ابي نصيحتكم لوجه الله

[زين الوصايا]

بنات شلون تجذبين الحريم يخطبونج انا والله اتمنى علشان احر البنات تكفون ساعدوني لان بنات خوالي كلهم يخطبونهم الا انا وشعورهم مو ذاك الزود يعني بالعربي الفصيح خفيف وانا شعري مثل هذي الصوره طول وناعم وكثيف ونفس اللون

سااااعدوني بليز

 

[MayOumii~]

رد : ابي نصيحتكم لوجه الله

????????????????????????????

مادري شقولج حبوبة!!...يعني ماله شغل لون شعرج وطوله وكثافته!!...بس كل الي اقدر اقوله ان كل أم تدور حق ولدها المرة السنعة المتربية صاحبه الاخلاق ومحترمة حتى لو كان جمالها عادي وقرعة...والنصيب اييلج وانتي ما تدرين..بس عموما كل الناس تبي الزين لعيالها...تبي الي تهتم بولدها وتحافظ عليه وتهتم بنفسها وتحاول ترضيه بكل الطرق...

تبين تجذبين الحريم خليج ذربة وراقية وسمبل لا تبالغين بالتصرفات ولا تبالغين بالمثالية خليج بتطبيعتج..وأهم شي انج تكونين مقتنعة بنفسج حبيبتي

والله يوفقج وتلقين نصيبج يا رب....​

 

[زين الوصايا]

رد : ابي نصيحتكم لوجه الله

توني صغيره حبيبتي
وهم بنات خوالي ورفيجاتي صغاار ويسؤلون عنهم

وثانكس على الرد حبيت اقول بس شلون اجذب الحريم وحمدلله انا اخلاقي سنه وبنت ناس واحب ايدي مقلوبه وادعي ربي

بس احتر اذا احد خطب بنت خالتي لووول ؟ّ!

 

[MayOumii~]

رد : ابي نصيحتكم لوجه الله

لووووووووووووووووووول حبيبتي والله...حتى انا مثلج صغيرة و مثلج اتمنى احد يخطبني..هاذي غريزة فينا نحب نحر بعض بهالسوالف~

وبيني وبينج هم انا احتر لمن احد يخطب رفيجاتي ...بس ربج كريم ماينسى عباده..لنا نصب من الدنيا ان شاء الله
​

 

[حياتي تكنولوجيا]

حياتي انتي اول شي ما شاءالله تبارك الرحمن على الشعر الحلو والله يكفيج شر العين يارب.
ثانيا اذا انتي صغيره لا تشيلين هم موضوع الخطاب وانتبهي لدراستج وصحتج.
ثالثا اذا انتي تبين الخطاب يطقون بابكم مبجر لازم تتعبين على نفسج شوي يعني تهتمين بنفسج زياده عن اللزوم يعني تطورين نفسج وتكونين علاقات واهم شي اهم شي سوي نفسي وعليج بالصدقه ترى التصدق على الفقارى والمحتاجين يفتح لج باب ستر ولازم بعد تكثرين من الاستغفار وتداومين على قراءة سورة البقره صدقيني جذيه تساعدين نفسج ويكثرون خطابج لا وبعد تختارين الاحسن بينهم وتتشرطين بعد ههههههههه صدقيني بس اهم شي المبادره يعني انتي بنفسج لازم تسوين شي . اما على صديقاتج ترى استغفرالله ما احط بذمتي موكلهم يجونهم يعني اسلوبهم دعايه لارواحهم وترويج عشان يسوون لارواحهم طله وهيبه جدام الناس واهي ترى على فاشوش يعني خلي ثقتج بربج ونفسج كبيره والله يرزقنا بالصالحين الاتقياء الانقياء ياااااااااااااارب ولا يهمج الشكل والمركز نصيحه ترى ما يجي وراهم الا الهم وعوار الراس واسال مجرب ولا تسال طبيب والله يرزقنا ويوفقنا ويفتحها علينا .

 

[<<ام تركي>>]

يا حبيبتي ماتدرين متى يجي نصيبج اذا الله كتبلج بتنخطبين
توج صغيره ولا تحاتين وتحتريين ان شاء الله نصيبج بيجيج

 

[باربية الكوووويت]

الله يرزقج الي يناسبج ويوفقج

لاتفكرين بهلموضوع وبتنخطبين باذن الله

 

[~ بنت الهدى ~]

ههههههههه حلو موضوعج عاد تصدقين انا شعري انعم و اطول من بنات عمي بس اهم الله يسعدهم ياارب انخطبوا و انا لآ بس مره و رفضت

يعني عاادي السالفه نصيب مو سالفة شعرر و شكل

 

