ابي هدف اعيش عشانه

[زكيه الدرملي]

بنااات انا مو متزوجه للحين واحس تو الناس

بس الحمدالله عندي وظيفه ورفيجات وخوات

المشكله ان حياتي صااايره روتين

اقون اروح الدوام وارد انام اقعد مع امي وبعدين ابطل الابتوب والا اشوف التلفزيون
والا دي في دي وبعدين انام

احس ناقصني هدف اسعى له او شي يشغل تفكيري مدري شن. المهم ان احس مخي فااضي مافي شي
يشغلني واذا حدي اشتطيت رحت السوق واذل بكسر الروتين اخذ اجازه اسبوعين بعدين امل واقطعها
رفيجاتي بالدوام يقولون ما اتسلفينا رصيد اجازاتج هههههه
ترى توني متعرفه ع عالم الكمبيوتر ما اني ما احبه بس مجبور ه شسوي يمشي وقت اشوي

 

[شموخ العز ^]

شوفي مواهبج شنو تحبين في ناس تحب الطبخ واذا انتي منهم خليتج بالمطبخ وابتكري ههههههههههههههههههههه >> براا

لا صج شووفي شنو تحبين وسوويه بالبيت فـي ناس تحب الاشغال اليدويه جد اذا انتي من الي حبوون هـ الاشياء سويلج مشرووع صغنون يعني شتريلج تيجان الي تكوون ما فيها شي وورووحي للـمحال الكلف اخذيلج كلف حلووه وناعمه وشتغلي بتيجان بشكل مرتبه ووانا شايفه بـ معرض الروضان كماشات لكبيره مفرغينها من الوسط وحاطين كلف ومزينيها ويبووعوونها بـخمسه يعني منها تسليه وربح واذا حابه تعرضينهم عندج المعارض معرض الروضان ع مــأ اعتقد تحجزيلج طاوله 30 دينار



اتمن فدتج بشي

 

[فدوووو]

كملي دراستك

ادخلي جمعيات خيريه

تعلمي شي جديد او لغه جديدة

سوي اي شي ماقد سويتيه من قبل ونفسك فيه

 

[t o o t]

(( تصليـــــــــــــــــــن )) !!


بس اقيمي ال 5 صلوات

راح تحسين ان عندج اهداف مو هدف ؟

واذا صليتي حاولي تطولين بالصاله عشان ترتاحين _

واحمدي ربج ان عندج دوام ؟

انا بطاليه لا شغل ولا عمله بسس تقزر شنسوي

 

[مزاااج]

كملي دراستك

ادخلي جمعيات خيريه

تعلمي شي جديد او لغه جديدة

سوي اي شي ماقد سويتيه من قبل ونفسك فيه

مثل ماقالت وازيد عليهم

دشي نادي صحي >>حتى لو جسمج زين الرياضه حلووة

او قومي بأي عمل تطوعي مثلا

زيدي قراءاتج >>القراءه بحر ماينتهي

تثقفي أكثر من الناحيه الدينيه >>شكثر نجهل بأمور الدين

وأنا عن نفسي أول شي بنصحج فيه أتعلمين لغه تفيدج


وأهم شي راحه البال
الله يريح بالج واذا ع الوقت يعدي بـــ أي طريقه وأنا اختج


وبس

 

[واقعية حـلـم !]

روحي نادي الرياضة تهبل و تغير المزاج

روحي الصالون ضبطي نفسج

سوي نيو لوك روحي السوق تسوقي بمزاج

اقري شي يفيدج


و موفقة حياتي

 

[Q8NONA]

يعطيهم العافيه البنات ما قصرو بالافاده

 

[شذى2007]

خلي هدفج حفظ القرااااااان او سوره مثل البقره وسوي تحدي بينج وبين نفسج الين تحفظيهاااااااا تمام تماااااام بعدهااا ابدي بال عمراان وجذي
مادري هذا اللي جاء في بالي الحين بماا انه عندج وقت فراااغ وااايد اللي فهمته منج خلي هدفج طاااااعه الله عااااد ياكثر الطااعات اماا قراءة قرااه او قراءة تفسير القرااان اوذكر او صلاه او تنزلين داايم موااضيع اسلاميه في المنتدياات وتجتهدين بالنصح اواي شي تبينه

الله يوفقج

 

[zqertya]

