ابي فزعتكم ..(ماليزيا)

[q8ya-barby19]

احلى ورده لاحلى كويتيات :tek:


شلونكم يالغاليات ..

مثل مانتو عارفين وسامعين ماليزيا رووعه وتونس واختكم بخاطرها تروح لها :wqedqw: لوووووووول وان شاء الله يتحقق الحلم :yaaaaaarb:

وبغيت اتساعدوني بالسفره لان تونا قررنا انا وريلي نروح لها اخر 5 وبغيت اتجاوبوني على اسالتي والله يعينكم علي _03BA:

يلاا نبلش :n2006107:

انا ان شاء الله سفرتي 14 يوم كله بكوالالمبوروبغيت احجز بفندق رخيص ونظيف وقلت احجز اما بالمريديان او دورسيت رجنسي سعرهم معقول ووايد كاتبين انه زين اشرايكم بنات احد مجربهم

ثاني شي بنات شلون اعرف لعملتهم :080402ask_prv: يعني جم الرنجت الواحد لو حسبته لدينار الكويتي ..وبنات انا من النوع اللي ينقص علي لووووول جم ياخذون التكاسي ؟؟ لان اخاف يدبلون لي بالسعر..

وابي بنات ادلوني على اماكن الفناتك والشغلات الغريبه لي ولعيالي والملابس

موجنه ازعجتكم فديتكم انا:hjy5jewf: بس خلصت

تكفون الي ماتعرف ترفعلي ولها احلى دعوه ..

 

[q8ya-barby19]

بنات شدعوا محد رد

 

[القناصه]

هلا والله يالغاليه

توكلي على الله والله يتم امنيتج وتروحين وتردين من غير شر

ماليزيا جنه الدنيا

بخصوص الفندق حنا حاجزين كل شي من إهني وبصراحه كلها نظيفه لأنهم المثل الأعلى بالنظافه

<<<<تطمني بخصوص النظافه >>>>

والأسواق هناك عندك سوق صن واي لاقون شي مو طبيعي ومستحيل ما تلقين شي

والله كل ممر تمرين عليه راح تلقين بيمينج ويسارج أسواق فلا تحاتين

بس لا تنسين تمرين السوق الصيني روعه ورخيص


ونصيحة إخت من ناحية الأسعار كاسريهم إلين يخيب ثناهم

لأن زوجي عرف لهم مثلا واحد قال بأوصلكم 50 رنقت قال زوجي لا 20 رنقت قال خلاص اوكي

وفعلا وصلنا بالسعر إللي نبيه

كاسريهم // كاسريهم // كاسريهم <<<<<<ههههههه أدري طولتها بس والله حرام السرق >>>>>>>>>>>

وتقبلي رايي ومروري المتواضع

وعطيني أخبارج إذا وصلتي بالسلامه فديتج

 

[مـيـراس]

كوالامبور ما اذكر فيها الا السوق الصيني تقليد ماركات يا ربي انلحس مخيييي

عندج جزيرة بيننغ روعه وجزيررررةةة لانجكاوي اوووف خياااال لا يطوفونج وكلها سياحة

 

[مريامه]

هلا حبوبه والله صارلي فتره عن ماليزيا بس بقولج بالنسبه للفنادق احجزي فندق فى التايمس كوير

اهو مول كبير وروووووووعه لايطوفج احجزي فيه وانزلى للمول متى مابغيتى ولايطوفج السوق الصينى هناك بس نصيحه من اختك كاسريهم حيل لانهم نصابين وحراميه وانتبهى لشنطتك لان فيها حراميه ولاتروحين لها وقت المغرب روحى من الصبح والمغرب ارجعى احسن علشان الحراميه اللى فيها
وفيه مكان اسمه الكامرون هذا المكان خياااااااااااااااال جنه الله في ارضه فيها مزارع شاي وفي مصنع شاي على كيف كيفج عندهم نكهات شاي تجنن وحلوه حيل وبعد فيها مزارع فراوله حلوه تشوفين الفراوله وهى مزروعه وروحى لها وانتى جوعانه لانك راح تشبعين من الفراوله ومن برد الفراوله ومربى الفراوله
وبعد فيها حديقه الطيور بس مو كبيره بس فيها اشكال طيور غريبه يعنى اذا رحتى للكمرون يبيلك يوم او يومين ولاتنسين تمرين الكوفى شوف اللى فيها بانينه على اخر الجبل شكله رووعه ولاتنسين الكامره معج لان المكان خيال صج...

