ابي من ياخذ بيدي ويوجهني صوب الصح

[Gorgeous ~]

السلام عليكم والرحمه

شحالكم حبيباتي ؟ ان شاء الله بخير
بنات انا عمري 18 سنه ومالجه بس على ويه طلاق :eh_s(2):
مافرحت مثل باقي البنات بس الحمدالله على كل حال راضيه بقضاء الله وقدره
ولازم الواحد يصبر ..

بنات انا اهمللت صلآتي وايد واعترف بهالشي وجدا ندمانه وقلبي يعورني على نفسي
كيف قدرت اترك الصلاه ؟
ادري باجر راح اتعذب بقبري .. بنات ابي احافظ على صلاتي

صرت مااهتم بدراستي وتراجع مستواي ولا بشي حياتي جذي عايشتنها
مافي هدف مافي شي مفيد بس دراسه لابتوب وتلفزيون

بعد ماصارت لي مشاكل مع زوجي قدرت المسستقبل جدا
وتمسكت بدراستي اكثر من قبل وكرهت الريايل كلهم وقررت مااأتزوج اببد =(

في احساس بداخلي يقولي اني راح انججح وراح اسوي شي كبير افتخر فيه
مادري شو هالاحساس

ابي حد يرشدني للطريج الصح ويمسك بيدي يمكن اللي حولي مايحسووني فيني !
ولا حد يعرف اني بكل ليله احط راسي ع المخده وانا متضايقه

وان دموعي صار نزولها عاده قبل النوم !
ودي اطلع من اللي انا فيه

ودي انهي القلق النفسي والتعب والضيق ..
بنات لاتبخلون علي بأي نصيحه احس روحي ضايعه احس اني وحيييده جدآ

.. والحمدالله على كل حال

 

[شــــــــــــــوقــــه]

خلاص عرفتي الحل الحين .. صلاتج

دام ندمانه هذي بداية المشوار الصح حافظي عالصلاة و اذا صج خايفة من العذاب و تحاتينه بتقومين من نفسج تصلين

و اذا ما صليتي او تأخرتي عن الصلاة ماراح تحسين براحة

و الدراسة والنجاح هم يبيلها تجابلين و الله بيوفقج ان شاء الله

و بعدين انتي 18 توج صغيره مسرع خذيتي قرار ما تتزوجين ميخالف تجربة فاشلة مو معناته توقفين حياتج عليها

من حقج تتزوجين و تكونين اسرة مو كل الرياييل مو زينين

 

[Daisy chain]

كل مشاكلج راح تنحل بالصلاة،،،،،، والحمدلله انج عارفة وندمانة انج مقصرة فيها ،،،،،،، كلمة أبي أحافظ على الصلاة ماتكفي والموضوع سهل حيل من تسمعين الاذان قطي كل شي من ايدج شنو ماكان مهم وصلي ولا تأخرين الصلاة كلش ،،،،،،،،،،،وأكثري من الدعاء ان الله يثبتج على الصلاة و يحل امورج كلها واستغفري قد ماتقدرين وقبل لا تنامين صلي لج ركعتين وقولي اللي قلتيه لنا بالسجود حق الله عز وجل ،،،،،،،،انت مو بروحج انت معاج القوي العزيز اشكي له همج وبيقين ان راح يستجيب لج صدقيني بترتاحين,,,,,,قبل صلاة الفجر بساعة اذا قدرتي تقومين فيها اقعدي صلي واقري قرآن واستغفري واذكري الله صدقيني بتتغير حياتج وتشوفين السعادة صج،،،،،،، خلي لج ورد يومي من القرآن ما تتركينه كل يوم واذكار الصباح والمساء لا تنسينها،،،،،،، اهتمي بدراستج اكثر وخليها همج بعد الله عز وجل لانها الضمان حق مستقبلج بعد الله ،،،،،،،، شاركي اهلج ونمي مواهبج وهواياتج مو كل الوقت تكونين بالنت،،،،،،، لا تكرهين الرياجيل من شخص واحد ترى في الصالح وفي الطالح و انت حتى توج صغيرة قدامج الحياة،،،،،،انت بس تقولين جذي لانج مريتي بتجربة سيئة مع الوقت إن شاء الله تتغير نظرتج ،،،،،، ربي يعوضج باللي أحسن منه الصالح إن شاء الله ويوفقج يارب:eh_s(17):

 

[مشاعر مندفعة]

حبيبتي اذا تطلقتي هذي مو آخر الدنيا ، اهتمي بدراستج وصلاتج وعيشي حياتج طبيعية ولا تكرهين الرياييل وتصيرين معقدة
ترى للحين في رياييل زينين وان شاء الله رب العالمين يرزقج بالزوج الصالح ، بعدج صغيره لا تشيلين الهم من الحين

 

[دلوعةمآمآ]

وعليكم السلام ورحمة الله وبركاته

(ومن اعرض عن ذكري فان له معيشة ضنكا)

تدريين يا أختي إن أول ما يحاسب عليه العبد يوم القيامة الصلاة فإن صلحت صلح سائر عمله وإن فسدت فسد سائر عمله.

