ابي مساعدة: لزقات الخشم بعد العملية

[Turquoiseya]

السلام عليكم
بنات اللي مسووين خشومهم واستخدموا اللزقات بعد العملية
قولوا لي وين احصلهم ؟
افتريت بالصيدليات مالقيتهم
يعطوني اللزاق العادي مال الشاش

اللي شرتهم الله يخليها تعلمني شلون شكلها، هل كل لزقة بروحها ولا صايرة جنها تيب ؟ ووين احصلها بأي صيدلية؟
انا مدرسة وذبحني الشرح بصوت عالي الى درجة ان خشمي بدا يعورني وانا ماصار لي الا اربع شهور
ابي احطهم عشان تمسك الغضروف عندي شوي

 

[أحلى همبه كويتية]

الحمد لله على السلامة حبييتي
وديري بالك الصراخ مو زين لج

اختي سوتها عند جعفر
والحمد لله الحين احسن

واللزقات تحصلينهم من صيدلية جمعية الروضة

 

[Turquoiseya]

الله يسلمج
ويعطيج الله الف عافية على الرد
ان شالله ادز زوجي يجيبها لي
احس غضروف خشمي على يوم بلقاه جدامي طايح بسبب التدريس

 

[سندريــــلا]

شلونج تركوازيه

الله يعيييينج ع التدريس شلاااع قلب
ديري بالج لا تنفعلين وايد وان شاء الله ماكو الا العافيه

انا الكفخات اللي احصلها من بنتي ذابحتني الله يستر

حطي اللزقات وجربي

 

[ريونه المزيونه]

اللزقات فالصيدليات شفافه اللي يستخدمونها فالمستشفيات .. بس خلي احد يعلمج شلون تحطينهم

وانتي تحطينهم شوي ضغطي عليهم
باخلي لج فيديو من اليو تيوب تعلمي منه شلون

اللي تخلينها تحت صوب الفتحات على شكل حرف الu ,, لاتسكرين على فتحاتج,, خلهم على نهاية الفتحات,,

ولعدين روحي حق الخشم من فوق وبدي لزيقيه بالعرض وانتي تحطين اللزقه ضغطي عليها


هاذي الفيديو
http://www.youtube.com/watch?v=vgA3TgVXUOA


بش شوفي الدكتور فالفيديو يحطهم بالعدال ,, انتي ضغطي عليهم .. لان هاذي الفيديو تعليمي.
انا الحين خمس شهور ونص ولي يومج اخليهم وقت النوم ولا لين انا فاليت ,, ينزلون الورم بسرعه

 

[Turquoiseya]

شلونج تركوازيه

الله يعيييينج ع التدريس شلاااع قلب
ديري بالج لا تنفعلين وايد وان شاء الله ماكو الا العافيه

انا الكفخات اللي احصلها من بنتي ذابحتني الله يستر

حطي اللزقات وجربي

هلا والله سندريلا
شسوي والله غصبن علي اني اشرح بصوت عالي
والله ان توجيهنا شاقنا بالنص والكرف ويقيمونا على تفاعل البنات وتحصيلهم العلمي
انا ادرس تاسيس اولى وثانية وما اطلع من الحصة إلا واحس وجهي كله مورم
انا معطية الادارة خبر بعمليتي وخصوصا انها علاجية بالدرجة الاولى وللاسف ماراعوني كلش
تدرين شقالوا لي اذا صار في عمليتج شي خلي الدكتور يعدلها
عشان جذي السنة مكتئبة وحايشني احباط وفوق هذا ترى انا قديمة بالمدرسة واخرتها لما طلبت منهم مراعاة ظروفي الصحية
نسفوني ورى ظهرهم
حسبي الله عليهم
اسبوعين قمت ابجي من القهر ولا انام الليل من الضغط النفسي الكبير
يعلم الله اني مو راعية غياب ولا استاذان ولا تاخير وشغلي ازهبه اول باول
اخرتها عاملوني جني غريبة بالمدرسة
ادرى قرقت واجد من الحرة اللي حارقة قلبي

 

[Turquoiseya]

اللزقات فالصيدليات شفافه اللي يستخدمونها فالمستشفيات .. بس خلي احد يعلمج شلون تحطينهم

وانتي تحطينهم شوي ضغطي عليهم
باخلي لج فيديو من اليو تيوب تعلمي منه شلون

اللي تخلينها تحت صوب الفتحات على شكل حرف الu ,, لاتسكرين على فتحاتج,, خلهم على نهاية الفتحات,,

ولعدين روحي حق الخشم من فوق وبدي لزيقيه بالعرض وانتي تحطين اللزقه ضغطي عليها


هاذي الفيديو
http://www.youtube.com/watch?v=vga3tgvxuoa


بش شوفي الدكتور فالفيديو يحطهم بالعدال ,, انتي ضغطي عليهم .. لان هاذي الفيديو تعليمي.
انا الحين خمس شهور ونص ولي يومج اخليهم وقت النوم ولا لين انا فاليت ,, ينزلون الورم بسرعه

يعطيج الف الف عافية
ماقصرتي والله
فوق تعليماتج اللي كتبتيها حطيتي فيديو
والله لو اشكرج مليون مرة ما اوفي حقج يا قلبي
انا عبالي لزقات معينة اشتريها من صيدلية
لان تخيلي كذا مرة اروح للصيدليات واسأل ولا القاها
وخصوصا انا ماعندي اصلا فكرة عن شكلها وشلون احطها
مشكووووووووووووووووووووووة ريوووووووووووووووووووونة

 

[الحلو مابيكملش]

بنات
انا شهر ثاني بعد العمليه وخشمي بعده معووج واحسه واارم حييل
الدكتور قالي الصقه مدت شهرين وانا مدري اكمل الص ولا لا
والمشكله انه الصاق الي من عند الدكتور خلص ومو لاقيه هنيه زيه
خفيف وشفاف وميه بالميه قطن
انا اخذت لصااق خشن شوي هل ينفع معي ولا لا
انتو شلون الصاقات الي تستخدمونها؟؟؟

 

[ريونه المزيونه]

حاااااظريين للحلوين

 

[ريونه المزيونه]

الحلو مابيكلمش

حبيتبي اهم شي لصاق يكون قوي... والاعوجاج حاولي انتي تسمتين خشمج من فوق لي تحت بطريقه جنتلي(( يعني بطريقه مهذبه )) بالعدال

من فوق لي تحتي كرري هالعمليه كذا مره

 

[قطوه مزيونه]

تلقينهم عند صيدليه بوشهرري كلينيك الي بالسالميه