<<<<<<<<< تذكر بعد شنو تقول لج

واذا تبين شي غريب روحى لكوسكو وتوسكو هذيلا مثل الجمعيات بس قبل تدخلينهم تلاقين بنات ماليزيا يبعون بكشكات اشياء غريبه وحلوه بس ماوصيج كاسريهم وهم اغلب اشياءهم ب 10 رنقت

أستغلى سفرتج واستمتعى فيها لان ماليزيا جنه الله فى ارضه ..

<<<<< تقول اذا تذكرت شي بقولج عنه

تقبلي مرورى...

 

[عسل111]

الله يسهل دربكم


وان شاء الله تستانسون

نصيحه دامج رايحه ماليزيا لا تطوفج جزيرة لانكاوي وجزيرة بيننغ مثل ما قالت الاخت اللي قبلي
يعني كل جزيرة يومين وباجي الايام روحي كولالمبور وفري السوقه والرحلات على كيف كيفج :jbdwjbd:
صج روعه المنظر والهدوء والراحه وبحر ومنظر حيل حلووووووووووووووو

وانتي براحتج

وعسى ربي يهنيكم مع بعض :33_1185028183:

 

[q8ya-barby19]

فديتكم انا.. عسى ربي يوفقكم ويهنيكم

شوقتوني بسالفة الجزر ان شاء الله احطها باللسته ..

فيدونا بنات اكثر

 

[noorq8]

حرام تضيعين 14 يوم بكوالالمبور .
سويلج برنامج رحله للجبل جنتنج هاي لاند روحه ورده نفس اليوم هذي مدينة ملاهي بالجبل وتقدرين تروحين لها بالباص من محطة الباصات بدال التاكسي أوفر لج ولاتفوتين بيننج قعدي فيها كم يوم وترى كل المعلومات عالنت عن ماليزيا ,وتروحين وتردين بالسلامه.

 

[q8ya-barby19]

اب .. اب

 

[1-2-3-4-5-6]

البنات ماقصروا وماادرى اذا بتروحين بروحج ولا عيالج معاج لان البرنامج راح يتغير 180 درجه اذا مع عيالى مساكين ماراح يستانسون بالتفرفر بلسوقه شوفي انا سويتلى برنامج اول 4 بكوالالمبور بروح صن واى وبروح البرجين وافاموزا وبعدها بروح جزيرة بنتانغ لانها تصلح لليهال اكثر على عكس جزيرة لانكاوى تصلح للعرسان وبقعد فيها 3 ايام بعدها برد كوالا وكل يوم له فعالياته منها جنتق وسوق التايم سكوير وسوجو ووندر لاند واخر يومين سوق x سوق بس ادعولى ان الله يكتبها لى ويسر امورنا

 

[q8ya-barby19]

الله يكتبها لج ان شاء الله

ومشكووره على الافاده

 

[q8ya-barby19]

بنات محد قالي عن العمله جم الرنجت بالنسبه للدينار ..؟؟؟

اب اب

 

[احساس طفلهـ]

الرنجت تعادل الريال السعودى

10 رنجنت =0ا ريال

تقريبا

 

[um 3li]

100 Malaysian ringgits = 8.9465541 Kuwaiti dinars

 

[um 3li]

100 رنجت = تقريبا 9 دنانير مثل ما حطيتلج فوق وهذا سعر الصرف اليوم من الموقع

والتكاسي كاسريهم كثر ما تقدرين

والفنادق وخري عن برجايا تايمز سكوير لأنه الصراحه اخترب عن قبل والممرات كلها ريحة وخرابات بالثلاجه او التكييف او التلفزيون

عندج الماريوت او الملينيوم روعة وبشارع العرب بعد

 

[الـزيـــــن]

.. شوقتيني .. عليها ,,

سوي لج جدوول دآم 14 يوم حرام كله .. بكواالا..



