ابي مساعدتكم تكفون منو سوت عملية تغيير مسار معده؟

[بنت الخير]

السلام عليكم بنات ..

اتمني تكونون بخير ..الجميع ان شاءالله

بنات ابي مساعدتكم واحلفم بالله تجاوبوني بظمير وبكل صراحه ..
من فيكم تعرف وحده من اهلها او صديقاتها او من معارفها سوت عملية تغيير مسار المعده ؟ وانا اعرف تفاصيل العمليه كلها بس حابه اعرف عن تجربه خاصة لاشخاص

انا بسوي العمليه عنددكتور محمد جارالله وماتهمني الفلوس بس اللي يهمني هو مابي تكون في اصابات بعيده المدى
وودي اشوف تجربه حقيقه يعني انسان سواها وعاش بسلام
صح الموت بيد الله وانا ماتكلم عن الموت

انا اتكلم عاش بسلام بدون تليف معده ولا امراض

ياليت اللي تعرف تقول وتساعدني بس بذمه وظمير
عشان عمليتي يوم الاحد وودي اعرف قبل لا اغامر بروحي

وجزاكم الله خير وربي مانساها من دعائي ..

 

[قصة صبا]

والله ماادري شقولج

شوفي انا اعرف وحده تصير لنا من بعيد و معاي بالجامعه

كانت متيييييييييييييينه تلوع الجبد من المتن بس ويها قمة في الجمال

سوت عملية تغير مسار اللحين صارت غزال ماشالله تبارك الرحمن

بس في اشياء سلبيه صارت لها

انه بعد العمليه صار شي في بطنها يعني الاكل اللي تاكله قام يطلع من الامعاء او شي جذي !!

فصار التهاب و مشكله في بطنها !!

فإضطرو انهم يسون لها فتح بطن يعني فتحو بطنها من تحت صدرها لي سرها

و اللحين تاخذ حبوب طول عمرها و من هالكلام

صح انها ضعفت بس جسمها مترخي وااااااااايد

لانه مايصير انها تمارس اي رياضه بعد العمليه هذا اللي سمعته الا بعد فتره

بصراحه انا ما انصح فيها كلش لانه شوف نفسج بعد 15 سنه لي جدام !!

هل راح تبقين طول عمرج على حبوب !!

والله ماادري شقولج بس كل شي طبيعي زين

دام انه لي اللحين ما سويتيها انا انصحج انج ما تسوينها

و دام الفلوس ما تهمج روحي المصحات العلاجيه " حفيدة خالة امي " ... لووول صلة القرابه بعيده بس هذا اللي تصير لنا بالضبط
من كثر ما اهيا متينه و صغيره عمرها 17

حاشها داء النقرص الله يكافيكم

اللي يكون انتفاخ بالساق

امها ودتها التشيك و قاعده تعالجها عشان تضعف

غير هذا سالفة رفيجة امي قبل 3 سنوات هالسالفه

عندها 3 بنات وقتها كانت اكبر وحده عمرها 25 و اصغر وحده 21
والام تقول بناتي محد راضي ياخذهم و سبته انه اهما متان " طبعا هذا مو شرط بنت عمي متييييييييييييينه و تزوجت "

فقالت لهم امهم انا راح اقط عليكم ما وراي ودوني بس وعد انكم تلتزمون قالو اوكي

طول السنه بدو يخففون و اشتركو على ايامها في دايت سنتر ماادري شسمه لمدة 6 اشهر

ولما صار الصيف
اذكر من شهر 6 خذت بناتها وراحو

وردت شهر 10 !!

طبعا كلللللللللللللللللللللللللللهم ضعفو بصحه و عافيه و جسمهم مافي اي ترهلات لانه كله كان شغلهم طبيعي رجيم و رياضه و حركه

و عطوهم انظمة غذائيه عشان يمشون عليها

تدرين انه البنات اللحين يلبسون بكييني !! لوول ماشالله الله يتمم عليهم

بس الام لي اللحين مو راضيه تقول لنا اسم المصح !
كله تقول نسيت اسمه :s

على العموم نصيحتي لا تسوينها و اسفه على القرقه

و اذا بتسوينها و قررتي الله يقومج بالسلامه وما يحوشج اي شي من المضاعفات السلبيه يارب

 

[ام الفهد712]

