ابي نصايحكم ياخواتي

[كويتيه صغيره]

اول شي اعطيكم فكره عني انا تزوجت وعمري 17 والحين وعمري 22 وعندي ولدي عقب تاخر حمل 3 سنوات
ابي نصيحتكم ياخواتي انا من النو ع اللي ماقول اللي بقلبي لاي احد
انا الفتره اللي طافت صارت صارت مشاكل بيني وبين ريلي وصلت لحد الطلاق بس الله ستر
ابيكم تعلموني ان مايستغني عني ابيكم تعطوني افكار تقربنا من بعض
ابي اكون مره سنعه من ناحيه شغل البيت والشكل وعنايتي لولدي مع العلم ولدي عمره 4 شهور ماخذ كل وقتي وزوجي عمره 30
ابيكم تساعدوني لان مالي غيركم

 

[شادن33]

شنو نوعيه المشاكل

 

[كويتيه صغيره]

مشاكل من اهله وانا بعد مقصره لاني تزوجت صغيره ابي اكون الزوجه المثاليه من كل النواحي

 

[فلنتينو]

اب اب انشالله يفيدونج

 

[MiSS B.K]

اجسن شي تشترين كتب من المكتبه عن العلاقات الزوجيه وكيف تحببين زوجج فيج ويد مفيده والله يصلح بينكم حبوبه

 

[مشتاقة لكويتنا]

تمنيت افيدج بس الخاص مو مفعل عندي

 

[شادن33]

اهله عامليهم مثل اهلج وامه حطوها فوق راسج لو شنو سوت طنشيها واكسبى الأجر وريلج لاتعاندينه وتقللين من قيمته وعطيه وقته ولاتهملينه عشان الياهل

 

[مجنونة هع]

اول شي اهتمي بعمرج اشتري مجموعة لوشنات وعطر وبودرة وعطورات ماركة شانيل قوتشي وهالله بالعود والبحور السنع والديتول

ثانيا شعرج اقل شي خليه مستشور كل يوم ومممكن تسونه فير او ترفيعنه ذيل حصان او تعجفينه وتحطينه على جنب

المكياج اممم مو ضروري بس مسكارا وروج وكحل فونديش الخدود يكون خفيف يعني مكياج ناعم

وعوديه انه يلمج ويبوسج قبل لا يطلع يروح الدوام وعقب ما يطلع حتى وانتوا متزاعلين مثلا قولي له وين بوستي

عوديه انه ينام بحضنج

وهالله هالله بالسوالف الحلوة والغشمرة ولا تسالينه وين رايح وين راد

 

[كويتيه صغيره]

مشكورين حبايبي بس ماني قادره انسى انه كان ناوي يتزوج علي مادري احس اني من داخل حيل مجروحه منه ومن اهله

 

[شادن33]

عمري حبيبتي ماتنلامين تزعلين وتاخذين بخاطرج من الحركه اللي سواها ريلج بس يمكن انتي قصرتى فى حقوقه ذيج الفتره وحبيتي باين عليج صغيرة وقالوا هاي ماتعرف شى قوى شخصيتج حاولي اتثقفين روحج من كل النواحي بيني حق زوجج ان انت فاهمه وعارفه عشان لايستغلونج

 

[ضحكة]

انتبهي لايطير منج

أنتي نفسي انا بعد تزوجة صغيرة بس حملت على طول ...

وفعلآ تزوج علي...

بس هو ماعطاني حتى فرصة اكبر اتاقلم اكثر ....سنة ونص وتزوج...

واللحين راح علي كل شي ...اساسآ مااتذكر نفسي مع زوج لي لحالي ...

انتي اللحين عرفتيه اكثر وكبرتي سهل انج تضبطين امورج

انشالله لي عودة ....​

 

[غربه الروح]

اهم شي تكونين بشوشه وتنسين الماضي دام للحين ما تزوج عليج معناته عندج فرصه انج تغيرين من نفسج اهم شي انسي الماضي وشيلي كل نقطه سوده بقلبج وادري انه قلبج نظيف وخليج مع اهله طيبه وحنونه من ناحيه الطبخ وصواني الحلو
ولا تقعدين كل شوي تذكرين ريلج انه كان يبي يتزوج عليج
الله يوفقج

 

[كويتيه صغيره]

مشكوووووورين حبايبي بس ابي اكون مره سنعه مابي ينقد علي باي شي
ابيكم تعطوني اشياء انتو مجربينها وفادت وياكم

 

[شادن33]

حددي شنوتبين

 