ماراح تحسي بالسعاده الحقيقيه وانتي بعيده عن الله ,,

شيء حلوو إنك ندمانه وتبين أحد ينصحك وأحنا خواتك وخايفين عليك من النار <الله يحرم اجسادنا عنها قولوآ آميين ..

بس بسألك نسيتي تتغدي اليوم ؟

نسيتي تكلمي صديقتك ؟

نسيتي تدخلين المنتدى يوم من الأيام ؟

نسيتي تجلسين على التلفزيون ؟

أكييد كلهاا لأ طيب لييش ماتحطي الصلاه من ضمن الأشياء اللي مستحييل تنسيها وتهملينها !!

حبيبتي اول مايأذن على طوول تعوذي من أبليس وقومي صلي وأدعي ان الله يساعدك على الصلاه ويخليها احب شيء عندك

الشيطان راح يوسوس لك ويثقلها عليك عشان تتركينها لكن خليك على صراع معاه واحرقيه بالأستغفار

اقري كتاب نهاية العالم للشيخ _محمد العريفي _الله يسعده ,رآح تتغيرين كثييير وتندميين على كل يوم مر عليك ماسجدتي لله


اما بالنسبه لـ موضوع أنفصالك عن خطيبك ماقدر احكم الموضوع لأن ماقلتي بالتفصيل !

لكن الله يهديك ويغفر لك يارب

ويجعل الصلاة من أحب الأعمال لك

 

[قصْر شآمخ~]

حبيبتي كلنا مرينا بهالفترة

وأكبر شي تعلمته من الماضي

لا تنطرين أحد يساعدج

ساعدي نفسج بـ نفسج

إنتي معاج الله وهذا يكفيج ولازم تعتمدين على نفسج
وتبدين تعدلين حياتج وعبادتج

محد راح ينفعج بالدنيا ولا أحد بيبقى معاج على طول

فاستغني بـ الله عن العالمين ..

 

[Patcholli]

حبيبتي مدام بتلتزمين بصلاتج فتأكدي مثل ما ربج وفقج لهالشي بيفتلح ابواب الرزق والتوفيق
الله يبي يوريج حياتج بدونه شلون ومعاه بالصلاة اشلون
تاكدي مع الصلاة والعباده حياتج بتتبدل فوق تحت وبتصير للاحسن وبتشوفين التباشير والتوافيق
لاتقنطين من رحمة الله
وبالنسبه للصوات الي فاتتج حاولي تصلينها قضاء لما في الذمه
كل يوم صلي قضاء مره الظره ومع العصر ومره الصبح وجذي حسب الي تقديرن عليه
والله يوفقج يارب
بالنسبه حق مشكلتج ويا زوجج مافهمتها لانج مو موضحه فماقدر انصحج فيها ولا افيدج

 

[M!SS.LOBY]

الله يهديج ويصلح حالج

 

[Gorgeous ~]

مشكورين حبيبآتي
وياعساه بميزان حسناتكم يآرب =)

 

[ام هيا العلي]

فديتج يااختي الغاليه ..

سبحان الله رب العالمين مايبتلي الاعبده اللي يحبه وانتي غفلتي عن ربج فتره ورديتي للطريق الصحيح

وانتي ماتدرين ياقلبي يمكن الطلاق اللي بيحصل هذه خيره من الله سبحانه وقولي الحمدلله

{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}

والخيره فيما اختاره الله وصدقيني يااختي الانسان اللي يكون مع ربه ونيته صادقه لله عزوجل والله والله

ربي يسهل ويسر لج امورج وراح واهم شي رضى الله ورضى الوالدين

وربي يوفقج ياحبيبتي ويرزقج بالزوج الصالح اللي يسعدج

 

[غآب نورك ~]

حبيبتي اول شي حطي في بالج الطلاق مو نهاية العالم

انا حاسه ف شعورج واكلمج من تجربه ومريت فيها بنفس عمرج

في البداية بتحسين صعبة الحياه وماراح تقدرين تكملين

بس فجأه جذي بتحسين انه هالشي بيعطيج دافع قوووي انه يخليج تستمرين وتكملين وتنجحيين

