ابي نادي صيفي لبناتي بالجهرا وناسه مو دراسه

[دغبووجه]

السلام عليكم


عندي بناتي ذبحوني بحنتهم وودي اسجلهم بنادي يونسهم بهالصيف

اللي تعرف نادي بالجهرا تدلني عليه وتكسب فيني اجر من حنة هالبنات :cxxxp:

 

[DEEMA]

انا سجلت عيالي بنادي احياء التراث حلوو

البنات الصبح من 9 ونص للساعه 12

قرآن وطبخ وخياطه بنتي حدها مستانسه منه وكل خميس رحله

والعيال من 4 للساعه 8 سباحه وقرآن وعلوم شرعيه ومسبح صابوون وكرة قدم ووكمبيوتر وبلاستيشن وكل اربعاء رحله

رسوم البنات 20 دينار والعيال 30

انا سجلت عيالي وارتحت من الهوشات اللي صدعت راسي


دعوااتج لي ان الله يهون علي ويسخر لي زوجي ويخليلي عيالي

 

[راويه]

فيه ليتل اكادمي ناويه ادخل اعيالي شهر ثمانيه لاني بسافر شهر سبعه

 

[دغبووجه]

انا سجلت عيالي بنادي احياء التراث حلوو

البنات الصبح من 9 ونص للساعه 12

قرآن وطبخ وخياطه بنتي حدها مستانسه منه وكل خميس رحله

والعيال من 4 للساعه 8 سباحه وقرآن وعلوم شرعيه ومسبح صابوون وكرة قدم ووكمبيوتر وبلاستيشن وكل اربعاء رحله

رسوم البنات 20 دينار والعيال 30

انا سجلت عيالي وارتحت من الهوشات اللي صدعت راسي


دعوااتج لي ان الله يهون علي ويسخر لي زوجي ويخليلي عيالي

مشكوره حياتي بس احنا معاناه بقومة الصبح

في عندهم فتره مسائيه للبنات ؟

والله يرزقج ماتتمنين اختي :tek:

 

[دغبووجه]

فيه ليتل اكادمي ناويه ادخل اعيالي شهر ثمانيه لاني بسافر شهر سبعه

ليتل اكادمي وين فيه وشنو نشاطاتهم ؟

 

[دغبووجه]

اببب

 

[DEEMA]

فيه العصر اختي بس كله مواد دسمه تجويد وتفسير ومواد دراسيه

وبنتي ماتبي دراسه تبي شوية جد على لعب والي العصر ماعندهم رحلات الماده الوحيده الي تحسين انها ترفيهيه الفنيه بس

انا مثلج معاناة عندي قومة الصبح بس حلو يعني يعني تقوم البنت قولي الساعه 9 على بال ماتلبس وتتريق وتروح

انتي دقي عليهم واستفسري بس بسرعه لايطوف موعد التسجيل لانه بادي تسجيلهم من 1/6 ودراستهم بدت 14/6

 

[دغبووجه]

مشكوره ديما ماقصرتي





في احد من الجهرا يفيدنا بعد

 

[راويه]

حبوبه ليتل اكاديمى بالقصر ق3 قبال النادي مال اظن منيره الحجرف مدرسه انجليزي متقاعده وعندها معلمات من بريطانيا ت : 4589552

 

[دغبووجه]

مشكوره راويه

 

[عـشـــ كويت ــقـــي]

شوفي عندج السراج المنير ..
تلقينهم على مااتوقه بثانوية الجهرا بنات ..
بش شنو اوقاتهم ماادري والله واي اعمار يبون هم ماادري ...

بس ترا احياء التراث لا يعلى عليه ..

 

[أميره بأخلاقها]

حي الله بنت منطقتي


وروني فزعتكم ياكويتياات هذي بنت الجهراا مو اي شي
شوفي تسجلييييين بنااتج بأحسن ناادي اوكيييييييييييييه ؟؟<<< ههههههههههههه

 

[اثمان]

فيه حمام سباحه بالعيون مقابل المستوصف

 

[اثمان]

نادى سميه
الموسوعه العلميه
فى مبنى جمعية الاصلاح

 

[اثمان]

معهد ابن سينا عندهم الصبح و العصر

 

[اثمان]

نادى حضانة طيبه عندهم العصر

 

[اثمان]

نيوزاهيرر اللى اهو بريطانى اللى المبنى الكبير اللى عندهم دورات كمبيوتر هم عندهم نادى

 

[اثمان]

هذولا كلهم ادقى عليهم وفيه بعد النادى اللى مكان بيت الزكاة سابقا اللى الحين حضانه هم عندهم العصر وانصحج روحى وشوفى بنفسج حمام السباحه اللى بالعيون من غير رسوم وهو تابع لهيئه الشباب و الرياضه