[كويتيه صغيره]

مادري ودي اسويله شي يحبه مثلا حركه قبل لايطلع من البيت
انا احبه بس لاطالعته اسولف بيني وبن نفسي اقول انا ماستاهل اللي سويته فيني ودي اسامحه بس موقادره
ابي بشغل البيت اكون سنعه ابي بشكلي اكون سنعه ابي احسسه ان اللي سواه اكبر غلط لان من وعيت على الدنيا ماشفت الا هو هو حبيبي وحياتي لاني تزوجت وانا عمري17

 

[كويتيه صغيره]

اب اب اب اب

 

[وش الدنيا بدونك]

اول شي حياتي كثري الاستغفار وصلاة الليل تقربي من ربي تالي الليل وادعي كل اللي بخاطرش

وحاولي قد ماتقدرين تخلين الدعاء هذا على لسانش كل ما طاحت عينش بعينه (اللهم املكني قلبه واجعلني بين عينيه )

والله الله بالطبخ السنع اول مايرد من الدوام بوسيه وضمه خفيفه وكلمه تخفف عنه تعبه مثل يعطيك العافيه حبيبي ان شالله ماتعبت ؟؟ ومن هالكلام الي يبرد القلب وتكونين مزهبتله الحمام والحركات الحلووه مثل الشموع وريحه ورد وغيره ومزهبه ملابسه واغراضه قبل يطلع من الحمام وتكونين معطرتهم وحطي له الغدا ونفس الشي العشاا تفنتكي عاد بالعشااا اخذي لش كم طبخه هني بقسم الطبخ انواع واشكال بدعي له

واهم شي شكلش البسي وحطي مكياج ناعم وعطورات تسبقه قبل يدش البيت وقبل كل هذا ريحة بيتش بخور وععطور خليه يدش البيت مرتاح من ريحته يقول صدق عندي سنعه مو يدش مكشر اللهم ياكافي

وحاولي تغيرين من ستايل غرفتش شوي من ناحية تغيير ترآآ والله ياثر وتنفتح انفسكم شوي ولا جا وقت الليل بدعي له بس لاتبينين انش مسويه كل هذا عشانه لا عادي بالعكس خليش عادي ريلاكس ولا كانش تغيرتي للاحسن كان هذا طبعش من زمان خليش واثقه كل الثقه من عمرش حتى لو انتقد على شكلش او اي شغله انتي مسويته عادي طوفي لا تزعلين عطيه ابتسامه حلوه ترآآ طبعهم دفش

ولاتنسين لسانش خليييه ينقط عسسسسسل دوخيه جننيه العبي بمخه بلسانش ولمساتش وضماتش << حولت حصه عربي هههههه

واسلوبش : لا ترفعين صوتش عليه ولا تعاندين اذا طلبتي شي مثلا في خاطرش وقال لا لاتراددينه حبيبتي قولي ان شالله على امرك الي تشوفه والله تلقينه ثاني يوم يجيب لش الي طلبتيه ويتسامح معاش واجد واهم شي اهله لا تذمينهم ديربالش نفسش ماترضين اهو يذم اهلش فاحترميهم ولو ماتجيبين طاريهم ابرك وامه اعتبريها مثل امش بالكلمه الزينه وبالهديه الي تطيب خاطرها والله تكبرين بعينها وبعين زوجش لا تخلينهم يمسكون عليش شي اهم شي زوجش املي عينه قبل الكل


ان شالله ما اكون نسيت شي ويكون ردي وافي مع انه مو مرتب وعلى بعض بس اتمنى يكون ردي فايده لش ي رب

والله يسخركم لبعض ويجعله قرة عين لش ي رب ولا يشوف غيرش

وسوري ع الاطاله ي قلبي :eh_s(8):

 

[كويتيه صغيره]

يعطبج الف عافيه وعسى الله يوفقج دنيا واخره ماقصرتي يالغاليه

 

[شادن33]

بالعكس حبيبتي انت كل حطي ابالج ان كان بيزوج عليج هني فتشي عالسبب من اي ناحيه في نواحي وايد مولازم يكون انت مقصره في العلاقة الزوجيه الخاصه يمكن انتي تكونين بيرفكت في هالشي بس في شي ثاني لا فكري*

 

[كويتيه صغيره]

لاني تزوجت صغيره كان كل تفكيري ابي اطلع كنتم مهمله نفسي ومهملته ومهمله بيتي بحكم ان امي ماعلمتني الحين ابي تكون شخصيتي قويه ابي اكون مره مثاليه بكل شي فهمتي