السلام عليكم خواتي ,أنا عندي مشكلة يمكن مرت عليكم أو في وحدة منكم عاشتها وأبي كل وحدة تعطيني تجربتها أو رايها أو نصيحتها بس المهم ما ابي احد يطنشني..... انا متزوجة صارلي ثلاث سنوات والحمدلله مرتاحة بس تعرفون ما في انسان سعادته كاملة . انا مشكلتي ان زوجي عصبي - شوفوا انا ما ابي ابالغ لكن والله هذا الصج بمجرد ان يتعكر مزاجه يقوم يهاوش ويعصب وانا بصراحة مو من النوع اللي يرادد او حتى ادافع عن نفسي , يعني اذا في شي من برة مضايقة يجي ويهاوشني يمكن راح تقولون لي عادي كل الرياجيل جذي وانا بقولكم صح / بس اذا كان هالشي يومي نفس حالتي اكيد بتضايق يعني بصراحة قمت اخاف منه حييل واتجنب اني اقعد معاه وتشوفوني اطلع اي عذر بس عشان انام بيت اهلي عشان تهدى نفسيتي للأمانه هو محترم بس هالشي مضايقني وانا على وشك ولادة وعندي اثنين وما عندي احد يساعدني بشغل البيت فيصير علي ضغط من الشغل والعيال والسهر وعصبيته وتعب الحمل فأتمنى توجهون لي نصيحة وجزاكم الله خير
