ابي نصايحكم ومساعدتكم لادارة مشروعي الصغير

[ملاك الامان]

السلاام عليكم يا جماعة
حبيت ابتدي من الصفر وأبي تأسيس مشروعي الصغير
ابي افكاركوم ونصايحكم
كم لازم يكون راس المال
وشلون انشر المشروع
وشلون اظمن ان المشروع مالي بينجح وما رح يفشل
وشلون اظمن ان الافراد بيشترون مني مو محلات حتى ما ابيع بالجملة
ويامانة اي نصيحة كل وحدة وتاجرة ومجربة بالمنتدى ​

 

[بـخور الدواسـر]

للرفــــــــــع ..

 

[ملاك الامان]

مشكووووووووووورة ^_^

 

[ورده الزرقه]

up up

 

[كيفي حبي كويتي]

ممكن اعرف شنو طبيعة المشروع اذا معندك مانع

 

[Ba6oo6a-Q8]

اب
اب
اب

 

[امل الكويت2011]

حبيبتي من خلال خبرتي في مجال المعارض المشاريع الصغيره وايد مفيدة لأصحابها
1-تكسبهم خبرة بالمنتجات المرغوبة
2-وتعرفهم على انواع الزبائن
3-تكسر حاجز الخوف والرهبه من العرض والبيع


وبالنسبة لراس المال يعتمد على المنتجات والمعروضات اللي حابة تتاجرين فيهم
وإدارة المشروع تكون من خلالج ونجاحه يعتمد عليج ولازم تنشرين اعلاناتج من خلال الانترنت والبروشورات والمشاركة في المعارض وايد مهمه

انا فالبداية عندي هواية المشغولات اليدوية وكنت اشتغل فيهم حق االاهل والصديقات
وشاركت في معرض افكاري والحمدلله توفقت لأن المعرض وايد عليه دوس من الزباين تبارك الرحمن
والإدارة ماتقصر بالإستشارات التجاريه والخدمات اللي يوفرونها والدعاية والإعلانات اللي يحطونها والموظفات اللي يوفرونهم
واسعارهم وايد زينه للحجز الشهري والأسابيع
وصراحة شهادتي فيهم مجروحه الفضل لهم بعد الله في نجاح مشروعي
وحاليا عندي محل دائم في معرض افكاري استقريت فيه ولي زباين والحمدلله


ومووفقـــه يارب وان شاء الله ينجح مشروعج وتلقين اللي يوجهج

 

[برنسيسة2007]

نصيحه لوجهه الله كل خطوه استخيري فيها صل استخاره وترا للاستخاره لها دعاء ومو نفس مايتوقع بعض الناس ينطرون يجيهم حلم لا موجذي
ونصيحه جربي بعينات بالنت
يعني بعض الخوات تقول اجمع طلبات لفساتين من امريكا
اهي ماعندها بضاعه بس تدخل مواقع امريكيه للبيع وعندها فيزا وتجمع طلبات البنات من المنتدى وتاخذ منهم نص القيمه عاد اهي شوفي كم سعر الفستان في الموقع وكم تاخذ عليه وتطلبه وفي طبعا امور للشحن وغيرها وتتعاقد مع سياره صاحبها ماياخذ من التاجره راتب ياخذ من زبائن التاجره دينارين او ثلاثه علا حسب المنطقه فأحس هذي اسلم طريقه
فانتي مثلا طحتي علا فساتين بالخبر وتبين اتاجرين فيهم لاتشترين درازن وتكودينهم صوري عينات وتعاقدي مع المحل انج تاخذين منه قطع وعرضيهم وجمعي الطلبات واخذي ربح
او شغل الحريم فصلي دراعه وحده بس وعرضيها واللي تعجبها اخذي المقاس وفصلي


عموما انا مو عارفه شنو تجارتج بالضبط عشان انصحج بالضبط

 

[قطوووة]

عليكم السلام

انصحج تمرين قسم الاستثمارات ؤالخبرات فيه مؤاضيع حلؤة تفيدج

ثانيا تشتغلين بشي غريب اؤ جديد مؤ مكرر بالديرة
ثالثا الاسعار تكؤن معقؤلة
رابعا الدعاية اهم من المنتج نفسه


ؤبس

 

[كويتيه شماليه]

راح تدوخين من اختلاف الآراء وساعات تصادفين ناس يخفسون بالشي اللي دافعه فيه دم قلبج وشغل نظيف وتبيه بأقل من تكلفته
وحده مصممة ملافع وكان الملفع الواحد بالامانه مكلفها ٧ ونص وعارضته للبيع ب ١٠ دنانير تبي تكسب فيه شوي وشغل نظيف واصلي مو اي كلام جتها وحده تبي تشتري قالت لها تخلينها ب ٤ دنانير تقول داخل نفسي ودي اكفخها والله تحطيم اعوذ بالله والله يعينج انصحج الصبر الصبر الصبر التجاره = الصبر والله يوفقج

 

[بابريكا]

حبيبتي أكو دورات حلوة يقدمونها المشاريع الصيغره واللي هالطقة أسعارها رمزيه ومو لازم انج تتعاقدين معاهم على التمويل بس اخذي الدورة عشان تتعلمين الاساسيات ..
بالنسبة حق راس المال لازم يكون عندج راس مال اللي يكفي لتأسيس المشروع ويكفي ان يغطي خسارتج على الاقل لفترة يعني لا تتوقعين ان من أول ما تبطلين المشروع راح يطلعلج أرباح .. و طبعا هاذي يبيلها دراسه عشان تعرفين متى تقريبا راح تقدرين تطلعين أرباح .. يعني بعد 6 أشهر ولا سنه ولا شكثر.
بالنسبة حق نشر المشروع .. اكيد الدعايات والسمعه .. لازم توصلين حق الشريحه اللي تبينها عشان ماتروح دعاياتج من غير فايده
واذا تبين مشروعج ينجح لازم تشدين حيلج فيه .. صاحب بالين جذاب يعني لازم تتفرغين له مو بس جذي تخلينه تسليه لان اذا مفكره ان يكون تسليه لاتدخلين بمشروع احسن لانج 100% راح تخسرينه

ان شاء الله اكون افدتج

 

[ملاك الامان]

مشالله والله جد والنعم بكل وحدة فيكم
كل وحدة قالت اشياء واااايد مهمة وكلها كتبتها على دفتر
انا بصراحة راس مالي ما يزيد عن 150 دينااار
وبصراحة ماكو ببالي ولا اي مشروع
ابي منكم الله يخليكم تقولولي اشياء غريبة ومطلوبة الحين
واشياء رح تنباع بسرعة
انا لحد الحين ما دفعت اشتراك عضوية التاجرات
عشاني خايفة البضاعة ما تمشي ويروحو الفلوس عالفاضي
يعني برايكوم تجارة الطباعة على التيشرتات او الفناجين بزخارف حلوة وعصرية
وايضا طباعة اي صورة يبونها الزباين عليهم
رح تجذب انتبهاههم ؟؟
وبامانة كل وحدة فيكم شلون نشرت مشروعها ؟
الفيس بوك والتويتر و هذا المنتدى ؟؟ طيب شنو اكو بعد اماكن او مواقع ممكن تشهرلي المشروع !!؟
اانا مفكرة بعد اطبع بروشوراات وجذي
افيدوني الله يخليكوم