ابي مساعدتكم يا بنات الكويت

[رموسة الدلوعة]

السلام عليكم يا بنات الكويت انا كويتية وعايشة بالسعودية ودي منكم مساعدة اللي هي انا زواجي بعد 4 شهور وودي تنصحوني شنو الاحسن ذهب السعودية ولا الكويت وغير شذي ودي اجهز عطور وبخور من الكويت شنو الاحسن لاني منزمان ماجيت الكويت صار لي 15 سنة ماشفتها ودي تدلوني لان بصراحة بيني وبيينكم ذوق الكويت بكل شي راقي وربي راقي ويعطيكم العافية انتظر ردكم
رموسة الدلوعة:q8:

 

[حناينq8]

الف مبروك حبيبتي

انا ما عندي فكره عن ذهب السعوديه
بس احب اقول لج ان الذهب بالكويت لا يعلا عليه
عندج محلات المباركيه ومحلات حولي
ومنهم الفارس والزمرده والاربش وحتى المحلات العاديه

وبالنسبه للعطور هالموضوع راح يفيدج وايد
http://www.q8yat.net/showthread.php?t=626332

 

[≈ ω ђ ṃ]

رد : ابي مساعدتكم يا بنات الكويت

ذهب الكويت الدقآت احلى وآجدد >> بنات خوالي يجون يآخذون ذهبهم من الكويت ~


والعطورآت اعرفي الي تبين وروحي دبنهآمز آغلب العطورآت فيه ~

والميك اب بعد فيه ~

دبنهآمز >> فروعه شرق الافنيوز > اكبر وآفضل الفروع~

موفقه

 

[الليدي...عمشه]

رد : ابي مساعدتكم يا بنات الكويت

طيب دام عرسج بالكويت لا تاخذين الذهب من هني اخذي من السعوديه عشان يطلع مميز
خاصه في محل بجده بشارع التحليه نسيت اسم المجمع بس شغله خيال ومو نفس الي عندنا


والبخور انتوا اهل البخور عندكم احسن

العطور الي عندنا عندكم

 

[رموسة الدلوعة]

رد : ابي مساعدتكم يا بنات الكويت

الله يعطيكم العافية وربي افدتوني وايد واي شي تبون تستفسرون عنه من السعودية قولولي وانا ماراح ابخل عليكم ياخواتي