ابي نصيحتكم احول لي تربية اساسية ؟؟

[Kawaii GiяL]

السلام عليكم و رحمه الله و بركاته





:aha:




بنات بختصار انا مو فالحة بالجامعة كلية اداب معدلي لو انزل 20 عشر اخذ انذار اول .. يعني معدلي جنه 1 و شي 77 او 76 و هاذي ثاني سنة لي .. و عندي 3 مواد fa
و موراضية تتبطلي شعب بالمواد اللي ابيها و هالشي كلش مو قاعد يساعد

هدفي التدريس .. ما يهمني المسمى .. ابي اخلص الدراسة بسرعه و انا مرتاحة حتا لو اخذ صيفي

اخاف اتعمق بمواد التخصص و ما اطلع منها !

مواد تربية اساسية نفس مواد الجامعة و لا غير ؟؟

و اذا بحول شلون على معدل الثانوية و لا الجامعة

في مجال او وقت احول الحين ؟ و لا الكورس الياي ؟

في تخصصات نادرة بالاساسية ؟

اقدر اكمل ماجستير و دكتوراه عقب الاساسية ؟

شلون طريقة الدوام ؟؟

شلون الدكاترة ؟؟

و سالفة الشعب المصكرة و اللوعة موجودة بالاساسية ؟؟
و لا كل مادة ابيها القاها من غير لا احاتي

بليز جاوبوني ابي انقذ مستقبلي :eh_s(2):

:lkmnkl: صج صج محتارة

و يقولون تربية جامعة .. نفس مواد و دكاترة الاداب شستفدنا عيل !!

​

 

[الورده الناعمه]

اول شي شهادتج الثنويه شكثر مر عليها ؟

ثاني شي اذا انتي غاصه وايد ومو قادره تكملين تلاحقي على نفسج وحولي احسن لج قبل ما تصير شهادتج قديمه وتفلسين من الصوبين
بس اذا قدرتي تعيدين مواد ال f وترفعين معدلج احسن لج كملي بجامعتج
وتخصصتي ولا بعدج مطوله ؟؟
واذا مر على شهادتج اكثر من سنتين جم معدلج الثنويه ؟؟

وانا طالبه بالتربيه الاساسيه الحمد الله سهالات والعموم ماشي


وانتي فكري وشوفي نفسج انتي اساسا متاخره عن دفعتج ؟
قيسي الامور من كل الاتجاهات اذا شايفه انه التحويل احسن لج توكلي على الله

 

[Kawaii GiяL]

اول شي شهادتج الثنويه شكثر مر عليها ؟

سنتين

ثاني شي اذا انتي غاصه وايد ومو قادره تكملين تلاحقي على نفسج وحولي احسن لج قبل ما تصير شهادتج قديمه وتفلسين من الصوبين

هذا اللي خايفة منه اذا توني ببداية مو مترقعة شلون لي تعمقت

بس اذا قدرتي تعيدين مواد ال f وترفعين معدلج احسن لج كملي بجامعتج
وتخصصتي ولا بعدج مطوله ؟؟

ودي اعيدهم بس مو مبطلين الشعب .. و لو عدتهم و ارتفع المعدل اتوقع بيرد ينزل دكاترتنا و موادنا مو شي
تخصصت بس ليلحين ما تعمقت بمواد التخصص اغلبه اختياري

واذا مر على شهادتج اكثر من سنتين جم معدلج الثنويه ؟؟
2.99 و حاطين النسبة 92% بالمئوية

وانا طالبه بالتربيه الاساسيه الحمد الله سهالات والعموم ماشي


وانتي فكري وشوفي نفسج انتي اساسا متاخره عن دفعتج ؟ اعتبر متأخرة سنة

قيسي الامور من كل الاتجاهات اذا شايفه انه التحويل احسن لج توكلي على الله

مشكورة عمري :eh_s(7):

قلت اسأل البنات و اقرر :eh_s(10):

 

[مرمووور]

رد : رد: ابي نصيحتكم احول لي تربية اساسية ؟؟

شووفي نفسسج إذى مااقدررتي تكملييييييين
لحقي ع عمررج وحوولي
إنتي شنوو تخصصج ؟؟
وبالاول شووفي تخصصاتنا تنااسبج اوو لآ
وإي تقدررين تكملييييييين مااجستير ودكتوراااه

موووووووووفقه ياارب

 

[الورده الناعمه]

شوفي شهادتج حاليا تعتبر قديمه ، واذا قديمه تقدرين تقدمين بس بنسبه 80 ب% عشان تنقبلين

بس انتي على معدلج 2.99 معناته بالتحويل المؤوي 79.8 يعني ما وصلتي 80
فلازم تسالين عدل عدل قبل ما تسحبين اوراقج من الجامعه عشان ما توهقين نفسج

 

[^هديل الكويت^]

