ابي نصيحتكم .. احول اداريه ولا اكمل بالاجتماعيه !!!!!

[Madmoiselle]

السلام عليكم بنات
شلوونكم
ابي نصيحتكم
انا انقبلت علوم اجتماعيه
و خاطري احول اداريه واتخصص اداره اعمال
عشان عقب اشتغل بأحد البنوك
بس لما فكرت فيها قلت وايد تعب شغل البنوك
اعرف وحده تشتغل بـ بنك و وايد تعبانه دوامين
و موقادره تحك راسها من الشغل
شرايكم اتم بالأجتماعيه و اتخصص علم نفس
ولا أحول
و لو تخصصت علم نفس , أقدر أصير مدرسة روضه ولا لأ ؟
كل وحده تبدي رايها بليز ساعدوني

 

[ATOoOMA]

هلا خيتووو

نصيحة من اخت لازم تحدين من الاووووول شنو تبين تشتغلين بالاخير ..؟؟؟

لان لا تطالعين شنو التخصص والدراسة اهم شي لازم تحطين في بااالج بالاخييير شنو تبين تصير وضيفتج بالمستقبل ؟؟
وبعدين تقررين التخصص الي تدرسينه عشان تكونين حابته ..عشان لا تدرسين شي وانتي ودج تشتغلين شي ثاني مختلف نهائي عن دراستج وعن تعبج في الدراسة


وتقبلي مروري خيتوو

 

[ATOoOMA]

انا الي اعرفه تخصص علم نفس ممكن تصيرين مدرسة بالثانوية وبعد ممكن تصيرين اخصائية

وانشالله الخوات يفيدونج اكثر لان جد ما عندي فكرة بتخصص علم نفس

 

[كويتيه وكلي دلع]

انزين جبيبتي ممكن اسالج
انا سجلت بالرياض بالتربيه الاساسيه وراح احول للعلوم الاجتماعيه
انا اشوف ان تخصصاته محدوده واخر شي معاشي قليل يعني مايسوى دراسة وتعب الجامعه
بس ماادري ليش حبيت هالتخصص وودي احول له
انتي ليش ماحبيتي التخصص
شنو عيوبه وتنصحيني احول ولا

 

[القلوب الساهيه]

اول شي صلي استخاره

وبعتبرج اختي وبنصحج علم نفس فل والكل يتخصص علم نفس وبتخرجين اخصاائيه .... المعاش والكادر وتعب مااايسوى اذ خاطرج بتخصص اخذيه بس تربيه لان مميزتها اكثر وخاصه الكاادر هذا اذ حابه تصيرين مدرسه ..

بالنسبه لاداريه ترى كليه حلووو وكل تخصصاتها مطلوبه بسوق العمل مو شرط تشتغلين بنوك لاا عندج اماكن غيره ومنهاا وزاراة وشركات

مثل ماقتلج اول شي صلي استخاره وعقب اقري كتاب اوحضري محاضرات بكل التخصصين وقرري لانج اذ حبيتي المجااال بتميزين فيه وتحملين صعوبته

وبتوفيق

 

[صب القفشه]

اي و الله هم انا اقبلوني اداب و بحول لي الاداريه

وانا اللي عارفته عن ااداريه ان مستقبلها ووايد حلوو و اي مكاان يبونج

 

[Doodoo.star]

شوفي انا بصراحة رفيحتي قالتلي انه اختها خريجة علوم اجتماعية بس ما اذكر اي تخصص واخر شي قطوها اخصائية اجتماعية واهي كانت تبي تدرس انا صراحة انصحج روحي علوم ادارية احسن ومستقبلها افضل وشغلتها مضمونة بس استخيري بالاول وشوفي على فكرة انا ما ادرس في الادراية بس اعرف ناس يدرسون فيها وايد يمدحون فيها وموفقه

 

[Madmoiselle]

مشكوووورين حبيبات قلبي على كلامكم وردكم
اختي كويتيه وكلي دلع
اممم والله انا اقولج شوفي شنو انتي حابته
لانه بالنهايه راح تكون وظيفتج
والتربيه واايد حلوه و وايد يبونها
بس مادري الاجتماعيه وايد قالولي مستقبلها موحلو
وانا صراحه ماودي أكون اخصائيه
داشه ب بالي فكرة رياض اطفال , و حابه اشتغل بشركه او بنوك بنفس الوقت
و من الحين لي بدايه الدوام بقرر بشوف شنو استقر عليه

..

 

[نور الضي]

علم نفس مالج الا اخصائيه
انا توني متخرجه مالج امل بالتدريس حتي لو جبتي واسطتج
وانا اشوف ان اغلب الوظايف يبون تخصصات الاداريه
يعني مطلوبه اكثر ومجالاتهم حلوه بالشركات
صلي صلاه استخاره والله يوفقج

 

[الحلاا كله]

هلااا Madmoiselle

انا علوم اجتماعيه ومادري شنو اتخصص

بس شوفي اذا تبين مدرسة روضه

انا اختي تخصصت علم نفس بال (العلوم اجتماعيه ) والحين مدرسة روضه

يعني عاادي تقدرين تصيرين مدرسه ....,

وبس

 

[sandrella]

السلام عليكم

اول شيء صلي استخارة طبعا

ثاني شيء انا ادرس في الادارية و اشوفها كلية وااايد ممتعة و تنمي الانسان مو بس دراسيا حتى اجتماعيا و حياتيا الشغل ما يقتصر على البنوك بس فى بشركة البترول و ديوان المحاسبة و واااايد اماكن حكومية و خاصة

يعني تنوع ووووايد مطلوبة لسوق العمل

انا من رايي تحولين ادارية و اتوكلين على الله بس طبعا بعد الاستخارة ومالج شغل باللي يقولونلج المواد صعبة هذي فروق فردية اللي صعب عنج يمكن سهل عند غيرج

وموفقة حبيبتي وهم اذكرج لا تنسين الاستخارة اهم شي

 

[ليالي العاشقين]

ماكو على الاجتماعيه ..
تخصصاته حلوووه..
وتقدرين تدخلين سلك التدريس..
واذا على الي تصير لج ...
قوليلها بعد العيد ... دوام واحد
ومالج شغل بكلام احد ..
انتي ورغبتج ..وموفقه ..

 

[قمر^خالد]

أنزين أشرايكم بتخصص علوم سياسية؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[Miss.6Mo7]

وليش ماتكلمين وتتخصيين بـ علم النفس وتآخذين إدآره أعمال كـ مسآند < طقيتي عصفورين بحجر !! لوول


موفقه حبيبتي

 

[Miss.6Mo7]

تكملين < اخ من ضيم التسجيل

 

[قدوتي سنتي]

انتي حددي وين تبين؟؟؟؟؟

ترى الواحد يدرس شي ويمكن يشتغل بمكان ثاااااااااني
واحد من اهلي متخرج علوم سياسية يشتغل ببنك


والعلوم الادارية مو بس بالبنوك واايد اماكن مرغوبة بالحكومة والا بالخاص

اهم شي الاستخارة

والله يوفقج ان شاء الله