ابي لحمل وابي نصايحكم لي يالغاليات

[زينة الهيلا]

السلام عليكم خواتي
بخاطري شي ودي افضض فض لكم انا متزوجه لي 3 اسنين الحمدلله ماعندي عيال ولكن مايئست من رحمت ربي
بنات السالفه ومافيها انا دورتي تنزل متأخر بس اذا اخذت منشط وابر تنزل منتظمه!

مشكلتي اهي تكيس المبايض لووووووووووووووووووووعت جبدي
الدكتور يقول ماتمنع الحمل ولكن علاجها سهل وان شاءلله تحملين
بنات انا بما ان الدوره علي ودي اهتم بنفسي بس موعارفه شاسوي؟؟؟؟:eh_s(16):
ابي منكم تنصحوني شنو اكل وشلون لهتم بنفسي وشلون اعرف التبويض وشلون انظم دورتي؟
ابي خطوات تساعدني على الحمل؟؟
تكفون ياخواتي مالي من بعد الله غيركم سااااعدوني واللي ماتعرف ترفع الموضوع رفع ربي قدرها :yaaaaaarb:

واللي تساعدني عسى ربي يرزقها ويعافيها ويبارك لها بعيالها وبزوجها ويرحم اللي جابوها ويسهل ولادتها ويرزقها رزق وفير امييييين:yaaaaaarb:


تكفون لاتطنشوني انتوا تعرفون اش حلات الضنى الله لايرحرمكم الاجر:eh_s(11)::eh_s(9):​

 

[ابدا يالغالي مانساك]

رد : ابي لحمل وابي نصايحكم لي يالغاليات

الله يرزقج يرب ويفرح قلبج عاجلا غير اجلا
ماحبيت ادخل واطلع من غير مارد
فديتج يابنت الهيلا

 

[دودو الأموره]

رد : ابي لحمل وابي نصايحكم لي يالغاليات

الله يساعد

ممكن تبحثي بالنت عن الشغلات الللي تبينها وتكون مجربه ومضمونه



وإن شاءالله البنات بتساعدك.......

الله يكتب لك الذريه الصالحه

ويحقق كل اللي تتمنينه....

 

[Om -TOota]

رد : ابي لحمل وابي نصايحكم لي يالغاليات

اهم شي اهتمي بالدوره اشياء حاره وبعد الجماع لاتقومين بسرعه اقل شي ربع ساعه وبعد الجماع لاتشربين اشياء حاره


عسى ربي يرزقجج ياااارب

 

[ح ـــــور~]

رد : ابي لحمل وابي نصايحكم لي يالغاليات

الله يرزقج بالذريه الصالحه يارب

حبوبه ترا التفكير بالحمل يأخر الحمل حاولي تنسن انج تبين تحملين وحتي زوجج ينسي

واذا جتج الدوره اشربي اشياء دافيه واكلي اكلات حاره حطي ويا الاكل فلفل اسود
ووخري عن الحوامض والغازات مثل البيبسي وغيره

وللتكيس اقري سوره البقره يوميا لمده اربعين يوم

والله ماحبيت اطلع بدون ما افيدج بشي

 

[miss paris]

اللهم صلي على محمد وال محمد

انا قبل دورتي معتفسه فوق تحت وبعدين انتظمت صارلها 5 او6 شهور تقريبا منتظمه صرت اشرب قبل الدوره بأسبوع اشياء حاره واكل اكل صحي والنفسيه تلعب دور بعد بس هالشهر ردت اعتفستلي فوق تحت وانا الحين خايفه واحاتي
الله يعينج ويرزقج الذريه الصالحه يارب

 

[متغليه لعيونه]

رد : ابي لحمل وابي نصايحكم لي يالغاليات

ربي لاتذرني فرداَ وانت خير الوارثين
الله يرزقك ويرزقني ويرزق كل محروم
اب

 

[ام كوشه منكووشه]

رد : ابي لحمل وابي نصايحكم لي يالغاليات

حبيبتي الله يرزقج بالذريه الصالحه قريييب ان شاءالله

انتى ممكن تروحين حق دكتوره واهيا تتابع معاج وقت التبويض

انا بنت عمي سوت جذي راحت حق دكتوره بعد 12 يوم من الدوره وسوت لها تحليل وسونار للرحم واعرفت متى وقت التبويض وعطتها ابر تفجيريه والحمدالله الله كتب لها الحمل

او ممكن تشترين جهاز فحص التبويض المنزالي وتابعين تبويضج بنفسج

 

[باربي لكويت]

الله يرزقج يارب ولايحرمج ويفرح قلبك عاجلا غير اجل يالله ياكريم سمعي حبيبتي وقت الدوره شيء مهم جداً للمراه لازم تهتمين اكلي اشياء حاره وشربي حار بحار وتسبحي بماي دافي ولاتشربين لاعصاير بارده ولاحتى ماي بارد كلش اثناء الدوره ولبسي دلاغات ودفي عمرج وتحركي سوي رياضه مالت الدوره تساعد على نزول الدم وتنضف رحمج وتحرك الدوره الدمويه بجسمج وديري بالج من البارد مثل ماقلت لج لاقبل الدوره باسبوع ولا اثناء الدوره ولابعدها باسبوع وروحي راجعي عند دكتوره شاطره خل تشوف رحمج شلون سماكته وهل زين اولا وتشوف التبويض عندج وبعدين تحدد لج وقت الجماع بعد مااتابع معاج التبويض ووقت الجماع لاتستخدمين غسول طبي لاقبل ولابعد لانه يقتل الحيوانات المنويه وخلج نايمه على ظهرج بعد الجماع ليمن اليوم الثاني يعني ليم صلاه الفجر وحطي تحت مأخرتج وسادتين ترفعج من تحت عشان يدش الساىل المنوي واقري سوره مريم كل ليله من اول ماتخلصين الدوره ليم موعدها الجاي كل يوم اقري سوره مريم بنيه الحمل وانشالله ربي يرزقج باذن الواحد الاحد واستمري على الدعاء والرقيه الشرعيه وحافظي على صلاتج وصدقيني ربي كريم ربي يقول في محكم اياته ادعوني استجب لكم