اهم شي مو مسالة جامعة او شنو حبوبه

اهم شي انج تدرسين عدل

انا اختي درست جامعه تخصص بيولوجيا وكان صعب لكن الحمد لله تخرجت بجيد جدا وصارت مدرسة بالثانوي جم سنه بعدين صارت مدرسه اولى وحولت لي المتوسطح لان الثانوي هلاااك دوامهم فاذا تتحملين خليج بالجامعه في ناس تتحمل تدريس الثانوي وشغلهم والمسالة الحين المشكله على كلام اختي مو التدريس الشغل يعطونج شغل وايد غير الكنترولات وسوالف وايده وفتره تخيلي فكرت تنزل تدرس الابتدائي لان فعلا تعب واهيا مو مدرسه اي كلام مو عشان اختي لو في بنات درستهم اعرفهم جان يبتهم وسالتيهم هههههههههه بس لانها تدرس بذمة وضمير وماكو الحين جذي وايد فيصير تعب

الابتدائي انا سامعه ان راحه وطبعا احنا بنات التربيه الاساسية ندرس ابتدائي بس مو كل التخصصات راحه التربية الاسلامية انا وايد اسمع ان اسهل واحلا شي

فمثل ما قالو البنات فكري عدل مو بس بالدراسة مابعد الدراسه اللي اهيا الوظيفه اوين تحسين تقدرين تبدعين اكثر

وبالنسبة حق الماستر والدكتوراه تقدرين اذا كنتي خريجة تربية اساسية انج تكملين عندنا دكتورة تدرسنا الدكتوره لطيفه الكندري خريجة لغة عربية من التربيه الاساسية وحاليا دكتورة بقسم المناهج وطرق التدريس واهيا تدرس مواد التربية مثل اصول تربية وجذي

اهم شي انتي وين تقدرين تبدعين فيه روحي اذا كنتي مع طلبة عُمر الابتدائي تحسين تقدرين تعطين روحي لكن اذا مالج خلق صغار وتبين بنات متوسط وثانوي اسهل عندج بالتعامل وجذي فخلج مكانج لانهم كلهم امانه بكونون عندج

ومن ناحية مواد التربية الاساسية ترى على حسب احيانا تحصلين واحيانا لا لكن اذا كنتي تدورين دكاتره معينين ما راح تحصلين واذا تبين اي احد عشان تخلصين فبتحصلين
واسفه اذا طولت

 

[مرمووور]

رد : رد: ابي نصيحتكم احول لي تربية اساسية ؟؟

وفي موااد عاامه بينا وبينكم
مثل اصول تربيه
منااهج
ثقافه اسلااميه
إذا جاايبه فيهم تقديرر حلوو يعاادلوونهم لج

آناا اعرف وحده كاانت بالجاامعه سنه ونص بعديين حوولت لتربيه الاساسيه !!

 

[يالبيه 17]

رد : ابي نصيحتكم احول لي تربية اساسية ؟؟

حبيبي الخلل منج آنتي .. لآزم تدرسين مو معقوله تبين الشي يجيج بآلسـآهل

شدي حيلج بدآيه هالكورس وشوفي نفسج رآح تحبين كليتج وراح تـ حبيـن درآستهـآ بعد

حرآم والله صدقيني الجآمعه ماتطوف شكثر بنـآت يتحسرون عليهـآ

شدي حيلج والله يوفقج يـآرب والي يدرس مستحيل ربي يضيع تعبه

ومو معنـآتها بـ تحولين للتربيه الآسـآسيه يعني درآستها خفيفه ولآ شي

لآ حبيبتي كلـه نفسسس الشي كل مكـآن يبيج تعطينه عشـآن يعطيج


والله يوفقج يـآرب


:wqedqw:

 

[الغــلآ]

رد: رد : ابي نصيحتكم احول لي تربية اساسية ؟؟

آلغلط منج !!

تربيه اساسيه يبيلهآ دراسسه حاآلهآ حآل اي كليه ثآآنيه



وكل شي صعب ماكو شي سسهل الااا بالدراااااسسسسسسه

يعني حاولي تعيدين مواد روحي با فورس مبجر ! شدي حيلج ! وان شاءالله ربي يوفقج

 

[Queen_Angel]

رد: رد : ابي نصيحتكم احول لي تربية اساسية ؟؟

انا مع يا لبيه حبيبتي المشكلة منج انتي,,

موااد كلية الاداب تعتبر سهلة لي درجة الكليات العلمية تاخذ منها اختياري وتطلع بقريد حاااولي تدرسين وتشدين حيلج ولا تتوقعين الاساسية

اسهل وحرام تضيعين الفرصة من ايديج في ناس تتمنى تدخل الجامعة,,

وبالنسبة انج ما تحصلين موااد روحي من الصبح الباي فورس يمكن يردونج مرة مرتين المهم تسجلين مواادج كلنا سوينا جذي عاادي وشدي

حيلج وكلمي الدكاترة قوليلهم يساعدونج..

موفقة,,