وصج خلي هالشي دافع لج دووم وابدا لا تستسلمين ولا تنظرين احد ياخذ بيدج

وشغلة ثانيه ابدا ابدا لا تنسين تكونين قريبة من ربج دام الحين انتي ندمانه وحسيتي بغلطج تقربي من ربج اكثر واكثر واحسني الظن فيه والتزمي بصلاتج وان شاء الل هربي ماراح ينساج

وادري التجربة اللي مريتي فيها بتخليج تكرهين الريايل
بس انتي صغيره وعقب ان شاء الله ربي يعوضج وتنسييين لا تخلين هالشي يخرب حياتج

الدنيا ماتوقف على ريــال

 

[Gorgeous ~]

بنات مشكوررين وايد
صرت مرتاحه نفسيا والحمدالله
واتخيلو موضوعي انحل مع ريلي

وكل شي صار تمام الحمدالله يارب على كل شي الحمدالله

 

[النبع الحنون]

حبيبتي انا مثلك طلبت خلع قبل الزواج والحمد لله
وشعور طبيعي تحسين انك ضايعه وماتدرين قراراك صح او لا
بس الصلاه حبيبتي اهم شي "ومن اعرض عن ذكري فان له معيشة ضنكا"
لا تتركينها ابدا هي الي فيها الطمانينه وراحه البال
ودراستك اهتمي فيها لانها مستقبلك وماراح ينفعك بعد الله الاهي
ولا تهتمين بمساله الطلاق والزواج لانها نصيب
وان شاء الله ربي بيعوضك باحسن

 

[Daisy chain]

بنات مشكوررين وايد
صرت مرتاحه نفسيا والحمدالله
واتخيلو موضوعي انحل مع ريلي

وكل شي صار تمام الحمدالله يارب على كل شي الحمدالله

الحمدلله ربي يوفقج ويتمم عليج بالخير :eh_s(17):

 

[نوف الصقعبي]

ربنا سبحانه وتعالى قال

ومن أعرض عن ذكري فإن له معيشتآ ضنكا

يعني اللى مايعرف رب العالمين لما يرتاح وينساه ويهجر صلاته

ولما يطيح بالمصايب يتذكر رب العالمين ويلتزم بصلاته بس لين تنفرج مشكلته

هذا منافق

وربنا ممكن يبليه بألعن من اللى اهو فيه

ومكرو ومكر الله ان الله خير الماكرين

التزمي بصلاتج سواء مرتاحه وله متضايقه

وتذكري كل ماقطعتى عن الصلاة الله سبحانه بيكون غاضب عليج وملائكته
شلون تبين الله سبحانه يفتح لج ابواب الخير والسعاده والتوفيق

سنج جدآ صغير على زواج خاصة بزمنا هذا

لاكن اللى صار صار

والله يثبتج عالصلاة وماتكونين من المنافقين
اللى مايعرفون رب العالمين الا وقت المصيبه​

 

[M2REOOM...]

حبيبتي انتي والله ليتج عندي اساعدج انتي عرفتي ساس ضيجج صلاتج سر سعادتج لايجتمع توفيق مع عصيان الله واضبي ع صلاتج وليش كرهتي زواج احمدي ربج توج صغيره والحياة جدامج شوفيني انا اصغر منج وقاعده انصحج بدال لا انتي تنصحيني هههههه لايبا عيشي حياتج وماعليج من احد دنيا قدامج وتوج صغيره من اول مشكله قلتي والله تعبت والله هلكت شبتسوين بعدين>> ان شاء الله جدتي ههههههه فكيها يبا وستانسي وباجر بتصير ذكره هلايام وبتضحكين ع نفسج شلون تضايقتي وبتسولفيتها لعيالج ولعيال عيالج ان شاء الله :yaaaaaarb: و هلا هلا بذكر الله

 

[Sohai]

السلام عليكم والرحمه

شحالكم حبيباتي ؟ ان شاء الله بخير
بنات انا عمري 18 سنه ومالجه بس على ويه طلاق :eh_s(2):
مافرحت مثل باقي البنات بس الحمدالله على كل حال راضيه بقضاء الله وقدره
ولازم الواحد يصبر ..

