ابي مساعدتكم عن فينيسيا والدول الاوربيه

[@سنووايت@]

السلام عليكم
ابي رايكم عن فينيسيا (البندقيه ) حلوه وتستاهل الواحد يروحلها وفيها اشياء غريبه واسواق
وابي ما عليكم امر دول اوربيه اروحلها الحين حطيت امستردام وروما وجنيف زينين ولا اغيرهم واذا عندكم نصايح قولولي ابي بكونو الدول طبيعه وسوق وماعندي وقت بس اليوم *

 

[$حبيبة عبودي$]

زين قولي اي شهر بتسافرين وان شاء الله يساعدونج البنات..

 

[منيرة ام شوق]

بخصوص فينيسيا
انا رحت لها شهر ٧ رحنا رحله لها بالقروب قعدنا فيها ٥ساعات
جوها كان حار
وكانت حييييييل زحمة جنة حج
كان يقول لنا المرشد ان اللي يبيعون بالشارع فيها جناط تقليد لاتشترون منهم لانهم نصابين واذا شافتج الشرطة تخالفج انتي يالسائحة اللي قاعد تشترين
بس مع كل هذا انا استمتع بالرحله اللي بالقارب
كانت حلوة حيييل
شوارعها حييل ضيقه
بس عموما استانس
وجربت البيتزا الايطاليه اللي عندهم بمطعم كان في مصري يشتغل
والسباغيتي الروعه
اغلب اللي فيها ينباع تي شيرتات عن فينيسيا
واقنعه عجيييييبه حييييل فيها ابداع في الشغل
مثل اللي يلبسونها في الحفلات التنكريه
وبس ان شاء الله اكون افدتج

 

[حقـوق]

فينيسيا واجد عليها يوم .. يعني لاتسكنين فيها .. وصج زحمه مووت
كانها حج .. ومافيها شي بس قارب ويمشي فيج بالماي .. والاسواق ماعندهم شي
جناط عاديه .. وكلها اقنعه وتشيرتات على فنيسيا .. اغلب الناس تروح لها وقت المهرجان
شهر 6 يسون عروض وحركات ..وحاره مو بارده .. بس حلوه تروحين تشوفينها

 

[Meyyawa]

انا قبل شهر رادة منها حلوة بس حدج قعدي فيها حدود 6 ساعات مو اكثر و اتذكر قعدنا بمطعم بس اكلهم كان اينننن و ركبنا القارب بس ماتسوى يوم كامل كلش يعني هال6 ساعات و تفترينها عدل .. و من ناحية اسوقتها في سوق شعبي و الباجي كله محلات عادية يعني تلاقين اقنعة و بلوفرات على فينيسيا و اكسسوارات على فينيسيا و كله شخصيات مثل باباي و الملكة و العروسة يمشون و تعطينهم فلوس عشان تصورين معاهم

 

[قانونية]

ماانصحج بجنيف ابدددداااا

روحي انترلاكن

 

[M&&R]

اذا كنتي تدورين على طبيعه روحي زيلامسي في النمسا وعندك بلدة انسبروك حلوه مره وعندك سالزبورغ حلوه وفيها اوت لت موفقه انشاء الله افدتك

 

[law love]

فنيسيا يكفيها يومين بالكثير و منها تروحين فيرونا

و روحي معاهم روما و ميلان

 

[Break Time]

أب لعيووووووونج

 

[sweet lady]

بنات لو وماعليكم امر
رتبوا جدول للمناطق القريبة من بعض
اللي راحت فينيسيا وشنو كان معاها أشلووون جدول السفرة
شنو خط سير الرحلة من الي عشان الكل يستفيد *

 

[القصيدة]

السلام عليكم و رحمة الله و بركاته

فينيسيا :

السنتر ساحة سان ماركو فيها محلات الماركات العالمية و الجلديات الإيطالية و الشوبنغ فيها وااااو بس يبغى ميزانية

+ محلات السوفينير ملابس و شنط و كابات بإسم فينيسيا و الماسكات

( طبعاً هالمحلات غير البياعين المتجولين اللي قالت عنهم وحدة من الأخوات و احذري تشترين منهم )

+ فيها المباني التاريخية تقدرين تدخلينها أو تتفرجين عليها من برا

ممكن تتغدون إيطالي مكرونة + بيتزا و تاخذون كابتشينو في كافيه

+ الجندولا القارب الإيطالي التقليدي يدور فيك بين شوارع فينيسيا الضيقة

فينيسيا حر + شمس + زحمة + يكفيها 5 ساعات لكن الجد تستحق الزيارة

ممكن تروحين النمسا + ألمانيا ( ميونيخ بالتحديد )

أو فرنسا + سويسرا أو سويسرا + إيطاليا

لو حبيتي تجمعين طبيعة + شوبنغ

May U enjoy it :eh_s(7):
​

 

[أم عزة]

احنا رحنا فينيسيا العام فى الصيف شهر 8 وحظنا كان الجو حلو وبراد مع ان قالولنا حر ورطوبه بس الحمدلله توفقنا فى الجو واستانسنا فيها وايد لانها تجربه يديده علينا من المطار الى الفندق بتاكسى مائى والتنقلات كلها بطراريد او عبارات وسوقها حلو وبعدين فيها حركه بالنسبه لى ما احب المكان الصخه الهادى حيل بس حطى بالك لا تقعدين فيها اكةر من 4 ايام لان ما فيها اماكن وايد تروحين لها