ابي كل شي عن جنتج الماليزيه ) مساعده (

[روند]

السلام عليكم..
احنا بنسافر جنتج ان شاء الله بس
ابي اعرف احسن الفنادق هناك واسعارهم وتكون زينه
وابي اعرف شنو الاماكن السياحية بجنتج
ومجمعاتها ومطاعمها وكـــــــــــــــــــل شي عن جنتج لاتبخلون علي بأي معلووووومه

احنا اربع اشخاص كم نحتاج ميزانية حق التشري والمسكن والمأكل والمشرب


انطر ردودكم سفرتنا قربت..ومشكوريين​

​

 

[sweetkoko]

حبيبتي جنتنغ عباره عن منطقه جبليه مرتفعه بارده مافيها شي غير مجموعة فنادق متصله مع بعضها ومدينة ملاهي خارجيه وداخليه وبس يعني ياتروحيلها من اول النهار من كوالا ساعه الا ربع او تباتين فيها مو اكثر من يومين مافيها شي كلش لا مجمع ولا مطاعم الا الوجبات السريعه وبس وبالنسبه للفندق انا سكنت بجنتنغ اسم الفندق جنتنغ فوقه تاج ملكي وفي فندق ورلد ملون شكله حلو بس مانزلته عموما اذا تبين اي معلومه انا حاضره

 

[brettey]

حبي جينتيج جبل والي اعرفه ان احسن فندقين عندهم فيرست وورلد وهذا ملون
والثاني جينتيج هاي لاند
وجينتج فيها ملاهي كبيره يفضل ماتروحين لها سبت واحد لانه عطله عندهم وزحمه وحلاتها بس يومين كافي عليها بس حلوه وبارده واخذي جاكيتات تيركوه لانها بارده
بس حلوه وونيسه

 

[حبوبه]

هلا حبيبتي ..
توني راده من ماليزيا يوم الثلاثاء جنتنغ منطقه علي الجبل وايد حلو المنظر كان الجو غيم والمنظر عجيب بس مثل ماقالو البنات مافيها شي غير مجموعه فنادق ومدينه الملاهي يعني اذا سكرت ماكو شي تسوونه روحولها يومين ..وانصحج اذا معاج اطفال بصن واي لقون وايد استانسنا فيها قعدنا 4 ايام ..

 

[عمشه المنتفشه]

اذا معاج اطفال ممكن تنامين ليله بس اذا ماكو اطفال كافي عليها من الصبح لليل