ابي قطوة بس؟

[a7la-princess]

السلام ..

انا ابي قطوة بس خايفة انها خطر للحوامل و اليهال !و الامراض !! جد يعني احاتي هالشغلة

وياليت لو تساعدوني بمكان يبيع قطاوة حلوة و شرازية و شلون اسعارهم
و اناا ابي قطوة صغيرة يعني ماتكبر من ناحية الحجم !! وشنو احلى نوع
و ابي اعرف مكان يبيع كل شغلها

و شسمه .. القطوة تحتاج تتطعم مرة وحدة ولا شلون ..
و بخصوص البيطري !! في واحد ييي البيت لانه بعيد عني
و شلون اسعار البيطري يعني لو كنتو مجربين ةفي بلاش؟
ووين اماكنهم

و سوري لو طولت عليكم بالاسالة :eh_s(8):
وتنصحوني اشتري و لا لا

 

[منوره99]

السلام ..

وعليكم السلام ورحمة الله وبركاته

انا ابي قطوة بس خايفة انها خطر للحوامل و اليهال !و الامراض !! جد يعني احاتي هالشغلة

اذا تعتنين فيها وتكون نظيفه ومطعهمه مامنها خوف إن شاءالله (لن يصيبنا إلا ماكتبه الله لنا)

وياليت لو تساعدوني بمكان يبيع قطاوة حلوة و شرازية و شلون اسعارهم

في عندج أماكن بيع القطاوه سوق الطيور إللي يم سوق الجمعة وعندج في حولي بارك في محل صغير يبيع قطاوه ومحل بت زون في الشويخ يم تروفاليو الجديد وهذا المحل اسعاره خيالية عجبتني قطوه عندهم قالي سعرها 450 يعني تقريبا نص معاشي

و اناا ابي قطوة صغيرة يعني ماتكبر من ناحية الحجم !! وشنو احلى نوع
مافي قطوه ماتكبر كل القطاوه تكبر مع الأيام
و ابي اعرف مكان يبيع كل شغلها
في عندج تروفاليو وايس هذا عندي التوب تلاقين فيه كل شغلهم ولولو هايبر ومركزسلطان وكارفور والجمعيات تلاقين أكلهم وترابهم متوفر

و شسمه .. القطوة تحتاج تتطعم مرة وحدة ولا شلون ..
لأ لها اربع تطعيمات بعد ماتكمل الشهرين تطعمينهم وبعد اسبوعين تاخينهم مره ثانية وطعمينهم وبعدها باسبوعين هم لهم تطعيمه والتطعيمه الأخيره بتكون بعد سنه
و بخصوص البيطري !! في واحد ييي البيت لانه بعيد عني

ماأدري والله الطبيب أنا أروح له
و شلون اسعار البيطري يعني لو كنتو مجربين ةفي بلاش؟
ووين اماكنهم
تري مايكلفون تطعيمة القطوه في مستشفي الدهماء تكلف مع فتح الملف 4750 يعني قولي خمس دنانير وبيطري في بلاش إذا عرفتي واحد لاتنسيني معاج علميني عليه وأماكن المستشفيات في الشويخ عند سوق الجمعه وسوق الطيور وهم ثلاث مستشفيات مستشفي الري ومستشفي الدهماء ومستشفي رويال وكلهم يم بعض
و سوري لو طولت عليكم بالاسالة :eh_s(8):

حياج الله وإن شاءالله تستفيدين من معلوماتي
وتنصحوني اشتري و لا لا

ماأدري سوي إللي يريحج عني شخصيا ارتحت نفسيا من اشتريت قطوتين وألحين ماشاءالله عيالهم معاي تاركين أمهاتهم ومجابليني

 

[a7la-princess]

تسلمين ياقلبي .. و ان شاء الله باجر بتشري ..
بس يعني اذا تطعمت ٤ مراتت خلاص ماتتطعم مرة ثانية ؟

 

[VET-Nour]

اربعع تطعيمات و بعد عقبها بسنه تطعمينهآآ بس تطعم وآآحد
و عن اماكن اغراضهم جاوبت عليج منوره , أذآ ما تععرفين اغراضهم في موضوع مثبت بالقسسم , و اهمم شيء تشترين الاكل على حسب عممر القطوه لان اذا الكل حق اكبر من عمرها و اصغغر راح يصير في اسهال كرمج الله و تقعدين تعالجينهآآ و تحوسين من بيطري لي بيطري ,,
وفي عندي موضوع عن خبرتي بالقطاوه أو الجلابه , حاطه فيه طرق واشياا تفييدج اذا انتي عليميه بهالسوآلف

 

[كتريناااا]

حبيبتي انا عندي قطاوه للبيع اذا حابه تشوفينهم قوليلي وأرسلج صورهم كلهم لونهم ابيض

اما اذا حابه تشترين من سوق الجمعه اهم شي شوفي اذونها اول شي مافي داخلها سواد تري سواد هذا عباره عن حشرات وفطريات وتعدي وعلي اظافرها ما تكون مكسوره انتي اول ما اشتريتها ودينا مستشفي الدهماء احسن مستشفي وارخص واحد واهو احسن مستشفيات عندج دكتور اندروا احسن واحد انا تعاملت معاه يقولك بكل صراحه اذا أهي زينه ولا لا انا كل قطاواتي عندهم كل دكاتره زينين عندهم واكدي للبايع انج بتفحصين قطوه اذا فيها شي ترجعينها لان بعضهم اذا شرتيها مايقبل ترجعينها *

 

[Qـويتية]

ما قصرو البنااااااااااااااااات ^_^
​

 

[LiL LiLeY]

صح شنو نوع الي ما يكبر حجمهاا

 

[Mnawi 3ōŌōba]

صح شنو نوع الي ما يكبر حجمهاا

يسمونه النوع القزم :eh_s(8):