ابي نصيحتكم ضروري

[غلاها ابوها]

السلام عليكم ؟...
ها شلونكم مع الصيام وقيام الليل ...
الله يتقبل

حبايبي بغيت استشيركم في موضوع ضروري ,,,
انا بصراحة صارلي سنه ونص من تزوجت وودي اغير بشقتي يعني اجيب اثاث جديد
للصاله واغير الصبغ واحط ورق جدران وزوليات جديدة بس اثاث النوم ماراح اغيره
لان راح يكلف علي وااايد
بس تبون الصج احاتي خالتي لاتذبحني بتقول ماصارلج الا سنة ونص وبتغيرين الاثاث جديد
وهي الله يسلمها فيها بخل شوي مع انه زوجي راضي ومرحب بالفكره وااايد
موووو لله لاني باثث الشقة من الجمعية اللي انا داشه فيها وهو ماصدق بس فديته لو ابي زيادة ماراح يقصر

المهم ما ادري تشوفونها عدله اغير في شقتي وانا ماصارلي الا سنه ونص من تزوجت
ولاني بشتري غرفة لولدي الصغير
يعني ودي بتغيير شوي مليت من الاثاث حده ديزاينه قديم

للعلم اهل زوجي ماكو ذوق كلش عشان جذي ودي اغير بذوقي

هااااااااااا شرايكم ...
واذا موافقيني دلوني على اماكن اثاث راقية واهم شي مو غالية حيل

وانا مفكره بابيات الكل بالمنتدى يمدحة بس مادري عن اسعاره ؟؟؟

 

[بناتي زينة حياتي]

تبين نصيحتي,,, غيري بالزل وبالمفارش وبدعي باستيكرات الحائط اللي هابين فيها الحين ,,, وزيني ارفف صالتج بالشموع والفواحات
غيري ترتيب الاثاث ,, بهالطريقه غيرت شوي ووفرتي ميزانيتج ,,,سنه ونص شويه حتى تغيرين الاثاث واذا على ذوق الاثاث محد بيلومج هذا حد ذوقهم ,,, انتي اضيفي لمساتج وراح تتغير نظرتج للاثاث ,,, عند سنتربوينت اباجورات كبيرة تنحط بالزاويه عجيبه وحلوه للتغيير
بالنسبة لغرفه ولدج اخذيله غرفة ناعمه وانصحج بالابيض حتى تبدعين له بالالوان من زل وارفف وصناديق العاب

والله يخليلج وليدج وابوه..

 

[miss alreem]

راي من راي اختي بناتي زينة حياتي