مارسي اي هوايه تحبينها انا مثلج الحين معطله ومادري شسوي ؟؟ وعلى ايام الدوام والله روتينج مثل روتيني شسويت قمت اروح الممشى امشي وبعدين اشترك بنادي يعني اضيع وقت يعني شنو بتسوين؟؟

 

[شوق95]

امممممم اشتركي بالنااادي سافري معه اهلج واو كملي دراستج وصلي واقري قران وعليج بقياااام الليل : والله يوفقج حييياتي
وبس لا تياااسين وتقولين ابي هدف اعيش عشانه ؟؟ غلط كلامج ؟؟ اهلج تعشين عشانهم لانه يحبونج حبااايبج ورفيجاااتج واهلج وخواتج واخوانج واهما يحبوووونج لا تقولين جذي حرااااام عليج ليش مايستاهلووون تعيشين عشاانهمم

 

[شتاء الحب]

يالله تبين هدف واحد بس !
اعطيج اهداف تسعدج ..
اول شي روتينج اليومي انوي قبل لا تسوينه انه لله
مثال تنامين عشان ترتاحين ( و لجسدك عليك حق ) .. و تحطين ببالج انج بنتامين عشان تريحين جسمج و تقومين تأدي واجباتج بأتقان !
هذا هدف يمكن ما تحسين فيه بس هدف راقي تأجرين عليه لان نيتج لله .

القعده مع الوالده و برها هاي بحد ذاتها هدف راقي جدا .. تأجرين ببرج لها .

صوالتج و قرآتج للقرآن ..

خلي هدفج ( الفردوس )

كنت اكلم ربيعتي من يومين .. و هي مدرسه !
فقالت لي كيف هي تحب كل شي حولها لله و تحب صديقتها في الله و كيف تحاول تخدم الطالبات و تنميهم لله
و دائما تدعي يا رب ابي الفردوس و تجتهد عشان توصل للي تبيه !

شو رايج بهذا الهدف
ما يستحق تعيشين عشانه
و اصلا ما انوجدنا الا عشانه


ربي يوفقج حبيبتي .. بس استشعري بكل شي تسوينه و قولي لله .. لله

عشانك يا رب بسوي كذا و كذا ..
هذه السعاده



خويتك

 

[mire.fares]

الزواج ... الزواج ... الزواج ... تصيرين بإذن الله أم وإنسانة مسؤولة وتلقين من يملى عليج حياتج وتهتمين فيهم

 

[~✿ ارتـِوآآآء روح !]

يآآآهلآآآ وغلآآآآ :$
حبيبتي يآكثر الاهدآآآف
حفظ القرآن+ قرآءه سيره النبووويةةة + سير الصحآآآبةة + ريآضةة + تفسير القرآن + صلةةة الرحم+ الصلآآةة
وقرآءه كتب مثل لاتحزن+ اسعد أمرآه في آلعالم + كووني دآعيةةة>~~ واحناا مطالبين بهالشي
تروحين ندوآآآت دينييةةة واحنآآ انخلقنآآآ عشآآآن نعبد الله سبحآآآنه مو عشآآآن شي ثآآآني
نظمي وقتجَ مثلآآآ تنآمين 10 تقعدينَ السآآعه 3ونص تصلييين ركعتييين وتنآجين رب العآلمين لين يآذن الفجر
تصلييين الفجر وبعدهآآآ تقرين الاذكآآآر الصلااه واذكآآر الصبآآح
وتتريقيييين وتبوسين رأس امج وابوووج وتبتسمين بوجه اخوآآنج ومن ثم تنطلقين الى الدوآآآم
تكونين بالدوآآآم وقت مآتكونين فآضيةةة مسكي قرآن واقري ترآآآ شفيعج بقبرجَ
آو تستغفرين وتذكرين الله سبحآآنه ~>>> الحمدلله_ سبحآن الله _ لاحول ولا قوة الا بالله_ لا اله الا الله_ الله اكبر
وآي شي تشوفين بالدوووآم من منكر الا ونهيتي عنه ومن معروف الا وامرتي فيهْ~>> بجذي دوآآمج كله آجر ومغفرةةة باذن الله تعالى
اول ماتطلعين من الدووآآآم تشترين 5بطول مآآي و5 عصيييير وتعطيييين العمآآآل لوجه الله
تروحين آلبيت تتغدين وتصلين وتريحين تقعدين مع اميمتج وتسولفين معآآهآآآ تدخلين السرور بقلبهآآآ
وكذلك ابووج واخوآآنج اذا عندج اخوآآآن صغآآآر وديهم حديقةة الحيوآآآن ولا حديقه يستآنسون وتدخلين السرور بقلبهمَ
ترجعين البيت دشي النت وشوفي لج مقآطع حلوووةةة عن الطآآآعةةة وعن الصلآآةة
وروحي المكتبةة اشتريلج تفسير القرآن وكتب ابن القيم وكتآآآب حفظ العمر للابن الجوزي روعةةةة يتكلم عن تضيييع العمر
واشتريلج جم شريط سورر مثلااا سورة البقرة وتفتحين المصحف وتقرين معآآه وتعيدين الـ صفحةة 5 مرآآت وبجذي تحفظييين
وتزورين اهلج هذي صلة رحم
وتكفلين يتآآمةة
وفي هوآيآآت ثانيةةة مثلآآآ اشتركي بمركززز نسآآآئي حلقآآآت ذكر ومسآآبقآآآت وتكسبين خوآآآت في الله
وطبببخ وعندج دورةة الفوتوشوب دخليهآآآ وسوووي اذكآآآر ومطويآآآت من ابدأعآتج
لو ملينآآآ قلوبنآآآ بذكر الله بكل وقت ماحسينآآآآ بفرآآآغ ولا ملل ولا كدرر
عسى ربي يوفقج حبيبتي

