبج ويعجبه

 

[حجيه هيونه]

اربع سنين وايد صغير

روحي الشناكل وشهاليل وهالسوالف اشتري له لعبه
قطار طياره سياره شي جذي

لانه لو خذيتي شي الكتروني حرام ماراح يعرف له


والله يرده لكم بالسلامه اهو واهله

 

[قطوة@@]

رد : ابي هديه تكون مفاجأه

نفس عمر ولد اخوي ..

اشتري له وي

ولا اذا ما عنده psp

 

[OnLy.Style]

رد : ابي هديه تكون مفاجأه

اخذيله wii aw psp aw DS aw ipod touch

كلهم حلوييييين ولد اختي بعمره ويموت على هالسوالف يستانس منهم بالذات الايبود

 

[( المـلاك )]

حبيبتي بهالعمر
كل لعبه يشوفها يستانس عليها و يحبها

بس انصحج روحي فنتازي وولد عندهم العاب حلوة و فناتك حق اليهال

قبل فترة شريت حق ولد رفيجتي هديه من هناك واايد استانس عليها
واهو عمره 4 سنوات بعد

لانهم يحبون الالعاب كلها صح
بس ملوا من طياره و سياره و قطار وووو

و هناك بفنتازي وولد الالعاب يديده و مميزة

يعني اللعبه اللي انا شريتها له

كانت مثل طابوقه
و داخلها 6 ديناصورات صغيره
و معاها سجينه و قفشه و مطرقه بلاستيك
و يقعد يحفر و و يطقطق بالمطرقه ليين ينهدم الطابوق و يوصل للديناصورات
و حتى سعرها رخيص

و رفيجتي عقبها سألتني عن المكان اللي شريت منه اللعبه
وثاني يوم راحت شرتله اكثر من لعبه
تقول العابهم مميزة مو مثل الالعاب القديمة اللي متعودين عليها
=)

 

[الحرير]

الله يخليه لكم
أشتري له طوق ورد بالمطار وجيس مليان العاب