ابي فيتامينات تكبر البيبي

[الراقيه 81]

السلام عليكم

اشلونكم خواتي .... ؟


خواتي انا باول السابع وقاليلي البيبي اصغير ابي فيتامينات تكبره حيل


بليز اللي تعرف تكتبلي اسمهم وٱلّلــــھٌۦ يجزاها خييييييييير....

 

[Aloe Vera]

المفروض الدكتورة تكتبلج اياهم و تشترينهم من الصيدلية لا تاخذين كلام البنات خوفج تاخذين شي يضرج

 

[عاشقة هواك]

المفروض الدكتورة تكتبلج اياهم و تشترينهم من الصيدلية لا تاخذين كلام البنات خوفج تاخذين شي يضرج

اي والله صدقتي وصاحبة الموضوع اكلي عيوش وتمر ومكسرات ومعجنات وان شاء الله يكبر بسرعة

 

[مــتــنــحــة]

اكلي ٧ تمرات كل صبح اقتداء بسنة النبي صلى الله عليه وسلم

واشربي حليب ك د د كامل الدسم

يوميا خلج على هالنظام لين يوصل الوزن اللي تبينه

اذكر كنت اشربه عشان الحارج اللي يمسكني من الخامس لين اولد

وقامت تهاوشني الدكتوره تقول البيبي حيل كبير بس وقفي موزين يصير بيبي كبير حيل

ووقفته من الخوف >_<

 

[مــتــنــحــة]

طبعا دكتورتي هنديه بالهادي عشان جذي اقلد كلامها

قريت مشاركتي وقمت اضحك على نفسي :eh_s(1):

 

[Bio_reem]

انا ما اعتقد الفيتامينات تمتن، الفيتامينات مهمة للانزيمات والوظائف الحيوية فسئلي دكتورتج ليش ماسألتيها يوم قالت لج صغير؟؟
اي اعلم منا ، اكلي عدل لكن لا تاخذين اي شي من غير وصفة

 

[Ranoon]

انا وصفوا حق ولدي فيتامين دال اقطر بفمه ٤ قطرات تقوي تكبر بيبي




بس لازم دكتور يوصف لج مو تشترين
على كيفج غلط !!

 

[ms_5ajoola]

حبيبتي انا نفس حالتج بالضبط انا بالشهر السادس وقالت لي البيبي صغير .. وقالت لي شنو لازم اكل .. قالت اكلي لحووم و دياي و سمك و ربيان و آش و بيض هاذي الاكلان فيها بروتينات وايد ف تساعد ان البيبي يكبر بسرعة .. الله يوفقج يارب .

 

[fofowa_q8]

مااعتقد في فيتامينات تكبر البيبي بالبطن

انا كان وزن بنتي شويه واذكر عطتني دكتورتي بروتين

بودر ينحط مع الحليب على فانيليا وكنت اكل عسل

مع مكسرات

 

[New_bride]

مرت خالي ما شاء الله دوم تجيب عيالها بصحه ومتان
الدكتوره تنصحها من تدخل الثامن تاكل سمك لان السمك يكبر البيبي

 

[امواج الكويت]

طبعاً على كلام الدكتور اكلي زبده وبيض وسمج وكورن فلكس

 

[مذهلة2013]

المفروض دكتورتج تعطيج مو احنا :\

 

[M!SS.LOBY]

سألي الدكتورة

 

[سعادة قلبي وياه]

انا مثل حالتج حبيبتي البيبي صغير ولا اقدر اكل تمر لانه السكر عندي مرتفع

مثل ماقالوا البنات الحليب كامل الدسم
عندج البيض عندج الخضار عندج السمك ..

 

[miss_q8ya]

تو الناس الياااهل يكبر بالثامن والتاسع فلاتحااتين واااايد
لي نص الثامن قالتلج حيل اصغير اكلي وخربطي

انا كانت كل مراجعه تقولي الياهل بتييت وصغير الياهل بتييت وصغييير اكلي اشيااء مفيده بروتين ولحوووم وماغيرت شي باكلي نفسه اهوا اهوا

بس الحمدالله من نص الثامن بدا وزن الياهل يمشي مع عمره

 

[Joury86]

الفيتامينات ماتكبر البيبي الفيتامينات تفتح شهيتج،،اكلي حبوبج حديد وكالسيوم ولازم يكون بينهم مده عشان يمتصهم الجسم،،،
وعليج بالتمر والموز والحليب او اخلطي بالخلاط موز وحليب واشربيه انا استخدمت هالطريقه للنتفه اللي عندي بس استخدمتها اسبوع قبل الولادة والحمدلله زادت