ابي لولدي محفظ قران

[بحور الذكريات]

السلام عليكم ورحمة الله وبركاته


شلونكم يالغوالي انشاالله بخير


انا ولدي عمره 4 سنوات واتمنى مايوصل عمره 10 سنين الا خاتم القران باذن الواحد الاحد
والله اني لما اشوف اليهال باليوتيوب اللي حافظين وخاتمين القران بعد تبارك الرحمن اتحسر ان لهينا بدنيا ونسينا نحفظ ونحفظ اعيالنا كتاب الله
ويوم قمت احفظه سورة الفاتحه والله يابنات ماتدرون شيسوي فيني صح يقرى وراي بس ينط ويسوي دحرجه ومطنشني :23_asmilies-com:انقهرت قلت حق زوجي خلنا انوديه تحفيظ قران بالمسجد وقالي تم وانتي روحي احفظي معاه والله استانست من كلام زوجي قتله يمكن بفلوس قالي والله لو بميه المهم تحفظون مع ان زوجي مو ملتزم بس الحمدالله يصلي وعارف امور دينه وكان حافظ 17 جزء والحمدالله بس تعرفون الدنيا تلهي الواحد
على العموم رحنا المسجد ولا يقولون لا انتو تحفظون والشيخ يسمعله وانا مالقيت حريم

فالحين قلت ليش مايجيني محفظ للولدي يمكن يحترم الرجال ويخاف منه ويحفظ
واتمنى منكم ياالغوالي اللي تعرف واحد يحفظ اطفال وباله وسيع ويكون ماخذ شهاده انه خاتم القران ياليت اطرشلي رقمه

 

[أسرار الطبيعة]

حتى شيخ القرآن لا تثقين فيهم
أنت حفظيه وألا اشتري له هي بود وحملي عليه القرآن أو جزء عم
وبالسيارة البراك يتلو الجزء

أفضل وحده عن واحد خاصة أن ولدك توه صغير

 

[اللاندكروز]

اختي شوفي جمعية احياء التراث يسوون برامج بالصيف لليهال منها تحفيظ قرآن . خلي زوجج يروح لهم ويشوف متى التسجيل وشنو البرامج اللي بعمر ولدج ويسجله . اللي عندكم بالمنطقة .

 

[كـلا كـلا]

شوفي انا الحين اييني خوش شيخ بس قبلها يبت شيخ لعيالي مصري بس للاسف ماكان اسلوبه تربوي وصوته عالي يخرع وماكو اسلوب مادري شلون كلش مارتحت له
فاتصلت على واحد سوري مدحوه لي وهادي ويدرس القاعدة الحلبية مع حفظ القران وراقي مو نفس الاول وعطى عيالي جم حصة والحين سافر سوريا الله يحفظه وبيرد بعد شهر ويكمل معاهم
يعني يمكن يرد 20-7
بس نصيحـــــــــــــــــــــــة
-ييبي شيخ سوري احسن لان نطقهم للحروف احسن وبالهم اطول
-لا تجبرين ولدج عالحفظ ولا تتوقعين منه يخلص كمية كبيرة في وقت قصير لانه صغير، انا ولدي بو 6 سنين اوكي بس بو 4 سنين ماقام يقعد يحوس ويلعب
- لاتخلين الحصة اكثر من نص ساعة بالكثير 35 دقيقة لان يمل وبعدين يكره القران
- لا تخلينها اكثر من مرتين او 3 مرات بالاسبوع
- دايما ذكريه انه اهو حافظ للقران وان اهو غيييير عن اي واحد من اليهال لان الله يحبه وعنده حسنات وايد وكل شي يسويه ويعبج مدحييييييييييه وذكريه ان لان اهو من اهل القران فهو شاطر ومؤدب ومطيع ..... يعني مدحي قد ما تقدرين عززي فيه هالشي لا يسويه بالاجبار
- كافئيه بلمة وبوسة وحب وحنان اكثر من الماديات بس يمنع بين فترة وفترة هدية او طلعة
- اذا يا الشيخ خليه اهو يستقبله ويسلم قوله هذا شيخك ومو شرط تقعدين معاه كل يوم وطول الوقت واذا قعدتي قعدي بعيد ولا تكلمينه واهو يحفظ
- اذا يا الشيخ حطيله شاي وحطي حق ولدج عصير وبيتزا او كيك او اي شي يحبه ترا يستانسون اليهال يحسون انهم ضيوف عندكم ههه
والله يوفق وليدج وانتي بعد نافسيه عالحفظ عشان يتشجع

اذا تبين رقم الشيخ ادزله لج عالخاص بس ترا اهوا يعطي قاعدة حلبية مع الحفظ لانها مفيدة حق تعلم قراءة القران والحفظ يكون شوي ابطئ لان احس انتي مستعيلة انا عن نفسي عندي ميخالف شوي شوي

 

[om deaj]

انا ولدي 4 سنين الا جم شهر
دخلته القاعدة النورانية يعطون عربي ودين مدرسات سوريات >> وهالشي ميزة مو عيب لانهم اقوى باللغة
للامانة اول يوم تقولي الابلة ما يردد وراها ثاني يوم اندمج معاهم

وترا رحت لحلقات تحفيظ القران ياخذون 6 سنين اقل شي وانا مثلج ودي يكون حافظ القرآن

للعلم اهما موصلين سورة القارعة لانهم بادين مبجر من شهر 3 وانا توني دريت عنهم صارلي اسبوع

هذا رقمهم قوليلهم من طرف ام دعيج 90028333 - ام عبد الرحمن

بس تدرين انا ماجربت القاعدة الحلبية

 

[بحور الذكريات]

جزاكم الله خير
ياريت اطرشينه اختي على الخاص
ومشكوره يا ام دعيج على الرقم