[Tutti-Frutti]

لا تركضين ورا الزواج
اذا لج نصيب اهو راح اييلج مو انتي تروحين له

وبلا سوالف محتره ما محتره لووول من صجكم تحترون على هالشغله؟
يبا عيشو حياتكم واستانسو ترى لاحقين عـ الزواج

 

[زين الوصايا]

رد : ابي نصيحتكم لوجه الله

تدرون منو ودي اتزوجه انشالله يارب يكووون مثل جكر الممثل احمد دشتي يارب ارزقني مثل ولد الحلال كل يوم اتحلم فيه


بنااااات لا تفهموني غلط بس حبيت اقولكم شلوووون نجذب المره للي تخطب خن نحر البنات ؟!

بنات مو قصدي اتزوج بس
حبيت احد يسأل عني

 

[~ بنت الهدى ~]

^
^

منوو هذاااا مو حلوووو

اخذي هالمزيون هذا احـــلى

هههههه عشان تلعنين الساعه اللي كتبتي فيها هالموضوع

لوول اسفه عالمداخله و الملاقه ... تفضلي هالورده :eh_s(7):

 

[دآعمه القمر]

رد : ابي نصيحتكم لوجه الله

زنقآ زنقآ هههه حرآم عليج ^^^



حبيبتي ’’ البنت ’’ لازم لازم تثق بربها أولا وتهتم بصلاتها والظن بالله سبحانه << اخذيها قاعده

مو تثقين بالحريم <<<<<<<<<<<<<<<<<<<<<<<<<<<<<<

>>>>>>>>>>>>>>>>>>>>>>>> الرزق ع الله بإذن الله <<<<<<<<<<<<<<<<<<<<<<

وخليج متفائله ووآثقه بنفسج ...


مووووفقه

 

[أميره الدوسري]

رد : ابي نصيحتكم لوجه الله

الله يملحتس قولي آمين

 

[غرور وايل]

آلله يرزقج ..

ونصيبك يصيبك ..

والله كريم ..

 

[بنوتة ذهبية]

رد : ابي نصيحتكم لوجه الله

بنات شلون تجذبين الحريم يخطبونج انا والله اتمنى علشان احر البنات تكفون ساعدوني لان بنات خوالي كلهم يخطبونهم الا انا وشعورهم مو ذاك الزود يعني بالعربي الفصيح خفيف وانا شعري مثل هذي الصوره طول وناعم وكثيف ونفس اللون

سااااعدوني بليز

ههههههههههههههههههههههههههههههههه
حبيبتي وانتي تكتبين الموضوع نايمه والا نعسانه
سامحيني لا تعليق

 

[اوراق التوت]

رد : ابي نصيحتكم لوجه الله

الزواج قسمة ونصيب مو شعر زين وشعر شين نطري نصيبك وباذن الله بيجيك

 

[ترانيم القصيم]

يا قلبي أنتِ ,, تبين تقهرين البنات ؟

وشّوله تبيتيـن النية الشينة ؟ كيف نبي توفيق الله سبحانه و تعالى و حنـا نوايانا ماهيب صافية ^_^

ما عند الله ( لا ينال إلا بـ الطاعة ) ,, أما إنك يا قلبي تفكرين كذا تبين تنخطبين عشان تحرين غيرك فما أدري

وش أقول لك بصراحة ,, أول شي صفي نيتك حبيبة قلبي فديتك ^_^

و حطي في بالك إنوووهـ قضاء و قدر ,, و إنك مانتيب آخذتن إلا نصيبك ,, و إن كان كاتب لك الله سبحانه و تعالى

الزواج ,, فثقي ثقة تامة ( و حطي في بطنك بطيخة صيفية ) مانتيب مفارقة الدنيا إلا و أنتِ قد تزوجّتِ ..

فلمَ القلق من المجهول ( و هو عند الله معلوم ) ؟ ^_^

الله ييسر لك يا رب و يا عسانا نشوفتس عروسن مزيونة و نحضر عرستس إذا تبين بعد بس من دون أغاني خخخخخخ

يا لبى قلبك ,, فرج الله همك و أزاح غمك ,,

إحترامي و تقديري

ترانيم القصيم

 

[بدورة القمورة]

الله يرزقح ان شاءلله

 

[AL-7Oo0b]

رد : ابي نصيحتكم لوجه الله

ههههههههههه

حبوبة جم عمرج ؟؟

احسج 13 او 14 او 15 سنه

اذا تدرسين ركزي في دراستج لاحقه على الخطبة والعرس وغيرة

 

[! هُوْ وِينِه !]

لآ عن زين ولآ شين ولآ آخلآق ولآ دين
هذآ آلنصيب