ابي مساعدتكم يا كويتيات ..

[* ملآك الروح *]

السلام عليكم ..

شلووونكم بنـآت . شخبـاركم ..

انا عضوه يديده و عندي مشكله اتمنى انكم تساعدوني ..

بنـات عفيييييه ابي مساعدتكم .. لاني صج متوهقه و حددددددي محتاره ..

انا كنت طالبه بجامعه الخليج وبصراحه الجامعه ما عجبتني دراستهم صعبببببه واهي جامعه تجاريه .. قوانينها مو شي كلش ..

فسحبت اوراقي و قدمت بجامعه الكويت و الحمدلله قبلوني علوم اجتماعيه .. الكورس الي طاف كان اول كورس لي بجامعه الكويت ..

خذيت 4 مواد .. بس درجاتي ما كانت زينه و معدلي مو زين كللللللش وانا مصدومه لان بحياتي ما يبت هالدرجات ..:eh_s(16)::eh_s(16)::eh_s(16):

خذيت تاريخ حضاره عند سعود العصفور .. مدحولي اياه بس امتحاناته كانت ناااار .. و تخيلوا صديقتي معاي طلعنا من الامتحان اهي هاده نص الاسئله واانا حاله كل شي حطلها اعلى مني ..

والماده الثانيه حقوق انسان عند ثقل العجمي .. الماده ما كانت صعبه بالعكس بس امتحانات الدكتور تخررع ..

والماده الثالثه تدريبات لغويه ( مهارات اتصال ) عند زكريا محمد حسن ..

والماده الرابعه مدخل علم اجتماع عند نضال الموسوي .. اهي مو شينه امتحان الميدتيرم كان حييييييييل سهل .. بس الفاينل الي كان حاط الامتحان خالد الشلال وامتحانه كاان نار ..

بنات انا غلطت لاني داشه اول كورس ماخذه مواد دسمه كان المفروض اخذ تمهيدي مع مادتين او 3 عشان اقدر ارفع معدلي بسهوله .. ولمن طلعت النتايج ما رحت كلمت الدكاتره عشان يرفعوني .. يعني ما عرفت شلون اتصرف ومحد علمني ..

بنات تسجيلي يوم الأحد ابي مساعدتكم عفيييييييه لاني حييييييييل خايفه ابي اخذ تمهيدي مع جم ماده سهله عشان اقدر ارفع معدلي ..

عفيييه سااااااااااعدوني .. ابي دكتور زييييين يعطي تمهيدي و ابي 3 مواد سهله عشان اقدر ارفع معدلي .. الله يخليكم ..

ادري انكم ماراح تقصروووون ..

:eh_s(6):


تـ ح ـياتي ..

 

[صاحبه التميز]

والله حبيبتي كان ودي افيدج بس انشالله البنات يفيدونج

 

[Om sh'haBii]

والله ما عندي اي فكره

 

[sindrella]

حبيبتي أنا إختي بعلوم إجتماعيه وسألتها


قالت لي إخذي إنجليزي تمهيدي عند جين أندرسون أو ليلى القاضي أو عبدالله الكندري


وتقوول لج لا تسجلين عند عباس الشمري لأنه ما يعطي قريد !!



ومن المواد السهله


ثقافه إسلاميه


علم إعلام

مدخل رعاية إجتماعيه


علم إعلام


جماليات أدب


وموفقه حبوبه

 

[* ملآك الروح *]

حبيبتي سيندريلا .. مشكوووره وما قصرتي الله يعطيج العافيه و ان شاء الله احصل المواد .. :d

 

[كويتية عيمية]

تمهيدي بدون ما اتفكرين اخذي عند عبدالله المطيري وادعيلي

ذهبه هالدكتور بس اتوقع المادة امصكره لانه بس حق مستجدين لما يخلص تسجيل مستجدين تتبطل

 

[Queen_Angel]

حبيبتي حبيت اقولج مهارات اتصال احسن دكتور يدرسها زكريا المفرووض اقل شي تطلعين فيها b >> عاى الهموم اذا لقيتي دكتور زين عيديها عنده..

عندج ثقاافة واايد سهلة
مدخل الى علم الاعلام

تاريخ حضارة عند الزنكي او احمد الحسن واايد زينين

 

[نور الكويت$$]

انجلش عند ليلى القاضي..غيرها لا تفكرين..
ثقافه اسلاميه..عند احمد الذايدي او حسين جلعيب..
اممممممم شنو بعد

اخذي بعد مقدمه علوم معلومات عند ليلى نايف
شنو بعد؟؟

تربيه حياتيه..
تربيه اسريه..

 

[Ms.LoL]

ثقافة عند الذايدي تمام

و التمهيدي المطيري و حتى النظلي زين

عالعموم التمهيدي الدكتور بيده 5 درجات بس
الباقي على الامتحانات و الكوزات و الواجبات
عباس مو زيين عادي يسقطج حتى لو كنتي خريجه ..


و أي مادة علم نفس عند الدكتورة فاطمة عياد ان شاء الله تيبيين a عندها
و حتى دكتور كامل فراج عجيب
انتي اهم شي لا تغيبين عند ولا دكتوره
لأنه آخر شي يقدرون انه حضورج كامل

 

[0(مـــســـ(مطير)ــــــك)0]

حبيبتي التمهيدي عند المطيري وانتي مغمضه

واخذي ثقافه اسلاميه عند الدوسري والتزمي بالحضور وتاخذين الاي وانتي مغمضه

اخذي مدخل رعايه عند هيفاء الكندري اذا حصلتي ..

اخذي دخل علم نفس عند نعيمه الطاهر

واخذي بعد مدخل علوم سياسيه عند الهديان ..


هذيلا المواداذا اخذتيهم تاخذين الاي بجيبج ...

 

[* ملآك الروح *]

حبيباتي مشكورين على المساعده .. ما قصرتوا ... الله يوفقكم ياااااارب ويعطيكم العافيه .. :eh_s(6):

 

[عدوانية والنعم]

والماده الثالثه تدريبات لغويه ( مهارات اتصال ) عند زكريا محمد حسن ..

حبيبتي ادري داشة عرضة شلون المادة؟ سهلة؟وشلون الدكتور؟وشنونظامة؟وانشالله فادوج البنات لان ماعندي اي فكرة