اول شي ... صن وي لاقون في ولاية سلنجووور 5نجوم 45 دقيقه عن المطاار


بس شنوو عجيييييب .. وفي صن وي لاقوون الداون تاون هذا 4 نجوم هذا تابع له بعد جنبه بالضبط..


فيه مجمممع على كيييفج عجييييب ..وهمن .. العاب مائيه ..


وفي كوالا عندج ... فندق المااريوووت .. يهبل ونظيييف ..وعندج التاايم سكويير .. هذاا عندهم مجمع عجييب بس مانصحج تسكنين فيه .. هذاا كله بشاارع العرب ..


وفي مجمعااات .. حوالين بعض نرووح لها مشي .. بس خلي كواالا المحطه الاخييره .. رووحي جنتنق .. منطقه جبليه .. باارده .. وفيهاا سووق حلوو..

وجزييرة بيناننغ ولنكااوي ..



والسووق الصيني صاار اغلاا من المجمعاات .. مآعجبني حييل .. بس فيهاا الرخيص والغاالي .. وهم الغاالي بالنسبه لنا رخييص,,


حااولي ان مايفووتج شي والبناات هني مو مقصرات .

 

[رهام الكويت]

اب
اب

 

[Watches]

طبعا البنات ما قصروا عطوج كل شي بس أنا بقولج عن الفندق .. أنا جربت دورست رجنسي .. سعره وايد مناسب حق نظافته وتحسين جنج في فندق 5 نجوم .. مكانه وايد أحسن من مريديان نص دقيقة توصلين شارع العرب .. لا تحاحين هل فندق ...

 

[*-*Lo0o0Raaa*-*]

تروحين وتردين بالسلامه

شوفي حبيبتي

انا رحت ماليزيا قبل سنتين وكانت رحله عائليه

القنادق عندج رويال بنتيغ و سويس قاردن

رويال بينتغ تحتج على طول شارع العرب

وسويس قاردن مشي 5 دقايق تقريبا يعني على اول الشارع ( شترع بوكيت بينتغ ) اللي اهوا شارع العرب

احنا سكنا بصراحه بسويس صج شويه مشي بس بصراحه شارع العرب حلوو تمشي فيه يعني ما تحسين بالتعب

اما بالنسبه للتكاسي احنا كنا عايله فأغلب شي ناخذ ميني فان بس اذا انتي وريلج تاخذون تاكسي عادي

واذا مكان في كوالا مجمع بكوالا يعني 20 - 30 رنجي

يعني 1 ونص او 2

و 1000 رنجي = 90 دينار

وانتي اذا رحتي صرفتي سألي عن العمله

والسوق في سوق ينينا عليه انا وامي اسمه بي بي بلازا بشارع العرب كل يوم نرووحله عن جد روعه ويونس لا يطوووفج

ولا طوووفج جزيرة بيننغ عجييييييييييييييييبه وحجزي فندق برادايس وايد حلووو

وعلى البحر على طوول وتحت الالعاب المائيه على قولتهم حجظ جيتسكي وبالبانانا والباراشوت

واي سؤال انا حاضره

ورحله سعيده

 

[حورية البحر 1]

السلام عليكم
ماليزيا وايد حلوة راح تستانسين وايد
الأفضل فندق في كوالمبور هو ماريوت لأن بوسط السوق
والأماكن السياحة هي (الأكواريوم + أفاموسا+ السوق الصيني+ منتجع سن واي لاجون )
بس نصحيه مني
لاتقعدين بس كوالمبور لأن مافيها وايد أشياء أنا عندي
تقعدين كوالمبور 3 ليالي
جنتك ليلتان
لنكاوي ليلتان
بينك ليلتان
لأن الصراحة الجزر وايد حلوة راح تستانسين أكثر من كوالمبور