ابي كاميرا مراااقبه

[غنوة ستايل]

قوه بنات
ابي اسألكم عن كاميرات المراقبه
ودي بكاميرا سنعه . صوت وصوره وما تكون واضحه
سبحان الله انا اطلع من البيت وايد وما اقدر كل شوي ماخذه ولدي معلقته معاي
خاصه ان اهل ريلي جيراني وكل ما طلعت يراقبوني استغفر الله
ريلي يقول نحط كاميرا وخلي البيبي بروحه
بس والله اني واثقه فيها
بس كل ما اسمع سالفه عن خدامه سوت او عملت . قلبي يرقع .
وانا اشوف خدامتي حيل حيل تحب ولدي واهوا يحبها لو تسوي له شي ما حبها
مع العلم ترى عمره الحين 10 شهور
وآخر شهر 6 بولد
وشهر 10 برجع قيدي بالجامعه يعني مو قاعده بالبيت واااايد

قريت مره عن كاميرا زين ان في بنت حاطتها
رحت زين وسألت قالوا قبل كان عندنا الحين موقفينها ..

الحين ابي كاميرا سنعه وين ألاقي ولا تقولون الوسيط ابي شغله مجربه . ما اتعب
وبجم حطيتوها .. ؟؟
وسلامتكم

 

[فوفو ابداع]

اب اب

 

[جوري الكويت]

مجمع الرحاب

بس انا ما جربتها

 

[غنوة ستايل]

للرفع بانتظار البنات

 

[لهفة المشتاقه]

شوفي الوسيط فيه وووايد
بس انا خذيت هالرقم ومادقيت عليهم
وطريقة الكاميرات هم الساعه والتحف
97817778
2269228
وقوليلي شنو يصير معاج

 

[ReDLOve]

الوسيط فيه والصفاه

لاكن بالنسبه لي احسن كاميرا مراقبه من شركه زين عندهم كاميرا عجيبه ان تكونين حاطتها باي مكان اوكى

و انتي بره البيت عن طريق التلفون اتشغلينهااا يكون بالكاميرا خط متصل على تلفونج مع اشتراك طبعا وهم تقدرين تفرين الكاميرا يمين و شمال عن طريق التلفون

هذى كانو يعطونها حق موظفين شركه زين و مادري اذا يبيعونها بس اتوقع يبيعونها عادي حق الناس سالي عنها​