عسى ربي مايحرمج الضنى ياغناتي يارب ياكريم

ملاحظه اخيره من بعد ماتخلص منج الدوره بالشهر اللي ناويه تحملين فيه باذن الله اكلي الفوليك اسد يقوي بطانه الرحم ويساعدها على استقبال الجنين والالتصاق بالرحم باذن الله وبعد ماتخلص ايام التبويض وخلاص سويتي كل اللي عليج استخدمي تحاميل مثبته للحمل عشان اذا ربي كتب وحملتي مايطح او تجهضينه وهو في بدايته لاسمح الله والله يكتب لج اللي فيه الخير

وهمن بعد ريحي روحج على الاخر خلج مريحه روحج لاحركه ولاروحه ورده ولاشيل وحط ولاشيء حتى الكعب لاتلبسينه والضيج لاتقربينه ارهي على روحج وربج كريم

 

[زينة الهيلا]

رد : ابي لحمل وابي نصايحكم لي يالغاليات

جزاكم الله الف خير ويارب يرزقكم من اوسع ابوابه ويحرم وجيهكم ع النار يارب ياكريم ويرزقني ويعطي كل من يبي الضنا قولوا اامين

 

[غلا عيوني]

زينه الهيلا عسى الله يفتحها عليج يارب ويرزقج بتوام الصالحين لاتايسين من رحمه الله الحال من بعضه انا التكيس شهر تروح
وشهر ترجع والدوره متخربطه فوق تحت بس والله املي بالله كبير وان شالله ربي راح يطعمنا الذريه ولايحرمنا قولي امــــــــــين

 

[جبنة بيضة]

الله يرزقج حبيبتي شوفي وقت الدورة لازم تشربين أشياء حاره دارسين و زعتر و زنجبيل لآخر يوم لين تنظفين

بعدين حاولي تلعبين رياضه ينشط المبايض و اذا وزنج زايد نزلي

و بالنسبه للتبويض اشتري شرايط التبويض مالت كلير بلو او تابعي تبويضج مع الدكتوره


و لازم تسوين تحليل هرمون الحليب ثاني يوم دوره و هرمون البرجستون ٢١ من الدوره علشان التبويض

و عقب الجماع خليج نايمه منسدحه شوي و يارب يرزقج من واسع فضله

و عليج بالاستغفار و الصدقه

 

[الريشة]

البنات اللي قبلي كفوا و وفوا...
بس حبيت أزيد عليهم...
التزمي بشرب المرمية قبل الدورة بخمسة أيام و لما تنزل شربي زعتر و دارسين ، و شاي البردقوش شربيه بين فترة و فترة ما يضر.
دفعي صدقات وايد كل شهر و سوي كافل يتيم .
اقري الرقية الشرعية كل يوم ، و البقرة كل 3 أيام مرة. و اقري سورة مريم و الصافات و ياسين و آل عمران...
استغفري باليوم 1000 مرة و صلي قيام الليل حتى لو ركعتين مع الشفع و الوتر.
و بآخر يومين من الدورة تبخري بشاي أخضر لمدة 3 أيام
و إذا عندك ماي زمزم اقري فيه الرقية و شربي منه كل يوم
و إذا تقدرين روحي العمرة أحسن و ادعي.
اقري على زيت زيتون و دهني بطنك و ظهرك كل يوم قبل النوم.
و خلي نيتك صافية مع الناس و لا تحقدين على أحد و لا تغتابين ، و إذا كنتي تحفين حواجبك وقفي الحف بنية إرضاء ربك ( من ترك شيئاً لوجه الله عوضه الله بشئ أخير منه).
و خلي ثقتك بالله كبيرة إنه راح يرزقك.
و المفروض زوجك يفحص بعد.

 

[بداية المشوار]

الله يرزقج
اكثري من الاستغفار والدعاء واللجوء لله تعالى

 

[درة أهل الطولات]

ربي يرزقج ويفرح قلبج

 

[ToOoT"Q8]

عليج بالعصيده والتمر مع الرشاد والحلبه بوقت الدوره مع القهوه
وأكلي فلفل ترا زين بس لاتكثرين يسبب ألتهابات
وعليج بالأشياء الحاره وأبعدي عن أي شي بارد وخاصه البيبسي
أبعدي عنه نهاااائي
واليوم السادس من الدوره تبخري بشاي الأخضر أو مره
والله يرزقج بالذريه الصالحه يارب

 

[شنوووفه]

الله يرزقج انشالله بدوون علالاج
والبنات ماقصرو كفو ووفو
موفقه :>

 

[وشلون ماأغليك]

ياقلبي انتي الله يرزقج ويرزق كل محرووم ان شالله
حبيبتي رفيجتي من تزوجت قعدت 3 سنين ماحملت كل ماراحت لدكتوره تقولها مافيج شي سليمه لين اذكروا لها دكتوره هدى الزكري لما راحت لها قالت انتي عندج شحوم متراكمه بمنطقة المبيض مع العلم هي مومتينهه حيل متروسه شوي وسوت رجيم وضعفت وعطتها الفوليك اسيد والحمدالله بعد الله سبحانه حملت جربي روحله يمكن الله يكتب لج الحمال على ايدها