حبيبتي انا اعرف وحده تصير حق ريل اختي كاانت متينه لوووعه سوت تغيير المسار بمستشفى العسكري والحين صاارت وحده ثاانيه ضعيفه ماشاءالله حيل تغيرت والحين صاارلهااا سنه مسويتهاااا ومافيهاا الا العافيه الحمدالله وتبين اسألج اختي اخليهااا تسألهاااااا اذا صاار معاهاا مضاعفات ولا لااا

 

[بطوووووطه]

وانا اعرف وحده سوتها بالمواساه عند احمد جار الله وكلفتها 4 الاف لنها ادخلت العنايه سبوع وللعلم فيها ظغط وعمرها 37 وصارلها الحين سنه بس مشاء الله ختفت بس الترهل مو طبيعي والله كرشه طايح جريب الركب يعني يتصفط هذا الي عندي وستخير قبل لا تسوينها اهي زينه ومو زينه

 

[شندوخه]

والله انا اعرف وحده سوتها ومرضت وبغت تموت والحين تعالج بامريكا وترقع بعمرها مع بعد العمليه

 

[بشور]

انا عندي وحده من رفيجاتي سوتها عند نفس دكتورج شهر خمسه اللي طاف تقريبا وماشاء الله اضعفت بس الله يهداها شهر 8 تقريبا احملت بس ماامتنت وايد عالحمال يعني جسمها معقول بس جنها اتعبت عقب العمليه لانها ماتاكل بس عايشه عالسوائل صار عندها خلل بجسمها اظن صار عندها نقص بالفيتامينات او شي جذي بس الحمدلله مافيها الا العافيه وانا بسألها واردلج خبر ... بس ابشري بالترهل و عقب لازم تسوين عمليه شد ... وعالعموم حبيبتي انتي استخيري وتوكلي على الله واذا الله كاتبلج فيه خير ان شاء الله تتسهل امورج ...

 

[بنت الخير]

Miss.Lawyer

يالغاليه مشكوووره على الاطاله اللي بالعكس افادتني بس انا بجد بفكر وبستخير ..
وان شاءالله يارب مايصير الا الخير ..
لان المشكله في من يمدحها وفي من يذمها فلا تلوموني يوم احتار
بس لازم استخير عشان ارتاح من هالحيره

عالعموم جزاج الله خير وماقصرتي
وعسى الله يوفقج يارب

 

[بنت الخير]

أم الفهد712

اي والله ودي وياليت تسالينها وتردين لي خبر
واكون شاااااكره لج من كل قلبي..

مشكوره يالغاليه وجزاج الله خير

 

[بنت الخير]

بطووووطه

الترهل شيء طبيعي لان مافي رياضه
والترهل مع رياضه يرووح وهذي حالتها خاصه
عشان جذي كانت حالتها شوي صعبه ..

بس ماقصرتي يالغاليه استفدت والله من كلامج اني حتى لوسويتها على الاقل امشي او العب رياضه بعد مده عشان مايترهل

ياعل الجنه دارج يااارب ..وجزاج الله خير

 

[بنت الخير]

شندووخه

الله يشفيها يارب ..

انا بستخير وربي يكتب اللي فيه الخير
وحالة شخص عن شخص تفرق خاصة في العمر والوزن وغيره

بس الاستخاره اهم شيء خاصة بهالمواضيع

ومشكوووره يالغاليه وجزاج الله خيررر

 

[بنت الخير]

بشووور

ياليت والله تسالينها وتشوفينها لي وتردين لي خبر

وبنسبه للفتيامينات انا عرفت ان بيكون طول العمر لازم ناكلهم

فأكيد هي ماستمرت عشان جذي صار عندها خلل

وعسى ربي يشفيها يارب وماتشووف شر ..

ومشكووووره يالغاليه ... وبانتظار ردج ..جزاج الله الف خير

 

[بنت بن فهد]

والله يا بنت الخير طيعينى ابتعدى عن العمليات الله لا يحوجنا لهم
خففى وزن وامشى رياضه وتوكلى على الله
وكلش كلش اذا انتى راهيه وماتهمج الفلوس اشتركى فى شركات الوجبات ينظمولج اكلج وتضعفين ان شاء الله
:yaaaaaarb:​

 

[The Boutique]

مثل حاله اختي انتي متردده

 

[el.hwawi]

مرحبا الغالية هذي هي تجربتي ادخلي

http://www.q8yat.net/showthread.php?t=239907

 

[أم خـــدود]

