عن تجربة آنا سافرت مع ولدي وكان عمره وقتها 4 أشهر رحنا امريكا حق زوجي كان ينطرنا هناك وكنت مثلج احاتي خاصة انه بجري فما كنت اعرف شي .... الغلطة اللي طبيت فيها اني شريت الخزام اللي تحطين فيه البيبي واتعلقينه على صدرج كان اسم الله عليه ثقيل بالنسبة حق وزني فتوهقت اشيل شنو واخلي شنو
فأحسن شي العربانة تكون معااج .. وخفت اتسكر اذونه لما تقلع الطيارة فعلى طول حطيت مصاصة بحلجة وقعدت اهزه والعبه وآخذ ايده اغنيله close open close open واهو الخايس يسكر ايده ويبطلها ... هني اول ما طارت الطيارة والميزة ان البيبي اقل من سنه يوفروله سرير قبالج .... وطبعا دااخ بعد ما شرب حليبته ونام تقريبا 4 ساعات وبعدها قام رحت غيرتله حفاضته وملابسة ويبت معاي قرقاشة وقصة ملونه قعدت العبه شوي بعدها نزلنا مطار جنيف ترانزيت اهني تبهدلت لأني تعبت وآنا اشيلة تخيلي رابطته على صدري ولابسة وراي جنطة ظهر فيها اغراضة وتكرمين احتجت اروح الحمام فوحده يابانية ساعدتني (كسرت خاطر روحي والبجوه على طريف
وقبل لا انطير عطيته دوه الحساسية اوصفه لي الطبيب فالحمدالله نام أغلب الوقت يعني باختصار الياهل بهالسن ما يأذيج بس يشرب حليبته وتكون ملابسه نظيفه راح يرتاح ....... والله يسهل طريجكم انشا الله
