ابي نصيحتكم باحسن روضه خاصه

[كويتيه وافتخر]

السلام عليكم


حبيباتي
السنه الجايه بيكون ولدي اولى روضه وخاطري ادخله خاصه يتعلم ويستفيد


ابي تجاربكم

احسن روضه خاصه ورسومها جم واشلون مناهجها وشالمميز فيها مع الشكر :q8:

 

[كويتيه ذربه]

وعليكم السلام والرحمه

اول شي شوفي على حسب المنطقه انتي تبين يم بيتج ولا دوامج او بتحطينه بباص

تبين اي نظام امريكي او بريطاني

تبين روضه ثنائية لغه ولا اهليه

وعلى حسب مبزانيتج بعد

انا من رايي دخلي التجمعات هني شوفي تجمع كل مدرسه وهم دخلي سايت المدرسه وشوفي وحكمي

واي استفسار ثاني احنا بالخدمه

والله يوفقه ياااااااااااااارب

 

[كويتيه وافتخر]

رد : ابي نصيحتكم باحسن روضه خاصه

مشكوره

انا صراحه ودي بثنائية لغه

بس كنظام امريكي وبريطاني صراحه مااعرف وين الاحسن

وبالنسبه للمنطقة اتوقع فيه توصيل
لكن انا افضل بمنطقة سلوى ومايجاورها
او الضاحيه التكامل والرؤيا بس باشووف الاحسن

 

[عشق]

رد : ابي نصيحتكم باحسن روضه خاصه

انا بنتي في انجليش بلاي قروب

شوفي التجمع واي استفسار حاضر

 

[أم حمودي**MALL**]

وايد في بسلوى وانا افضل البريطانيه
ولدي بالانجلش بلاي قروب وهم بنتي قبله كانت فيها

 

[كويتيه ذربه]

رد: رد : ابي نصيحتكم باحسن روضه خاصه

مشكوره

انا صراحه ودي بثنائية لغه

بس كنظام امريكي وبريطاني صراحه مااعرف وين الاحسن

وبالنسبه للمنطقة اتوقع فيه توصيل
لكن انا افضل بمنطقة سلوى ومايجاورها
او الضاحيه التكامل والرؤيا بس باشووف الاحسن

العفو ولو حاضرين


شوفي بالنسبة للتكامل مستواهم قوي انا بنتي فيها الحين بالابتدائي
عندهم من الروضه يتعلم يقرا ويكتب بالعربي والانجليزي
بس ولدج هو بحضانه؟؟؟؟
اذا مادخل حضانه حاولي تاسسينه لو جم شهر
لان عندهم اختبار مستوى
بس لاتحاتين سهالات ان شاءالله:yaaaaaarb:

 

[كويتيه وافتخر]

رد : ابي نصيحتكم باحسن روضه خاصه

ايه انا ولدي بحضانه

ومشكوره كويتيه ذربه صج ذربه

 

[كويتيه ذربه]

العفو
تسلمين والله
بس حبيت اقولج شغله اذا بتسجلين باي مدرسة خاصه اهم شي حجزي موعد اختبار مستوى مبجر قبل لايكتفون
اتوقع يبدون من شهر 1

والله يوفقه يااارب