ابي نادي قريب من سلوى وسعره حلو

[Rimova]

السلام عليكم
كل شي واضح من عنوانه انا ساكنه في منطقة سلوي وابي نادي قريب من المنطقه وسعره حلو موغالي
وابي سمعته حلوه بليييز اللي تقدر تفيدني لاني انا حامل وعارفينن بعد الولاده اشلون الجسم بيكون

 

[عالمة_جيولوجيا]

فندق النخيل في قسم حق الحريم......بس ماجربته والله

 

[يابختي]

في نادي اليرموك ببيان...

 

[كوكيز]

مثل ما قالت الاخت نادي اليرموك في مشرف .. سعره زين في اجهزه و في كلاسات .اللي سمعته انه زين و بسيط

 

[يابختي]

في نادي اليرموك ببيان...

سوري..اقصد مشرف... نادي اليرموك بمشرف

 

[جاردينيا_2000]

النخيل أكيد فيه قسم للحريم ...أنا دخلته مره ..كان خلط ؟؟؟ متأكدين في حق الحريم
أنا بعد ساكنه في الرميثيه أبي نادي قريب وحلو سعره حلو بعد

 

[وحش الريم]

النخيل عجيييييييب في نسائي فوق خاص..........بس صراحه سعره شوي اوووفر
اليرموك انا جربت قبل جم سنه في مدربة فلبينيه تهبل...........والحين سمعت جددوه بس ما رحت شفت....شوفي وقولي لنا

 

[جاردينيا_2000]

رحت النخيل اي فيه قسم الحريم بس اليوم عطله فكان زحمه ولويه واايد ويهال ..بس لما رحت قسم الحريم ازوين صغير بس يطل على المسابح ..في جاكوزي وغرف تبديل ...وسبا سعره ابروح وعندهم عروض الحين للعوايل وسبوع الياي راح يعرضون النادي الصيفي للاطفال
السعر 6 شهور 450دك
ومافي مدربه حق قسم الحريم ...لازم تحجزينها وتطلبينها لانها موجوده في قسم الخلط =)

 

[Rimova]

مشكورين وماقصرتوا شكلي بشوف اليرموك اللي بمشرف

 

[contessa]

بنات ممكن رقم نادي اليرموك في مشرف او وصفه شكرا

 

[فرفووووشة]

شوفي اختي ...اذا دخلتي مشرف من صوب فرع 24 ساعة وبرجر كنج يصيرون على اليمين ، والنادي على اليسار ، تروحين سيداااااااا وتردين فوق تحت تكملين سيدااااا يصير النادي على اليمين :gathering:

 

[om MaRyooM]

والله حتى انا ابي نادري وساكنة بسلوى...الجسم بعد الولادة خرااب !


ونادي النخيل حلو بس سعره غالي

 

[لـولـو الحلوه]

انا بعد بدش نادي جسمي اخترب : /

بشوف نادي اليرموك بمشرف

 

[contessa]

Mashkoooooooooora frafooosha 7bebti

 

[nazek_q8]

انا بعد ابي رقم النادي

 

[costa chic]

جم الاشتراك بنادي اليرموك؟ و شلونه نظيف؟

 

[najla2]

انا كنت مشتركه فيه
شوفي الشهر 50 دينار واذا يوم وترك 40 دينار في اجهزه وسباحه ورقص ومدربات
ورقم النادي 25375351

 

[~La PearLa~]

بنات الي جربت نادي اليرموك او سمعت عنه
شلون نظافة حمام السباحه ؟ وو في مدربه تعلمني لاني كلش ماعرف
و عندي الم في الظهر ابي اتدرب عدل مو اي كلام عشان تقوية الظهر

 

[mariam_q8]

انا بسلوى واروح باينبل الشعب قريب*طريج الخط السرييييع و فيه مساااااج خيالي يضعف امي كله اهناك واي ٥٠ بس بعد ما ااولد بروح وتقدرين اتحطين مدربه خاصه بس جنه زياده ٢٠ او ٣٠