بنات انا اهمللت صلآتي وايد واعترف بهالشي وجدا ندمانه وقلبي يعورني على نفسي
كيف قدرت اترك الصلاه ؟
ادري باجر راح اتعذب بقبري .. بنات ابي احافظ على صلاتي

صرت مااهتم بدراستي وتراجع مستواي ولا بشي حياتي جذي عايشتنها
مافي هدف مافي شي مفيد بس دراسه لابتوب وتلفزيون

بعد ماصارت لي مشاكل مع زوجي قدرت المسستقبل جدا
وتمسكت بدراستي اكثر من قبل وكرهت الريايل كلهم وقررت مااأتزوج اببد =(

في احساس بداخلي يقولي اني راح انججح وراح اسوي شي كبير افتخر فيه
مادري شو هالاحساس

ابي حد يرشدني للطريج الصح ويمسك بيدي يمكن اللي حولي مايحسووني فيني !
ولا حد يعرف اني بكل ليله احط راسي ع المخده وانا متضايقه

وان دموعي صار نزولها عاده قبل النوم !
ودي اطلع من اللي انا فيه

ودي انهي القلق النفسي والتعب والضيق ..
بنات لاتبخلون علي بأي نصيحه احس روحي ضايعه احس اني وحيييده جدآ

.. والحمدالله على كل حال

صلاة اهم شئ جميع الصلوات الخمس لا تأخري
في الصلاة والله بعد قليل بعد ساعه ولاربع ساعه
ولا تومأذن لا اتركي الكسل تقلبي على الشيطان
لا يكون الشيطان يتقلب عليكي وحاولي ان
لا تستعجلين في الصلاة والله الان سوف
يطلع المسلسل التركي ولا مسلسل ولافيلم
انا ما اقولك لا تشوفين مسلسل انا لا
امنعك عن الموشاهد لكن إذا حان وقت الصلاة
ليش يقول مواذن حي على الصلاة
إذا فرحتي صلي صلاة الشكر إذا حزنتي
صلي صلاة الرجاء وادعي وانتي ساجده
والله تصيرين قريبه من الله وقولي يارب
اجعلني مقيم الصلاة ومن ذريتي ربنا
وتقبل الدعاء وقبل ما تنامين في دواء
مثل بنيدول اقرئي القران قبل ما تنامين
سورة الملك وسوره البقره وال عمران وسورة
الكرسي المعوذات والله دواء ما تصحين الصبح
لا منشرح صدرك وادعي من ربك ان يشرح
صدرك وقولي دعاء الهم والحزن كل صلاة
والله يعطيكي السعاده وراحت البال يارب
اكرمها السعاده يارب يا اكرمه الاكرمين
يا ملك الملوك يا رب

 

[Sohai]

صلاة اهم شئ جميع الصلوات الخمس لا تأخري
في الصلاة والله بعد قليل بعد ساعه ولاربع ساعه
ولا تومأذن لا اتركي الكسل تقلبي على الشيطان
لا يكون الشيطان يتقلب عليكي وحاولي ان
لا تستعجلين في الصلاة والله الان سوف
يطلع المسلسل التركي ولا مسلسل ولافيلم
انا ما اقولك لا تشوفين مسلسل انا لا
امنعك عن الموشاهد لكن إذا حان وقت الصلاة
ليش يقول مواذن حي على الصلاة
إذا فرحتي صلي صلاة الشكر إذا حزنتي
صلي صلاة الرجاء وادعي وانتي ساجده
والله تصيرين قريبه من الله وقولي يارب
اجعلني مقيم الصلاة ومن ذريتي ربنا
وتقبل الدعاء وقبل ما تنامين في دواء
مثل بنيدول اقرئي القران قبل ما تنامين
سورة الملك وسوره البقره وال عمران وسورة
الكرسي المعوذات والله دواء ما تصحين الصبح
لا منشرح صدرك وادعي من ربك ان يشرح
صدرك وقولي دعاء الهم والحزن كل صلاة
والله يعطيكي السعاده وراحت البال يارب
اكرمها السعاده يارب يا اكرمه الاكرمين
يا ملك الملوك يا رب

إذا صليتي لا تقومين بسرعه اقرئي سورة
الكرسي وسورة الخلاص وتسبيح
والحمدلله وتكبير واقرئي قران وطلبي
من ربك الهدايه كوني صادقه مع ربك
وتوكلي عليه في كل شئ اكن لا تشكي
لا تستعجلي تقولين الله ما استجاب
دعوتي لا قولي يارب قربني منك
وادعي بين الاذان والاقامه وإذا كان
عندكم ديك لما يطلح الديك صوة ينادي
ادعي الديك يشوفك الملك سبحان الله
وكلب يشوف الشياطين سبحان الله
والله يسعدك دنيا وأخره