ابي مساعدتكم عين ما صلت عالنبي :(

[a7ebah]

السسلام عليكم

شلونكم يا حلوات

والله قريت مواضيع البنات و شفت حلولكم للبنات
فـ قلت بفضفض لكم :eh_s(2):

بنات انا عندي مشكله كل شهر
كل شهر لازم اروح المستشفى وابر ودريب
والسبب [ الدوره الشهريه ]

والله قبل ما كان فيني شي اول ما بلغت ما كان فيني شي
بس عين من وحده من قرايبي
قلت لها ان اليوم اول يوم دوره ومادري شنو قالت غريبه ماتروحين المستشفى ما تتعبين :eh_s(2):
وربي من يومها وانا كل شهر بالمستشفى
وادري ان اشرب وراها ومادري شنو
بس سويتها وما فاد وقالت لها اختي ترا اللي صار بـ فلانه كله منج

والحين كل ما يصيرلها شي بالدوره لازم يصير فيني الشهر اللي وراه
وهالشي صار فيني هالشهرين
وهالشهر حطيت دريب بالمستشفى وللحين اثر الابره بإيدي وصاير لونه بني
وبنت عمي شافتها قالت رسمة عين :eh_s(2):

والله مادري شسوي
مادري شنو الحل

صراحه احترت بعنوان الموضوع كتبته جذي

ابي حل والله تعبت
واذا عندكم حلول لألم الدوره عطوني
لأن والله تعبت معاها وامي تعبت معاي
حتى الشهر هذا ارتفع عندها السكري والسبب انا

 

[a7ebah]

up

up

up

up

 

[صآعده تحت}..]

لاحول ولا قوه الا بالله

الله يكفيج شرهــاا

بس ترا في اشياء نفسيه يمكن انتي حطيتي ببالج كل شهر لازم

احنا شهور نتعب ونتالم وشهور لا جربي الحبوب وتهدين ان شاء الله

وما تشوفين شر حبيبتي

 

[ام ميميتو]

حبيبتي والله مادري شنو اقول دايما اقري المعوذات عشان الله يبعد عنج العين و الحسد

 

[•°أنـــفْــِـاسِ اَلِــــوُرَدِ°•]

وعليكم السلام ورحمة الله وبركاته,’
حبيبتي خوذي منها يعني مره تزوركم عقب ماتتقهوى وتشرب شاي خوذي فنجالها وبيالتها يعني أثر منها والله يشفيك والكمون زين لوجع البطن غلاتي وماتشوفين شر يارب ,

 

[amoona89]

ماتشووفين شر
حااولي اذا جت عندكم اذا شربت مااي او شااي اخذى منه تكوون شاربته
وغسلي فيه
واقري على نفسج المعووذاات لانها عطتج عيين​

 

[دلوعة أبوهآ]

اذا انتي متأكده انها هي السبب باللي صاير لك .!
لاتنحرجين منها أبد ..
كلميها بكل صراحه قوليلها اللي بيصير فيني بسببك وبسبب كلامك
واذا انتي مانحرجتي يوم قلتي لي هالكلام فَ انا ماراح أنحرج منك وابيكِ تتوضي الحين وتاخذين المآي اللي توضت فيه ..
يعني خليها تتوضا و مآي وضوئها تغسلي فيه انتي ..
وإن شاءالله مافيكِ الا كل خير

 

[روانتي 12]

اخذي من اثرهاا

و اقري على نفسسج المعووذاات دايمآآ

 

[Tulips]

ما عليه حبيبتي كله بأجره

سواء عين المره ولا لا ترا في وايد بنات طبيعة دورتهم نفس دورتج ..

انتي اقري البقره و خلج مثل ما انتي لا تلعبين بهرموناتج والله يعينج

 

[منو انت]

مـاتشـوفين شر ومثل ماقالو البنات وبعد لاتنسين تهتمين بنفسج يعني ابعدي عن البيبسي والاشياء البارده واذا حسيت ان الدوره قربت اشربي دارسين ونعناع وكمون الاشياء هذي تهدي واكلي لج مسكن احسن من الابر علشان ماتتعودين عليها وفوق كل هذا يقولون موزين حق الظهر

 

[Beautiful soul]

استغفر الله وش هالناس اللي ماتذكر الله على اقل شي تصك عين
اخذي من اثرها وحصني عمرج بالرقيه الشرعيه

 

[a7ebah]

مشكورات حبيباتي

والله انا مشكلتي مشكله

يعني حتى حبوب ما اقدر ابلع صح كبيره وعمري 19
بس ما اقدر ابلعهم ما اعرف
حاولت وحاولت وما قدرت

وانا قبل ما تتكلم معاي عن هالشي والله ما كان فيني شي ولا اتعب

بس انشالله نصايحكم تفيدني

ما قصرتو حبيباتي

 

[أم توتو]

حتى بهذا الشي يصكون عين الله يعينا بس على هالناس شوفي اختي انتي اكيد مو متزوجه لاتزوجتي ان شاء الله وجبتي اول بيبي راح تختفي هلالام وماراح تشوفينه الا نادر لانج بنت كلنا مرينا جذيه ووايد بنات لما تجيهم يروحون المستشفى عشان الابرة واذا على المرة اللي عطتج عين اخذي وضوءها مو من عقبها خليها تتوضا واخذي ماء الوضوء وتسبحي فيه هذا افضل حل وانا اعرف ناس اخذو الوضوء وطابوو باذن الله الله يشافيج حبيبتي

 

[الغلا كله لبوي]

الله يشفيج اقري اذكار الصباح والمساء كل يوم تكفيج شر العين

 

[الغاليه ام احمد]

حبيبتي ما تشوفين شر

والعين حق

بس لما تييج الدوره اول ما تحسين بعوارها حطي مطارة الماي الحار لفيها بفوطه

وحطيها على حدتج وشربي شاي زعتر

وماكو الا العافيه

 

[(ناعم العود)]

شوفي حبيبتي
اقري البقرة يوميا لمدة 40 يووووووم
اقري يوميا الرقية الشرعية حقت العين
اشربي واخذي من اثرها

وان شاءالله ربي بيشفيك

 

[(ناعم العود)]

شوفي حبيبتي
اقري البقرة يوميا لمدة 40 يووم متواصل
اقري الرقية الشرعية حقت العين يوميا

اذكار الصباح والمساء

خذي اثرها واشربييييييييييه

وان شاءالله ربي بيشفيك

 

[شندوخه]

لاتحطين في بالج عين لان كل بنت معرضه لهالشي
ومو ل دوره تشبه الدوره اللي قبلها بكل شي العوار والحاله النفسيه
انا بقولج على طريقه وحاولي تمشين عليها
قبل الدوره عالاقل باسبوع اهتمي بنفسج لاتاكلين برد واشياء بارده وحاولي انج تلبسين شورت ودلاقات وكثري من الاشياء الدافيه
وبس تنزل شربيلج كل يوم قلاص دارسين وبابونج واذا حسيتي انه للحين العوار مستمر معاج اخذيلج حبه مسكن واذا ماتقدرين تبلعين الحبوب اخذي بنادول السائل

 

[نور مغليها]

الله يكون بعونج ان شاء الله
حبيبتي القرأن الكريم حَل لكل ششي ...