ابي نصيحتكم افضل دولة لشهر عسل (12)

[86روعـه]

السلام عليكم والرحمة

بنات بلليز ساعدووووني
بعرف شنو احسن دولة اوروبية لقضاء شهر عسل
لمدة اسبوعين ع شهر12

والمعروف شهر 12 اهني بالكويت برد عيل شلون براا ؟؟

شنو الدولة الي سهل التعامل مع شعبهم والاماكن حلوة فيها كتسوق وطبيعه وموواااااااايد ثلووج ع شهر 12 وجم تقريبا تكلفة السفرة يعني شكثر نحط ميزانية ؟؟؟؟

انا اول مرة بسااافر هالدول :eh_s(15):

يعني ريلي حاط في باله هالدول وقال اذا تبين تختارين غيرهم قووولي
(النمسا- هولندا-فرنسا-سويسرا)
وانا بخاطري اروح اليابان او الصين احب هالدول لووووول بس اخاف لانه كله كوارث طبيعية وزلازل الله يكفيننا الشررر

شنو تشووورون علي وسوري قرقت وايد



============

دعااائكم لي ربي يتمم لي ع خير





​

 

[86روعـه]

up

up
​

 

[86روعـه]

up

up

 

[*الحووور*]

اول شي الف مبرووك وعسى الله يهنيج

الدول الي حاطتهم بشهر 12 برد ثلوووج عندهم والأماكن السياحيه تصكر بهالجو
ا\ا خاطرج باوروبا فانصحج باسبانيا وايطاليا رووعه هالشهر
وطبعا الدول الآسويه ماليزيا تايلند سنغافوره حلوى بشهر 12

 

[86روعـه]

*الحووور*
الله يبارك بعمرج
مشكوووووووورة للرد ربي يسعدج
بسوي بحث بالدول الي حاطتها :*
​

 

[ريانااا]

مبروك والله يهنيج دول اوربا بشهر ١٢تصير بارده وثلج روحي لايطاليا واسبانيه يمكن جوهم يصير حلو بس انا ماجربتهم بالشتا بس بالصيف جوهم حار ونصحج بجزرالمالديف بس لاطولين فيها اكثر من ٤ليالي وبعدين طلعي وروحي لماليزيا وبجذي رحتي لجزيره ولدوله وتسوق شرايج *

 

[86روعـه]

يانااا >>الله يبارك فيج حبيبتي وانشالله بسوي سيرش بالي قلتيه

 

[اخت خالتهم]

إنااإ رفيجتي راحت فرنسا و أسبانيا بهالشهر و تمدحهم

النمسا حلوة بس كلللها ثلج بهالوقتت
روحي فرنسا و أسبانيا

 

[86روعـه]

thanx
اخت خالتهم عالرد :*​

 

[86روعـه]

up

up

 

[Q8BHI]

مبروكين ان شاء الله و بالتوفيق يا رب

 

[كويتية توتة]

انا رفيجتي راحت باريس وبرشلونة
تمدح باريس تقول بررررد
اما اسبانيا ما اعجبتها !؟
روحي باريس او روحي لندن
لندن وباريس
والله النمسا عجيبة بالصيف بس بالشتا مادري يمكن تسكر الاماكن السياحية
اما ايطاليا احس وايد عليها وايد اسبوعين
روحي باريس او لندن
للامانة مارحتلهم بالشتا
والف مبروووك
وموفقين يارب

 

[نـعـومـه]

اعتقد اوربا شهر ١٢ برد ماتستانسون !

ودام تحبين اليابان والصين تحبين شرق آسيا عيل تناسبج ماليزيا

 

[86روعـه]

مشكورة نعومة عالرد
انا احب دول شرق اسيا بس مابيها كشهر عسل
ابي دولة اوروبية بشهر 12 موبارده حييييييييل وثلووج وجذي
اممم وهمن ابي فيها سياحه حلوة واسعارهم زينه وهمن ابيها شووبنق

 

[86روعـه]

مشكورة نعومة عالرد
انا احب دول شرق اسيا بس مابيها كشهر عسل
ابي دولة اوروبية بشهر 12 موبارده حييييييييل وثلووج وجذي
اممم وهمن ابي فيها سياحه حلوة واسعارهم زينه وهمن ابيها شووبنق

 

[امينة الربيع1]

جزاكي الله كل خير

 

[86روعـه]

امينة الربيع1
اعتقد انه عضويتج توقفت بسبب الرسايل الخاصه الي دزيتيها لاغلب العضوات
الله يجزيج انتي بعد كل الخير
واهم شي انه كل مشاركاتج نفس الجملة

 

[نـعـومـه]

مشكورة نعومة عالرد
انا احب دول شرق اسيا بس مابيها كشهر عسل
ابي دولة اوروبية بشهر 12 موبارده حييييييييل وثلووج وجذي
اممم وهمن ابي فيها سياحه حلوة واسعارهم زينه وهمن ابيها شووبنق

معروف شهر 12 لازم برد انا بعد شهر العسل كان شهر 11 وكنت ابي اوربا بس عشان الحو رحنا شرق آسيا

شوفي اسبانيا

ورايي احسن شي تروحون اي سفريات وتستفسرون عن الدول والمواسم اللي تصلح للسياحه لاي دوله والاسعار