 

[مفرفشه عالاخر]

البنات ماقصرو

شوفي هالموضوع يفيدج

http://www.q8yat.com/t882983.html

بعدين دام حدج فاضية سووي نيولوك اهتمي بنفسج وجنج عروس ودلعي نفسج

 

[منو انت]

هذا روتين اغلب البنات اللي مو متزوجات وبالعكس شي حلو انتي بنعمه تحسدج عليها المتزوجه * _ *

كل شي له وقته يعني استمتعي بوقتج خلي رفيجاتج بعد المغرب يزورونج او انتي روحي لهم سوي لج جدول اطلعي مع امج يوم ويوم مع رفيجاتج يوم نظفي دارج وبعد كويتيات ممتع على الاخر والله يعني في اشياء كثيره تستانسين فيها روحي يوم بالاسبوع سينما يوم على البحر يعني والوقت يعدي يابنت الحلال غيرج مشغول ليل نهار بيت وطبخ وعيال تحصلين امنيتها تحصل وقت تشبع فيه نوم

والله يرزقج الزوج الصالح والذريه الصالحه اللي تكتبين لنا موضوع تقولين ماااااااااااااااعندي وقت فراغ

 

[غلا الغوالي]

حبيبتي الله سبحانه يقول

"وماخلقت الجن والإنس إلا ليعبدون"

اذا انشغلتي باامور الدنيا اكثر من العباده

وربي لتحسسسسسين بهاالإحساس واكثر

راقبي نفسك بها الجانب

وراح تلقين السعاده

وتطلع لك اهداف في الحياه مو هدف واحد

الله يسسسعدك

~

​

 

[طموحه بزياده]

@@@




حفظ القرآن مشروع ناجح وهدف سامي



جان زين عندي روتينج وفراغج جان حققت ابالي اهداف




@@@

 

[عالمي انا غير]

انتي ع الاقل موظفة ؟ شتقولين عن حالي ملل بملل

بس تلفزيون وكمبيوتر وان شالله يدوم بعد ماعندي شي اسوي الا هشئ حتى لو ابي اطلع مكان بطلعت الروح اطلع بس الحمدالله ع كل حال

 

[زكيه الدرملي]

وااااااي بنات ما توقعت بتردون علي


جد جد افدتوني وصرااحه معاي ورقه وقلم وقلعد اسجل فيه الاشياء اللي اعجبتني مت اللي كتبتوه ما قصروتوا والله*

 

[شتاء الحب]

عالمي ! هل جربتي تكونين تاجره بشي انتي شاطره فيه ترى يفييد !

و اختي زكيه كنت انتظر ردك .. الحمد لله اطمنت اللحين
و ان شاء الله اليوم ( مب بكره ) تبدين تحسين بالهدف اللي عايشه عليه

بالتوفيقـ ..