ابي مساعدتكم في اجازه اسبوعين للصين وماليزيا

[LUXURY]

السلام عليكم ورحمة الله وبركاته


انا حدي مكتئبه وببجي ومعصبه حدييييي :eh_s(14):


ودي اسافر باموت عشان اسافر وريلي قالي ماكو ميزانيه

وكنت اتحلطم اذا طرالي شرق اسيا


لحين بانجعم وارضى بس باعرف اذا اقدر اروح اسبوعين حق الصين وماليزيا
يعني اسبوع بل ديره

ايهي احلى المناطق وشنو عندهم يونس
ابي سياحه وطبيعه وسوق

والاهم جم بتكلفنا السفره انا وياه؟؟

انا الميزانيه حدها توصل الفين

اشرايكم؟؟


ابي مساعدتكم تكفون طلبتكم
ويليت الله عندها خبره بهالدول تعطيني التفاصيل

ومشكورين مقدما

 

[سمبوسة]

هلا يا عمري انا الصين ما رحتلها فما أقدر أفيدج بس ماليزيا رخيصة عموما من ناحية السكن والمواصلات والسوق رخيص بس الماركات نفس الكويت الطبيعة فيه أماكن وايد بس ترى حر ورطوبة ولما تروحين غابة والشجر صاكة ما تقدرين تتنفسين من الحر بس عموما روحي الجبل اسمه جينتيتج هايلاند الجو حلو فيه برااااد واحيانا برد يبعد ساعة عن كوالالمبور والطريج حلو وخضرة والجبل عبارة عن فنادق ومدينة ملاهي مثل الشعب ومطاعم فيه ناس يسكنون يومين هناك انت وكيفج اذا ما معاج يهال ماله داعي تباتين انا عيالي استانسوا بالألعاب فقعدنا فيها وبالليل في داخل مدينة ألعاب مسكرة وسوق صغييير وبطريج الردة ضروري تقولين للتاكسي يوقف عند المعبد الصيني وايد حلو أشكال وألوان ومنظر من فوق الجبال شي خيالي سبحان الخالق وعندج صن وي لاجون مدينة مائية كبيرة (تقدرين تسبحين حتى لو انتي متحجبة لأن أشوف حريمهم يطبون بحجاباتهم) فيها فنادق ومجمع المكان وايد حلو يبعد ربع ساعة وعندج حديقة الطيور والفراشات وفيه شلالات ما أذكر اسمهم انشالله البنات يفيدونج والسوق مجمعات ما تخلص أهم واحد سيريا كي ال سي سي اللي تحت البرجين كبييير وفيه كل الماركات بالاضافة الى الماركات الماليزية الرخيصة ومطاااعم وايد و سينيمات وكافيهات وقعدة على النافورة وتمشي بالحديقة اللي يمه وما أدري اذا فتح الاكويريوم اللي يمه, عندج تايمز سكوير مجمع كبير وبعد ميدفالي وميجامول وووندر لاند وستار هيلز وشارع العرب متروس مجمعات وانشالله البنات ما يقصرون

 

[حاااايره]

هاااااااااااااي لاكسري شخبارج وشخبار الحلوه وينج يالقاطعه ماتبينين؟؟


ماليزيا حلوه وسوقها حلو طبيعتها حلوه بس الجو رطووبه شوفي روحي كوالالمبور في مجمعات بشارع العرب وشوفي التونتور والمجمع اللي فيهم نيت اسمه اتوقع سيريال روحي حديقة الفراشات والطيور معنهم مليغينروحي المتاحف روحي افا موسا سفاري ومثل حديقة حيوانات وفي شاليهات بحمام سباحه خاص يجنن روحي الشلالات نسيت اسمهم روحي السوق الصيني تقليد ماركات اذا تحبين وروحي جنتنج ملاهي والجو بارد وبالليل في سرك يجننننننن


الميزانيه احنا قبل 3 سنين كلفتنا 11 يوم 1500 الحين كل شي غلااااااااااا


وتروحين وتردين بالسلااامه ياحلوه

 

[حاااايره]

اي الصين مارحتلها بس بعروض السفريات اشوف اسعارها 10 ايام 850 شدعععععععععوه استراليا؟؟؟

 

[LUXURY]

سمبوسه
مشكوره حبيبتي ما قصرتي كل شي باكتبه بورقه واقول لريلي
بس المصاريف جم يبيلي فيها؟؟ تقريبا


حايره
سكتي لاتقولين قاطعه عن النت
وربي يشهد الناس تتشره قاطعه حتى ماعندي وقت اتصل تلفون
وكل شي فوق راسي الله كريم
ميرسي يا حلوه عالمعلومات
ادري رطوبه بس المثل يقول مد ريولك على قد لحافك والميزانيه ما تسمحش لاكثر من شرق اسيا شسوي
عالاقل هذي ولا تايلاند وعووووو
قال رفيج ريلي عندهم جزر تاجرين اكواخ فيها حدها رومانسيه ويوصلونج جزيرتج بقارب ومحد يمج وناسه
هم باضيف المعلومات اللي قلتيها وباقول حق ريلي ونحدد شنسوي


ميرسي بوكو
شكلي خلاص باعزم اسبوعين بماليزيا