ابي مساعدتكم

[نفول]

السلام عليكم يا احلي ابلات
بغيتكم تساعدوني
انا توني متخرجه من علوم اجتماعيه من تخصص جغرافيا مسار نظم معلومات جغرافيه و تخطيط حضري
وقبلوني تربيه وانشالله بصير مدرسه جغرافيا
وانا ماعندي خبره عن التدريس كلش ولا التحضير ولا الدروس النموذجيه ولا الشرح
ودراستي كانت بعييييييده عن هالشي وحتي تخصصي موالجغرافيا الطبيعيه اللهم ماخذه ماده وحده طبيعيه
وانا احب التدريس وخايفه وايد منها لاني ماعرف فيها ولا شي
اتمني تساعدوني وتعلموني بكل شي شلون احضو وشلون اشرح ة من وين اسوي وسايل
وشنو المكتبات الي فيها اشياء حلوه حق دفتر التحضير و الافكار وشلون اتعامل مع الطلبه
والمدرسات و الناظره كل شي اذا مااكلف عليكم
سامحوني ادري سالفتي سالفه بس ماعندي غيركم حبايبي

 

[فطووومة]

الف مبرووووك حبيبتي والله يوفقج ان شالله

كل امور التدريس بتتعرفين عليها من خلال رئيسة القسم وزيارتج لزميلاتج في القسم للحصة

وشوفي هالقسم فيه اشياء وايد قيمة ومفيدة لج
اما المكتبات
عندج دسمان بس خبري فيه من زمان ما ادري اذا تغير او لا ان شالله البنات يقولون لج

والسنافر بالاندلس

وحطي بقوقل كلمة دروس الجعرافيا او اللي تبين يطلع لج اشياء حلوة وتعجبج
وان شالله كل شي سهل وتوكلي على الله

موفقة حبيبتي

 

[فطووومة]

وان شالله يفيدج هالرابط

http://www.q8yat.com/showthread.php?t=700253

 

[ابلة غزالة]

مبروك على الوظيفة
انشالله لما تبدين دوام بتلقين صعوبه اول شي بس بعين بتتسهل عليج دام انج تحبين التدريس
مثل ما قالت الاخت فطومه كل شي بتتعلمينه من زميلاتج و انشالله البنات في المنتدي تخصص جغرافيه يفيدونج اكثر
موفقه انشالله