اعوذ بالله

وشلي حادج يالغاليه

ابتعدي عن العمليات وسوي رجيم منتي خسرانه شي صدقيني

 

[أم خـــدود]

حبيبتي انا اليوم سئلت عنها

وقالت اختي انها تعرف وحده معاهم بالدوام سوتها وبعد سنه سوت لها مشاكل بالصحه وماتت البنت

والله العظيم ان اللي قلته لج صحيح

وحتى البنت كانت مسويتها بالكويت وسعرها 3000دينار

وهم قالت انها تعرف بنات يقولون اصلا بعد سنه تبين اضرارهااا يعني وايد خطره

والله العظيم اني اقولج من كل قلبي افتكي منها وسوي رجيم

وحتى اختي قالت لي قوليلها ترى وااايد خطره

ونتي بكيفج يالغاليه

انا اللي علي سويته وبررة ذمتي

 

[Miss sensitive]

ما أنصحج وايد ناس اتضرروا

 

[miss_frapuccino]

حبوبة توكلي على الله وسويها انا صار لي سنة و 10 اشهر من يوم سويت عملية تغير مسار المعدةgastric bypass واخوي سواها بعدي ب 6 اشهر و نص بعد مابين علي الضعف حيل و نزلت فوق 40 كيلو - اخوي تشجع وسواها بعدي و نزل اكثر مني مشالله عليه مع انه كان ما يلعب رياضة وكسول بس العملية حاسمة يعني تنزل وزنج بس لازم تاخذين فيتاميات على طول , على فكرة انا كنت مسويتها عند الدكتور محمد الجارالله واهو استشاري جراحة السمنة و احسن دكتور موجود بالكويت مختص بالهعملية و كنت وايد ملتزمة وبعدين العملية بصراحة ادبتني خلتني ما اكل وايد مثل قبل واتحكم باكلي يعني اذا تاكلين اقل شي تشبعين وصدقيني بعدين تعيشين حياتج الطبيعة وتتمتعين بصحة و رشاقة , انا الحين جسمي ترتب ونزلت وايد وكله بفضل هالعملية وانصح اي وحدة متينة ومتضايقة من سمنتها و تبي تستانس وتكشخ وتبدل وتنهي مرحلة السمنة بانها تسوي هالعملية وبالتوفيق .

 

[shitoona77]

أختي الغاليه انا امسويتها بمستشفي السلام واقدر افيدج اذا حابه
تقدرين تراسليني على الاميل الخاص
shitoona77@ hotmail.com
مراسله على الاميل فقط
الله يعطيج العافيه

 

[شمريه بلا حظ]

شوفي ياطويلة العمر

د محمد الجار الله تخصص ممتاز بهالامور

بس قبل سنه تقريبا ماتت مريضه عنده اثناء عملية التحويل

والاعمار بايد الله سبحانه


واعرف بنتين سووا تحويل وضعفوا بس بعد سنتين بالضبط البنتين ردوا نفس ماكانوا دبدوبات

تدرين ليش؟؟

هم يسوونها على خطوتين

الاولى تدبيس جزء من المعده

والثاني قص جزء من الامعاء

يعني بعد سنتين او 3 سنوات تتوسع المعده وتردين تاكلين عااااااااااادي نفس قبل ويرد وزنج نفس ماكان قبل العمليه

حتى سئلي فيها اي دكتور راح يقول لج صحيح بعد 3 سنوات تتوسع المعده واحتمال كبيررررررر يرجع الوزن نفس ماكان

الا اذا حافظتي عليه برجيم ورياضه وهالشي طبعا صعب على وحده تلجأ لهالنوع من العمليات (( اكيد الاراده عندها ضعيفه ))

ومره وحده نعرفها سوتها بالسلام وانصحكم يابنات اللي تبي عمرها لاتسوي شي بالسلام

تخيلوا اثناء العمليه يوم وصلوا مرحلة تدبيس المعده (( الدباسه خربانه )) شوفي عاد هني حاله المريضه !!

بس الحمدالله الله ستر عليها وقامت بالسلامه بعد معاناة

ومره وحده ثانيه زودوا لها البنج وبقت تروح فيها

يعني اللي يروح مستشفى السلام (( يقول على الدنيا السلام ))



انصحج بعملية الحلقه لان فيها مرونه اكثر

تقدرين توسعين فيها او تضيقين حسب ظروفج الصحيه

واذا ماتبينها تقدرين تشيلينها بالمره


والاهم انج تستخيرين