ابي علاج للبهاق غير الليزرلابنتي ارجو المساعده

[رحله عمر]

الي عندها تجربه عن مرض البهاق او سامعه عن علاج له طبيعي ويكون مجرب لاتبخل به لابنتي- طلع البهاق فيها من سنه بعد خوف شديد وديتها لابوحمره كتب لها جلسات ليزر وبيني وبينكم خفت عليها وخاصه انه اكثر شيى منتشر في الوجه ارجوكم لاتبخلوا على بتجاربكم وخاصه ان مساحات البهاق بدت تكبر وجزاكم الله خير

 

[جارة القمر]

مشاركة: ابي علاج للبهاق غير الليزرلابنتي ارجو المساعده

رحله عمر


هلا حبيبتي

الله يشفيه يارب

ويخليه لج

أنا بنت أخوي بصراحة ما نفع معاه الا علاج زين الأتات صج غالي

بس ناسبة

وطبعا ماقرأت القرآن


وهذا رقمه بالكويت 9583154

 

[قدها]

مشاركة: ابي علاج للبهاق غير الليزرلابنتي ارجو المساعده

الله يشفيها انشالله و يخليها لج

 

[رحله عمر]

مشاركة: ابي علاج للبهاق غير الليزرلابنتي ارجو المساعده

اختي جاره القمر ياليت توضحين اكثر مومهم السعر بس وين احصله وشاكره لك تواصلك

 

[رحله عمر]

مشاركة: ابي علاج للبهاق غير الليزرلابنتي ارجو المساعده

قدها مشكوره ياعمري وجزاك الله خير

 

[جارة القمر]

مشاركة: ابي علاج للبهاق غير الليزرلابنتي ارجو المساعده

رحله عمر


شوفي حبيبتي

أنا أختي كانت يايبه العلاج من لبنان ودبي

حق بنت أخوي


وألحين فتحله فرع بالكويت

بس بالضبط وين والله ما أدري

أنا مو قصدي أقولج غالي

بس أختي يابت العلاج من لبنان أرخص من الكويت عرفتي هذا اللي بقوله


بس صج


وايد تحسنت عليه


وعليج يا قلبي تقرأين عليه القرآن

 

[رحله عمر]

مشاركة: ابي علاج للبهاق غير الليزرلابنتي ارجو المساعده

جاره القمر مشكوره يا عمري وماقصرتي

 

[جارة القمر]

مشاركة: ابي علاج للبهاق غير الليزرلابنتي ارجو المساعده

رحله عمر


العفو يا قلبي

وتسلمييييين

 

[@ الرسامة @]

مشاركة: ابي علاج للبهاق غير الليزرلابنتي ارجو المساعده

رحلة عمر



شوفي انا طلع لي بهق بعد ولادتي بولدي يعني قبل سنتين ونص ببطني وعالجت بأسعد الحمد وراح
بس مشكلة الملرض هذا انه يرد ويروح وسمعت عن بوحمرة بس ليش ما تعالجين بالليزر ؟؟؟

سمعت انه فعال حيل على كلام الجرايد


وجم قالج بو حمرة عن سعره ؟؟؟

اذا حيل غالي احتمال تلقينه باماكن ثانية

 

[jolie_q8]

مشاركة: ابي علاج للبهاق غير الليزرلابنتي ارجو المساعده

ما تشوف شر بنتج

انا ماعندي اي فكره

بس شوفي هالسايت ..يمكن يفيدج


الرابط

 

[رحله عمر]

مشاركة: ابي علاج للبهاق غير الليزرلابنتي ارجو المساعده

مرحبا اختي الرسامه الدكتور ابوحمره كتب لها على 12جلسه كل جلسه ب20 دينار بس خفت استعجل ابي اسال اول اذا فيه احد مجرب علاج طبيعي وخاصه ان بنتي ماراح تستفيدكثير من الليزرلان اكثر البهاق في الوجه حول العينين والذقن والباقي منشر في باقي جسمها على خفيف الدكتور قالي الوجه ماراح نعرضه لاشعه الليزر وعطاني دواء للوجه وماجاب معاها اي نتيجه ومشكوره ياعمري لاهتمامك

 

[رحله عمر]

مشاركة: ابي علاج للبهاق غير الليزرلابنتي ارجو المساعده

تسلمين ي jolie-q8 ويعطيك الف عافيه على الرابط

 

[@ الرسامة @]

مشاركة: ابي علاج للبهاق غير الليزرلابنتي ارجو المساعده

انزين

عندي طالبة بالمدرسة حلوة بس البهق صاير على جفن عيونها
سالتها اذا تعالج والا لاء قالت لي انها تحط دوى شاريته من مصر
مرت الايام وشفت تحسن كبير عليها سالتها وقالت لي اكلم امها
وعطتني رقم تلفونها وقالت لي امي تنتظر تلفونج
واتصدقين كل ما انوي اتصل عليها ما اتصل يا انسى او الهى بشي
وما شاء الله البهق اختفى منها وراح



انزين باسالج جربتي علاج الصباح العلاج الضوئي ؟؟؟

 

[رحله عمر]

مشاركة: ابي علاج للبهاق غير الليزرلابنتي ارجو المساعده

اختي الرسامه تكفين كلميها لاتنسين لان بنتي زاد مره في وجها كانها لابسه نظاره ومشكوره ياعمري وسامحيني ان كلفت عليك - ماجربت اي علاج لاضؤى ولا غييره بس دهان من ابو حمره وما شفت اى نتيجه حتى بسيطه و مستمره عليه

 

[جارة القمر]

مشاركة: ابي علاج للبهاق غير الليزرلابنتي ارجو المساعده

@ الرسامة @

أخاف أدرسين بنت أخوي





للأنه بعد جربت علاج واحد بمصر أسمه أعتقد الظواهري

بس للأسف

بعد ما أخذت العلاج


توفي الريايل

وبنت أخوي حلو حرام

بس للأسف

البهق لاعب فيه وبكل جسمه وويه

حتي أبوه علي أنه عمره 33 توه بدأ يطلع فيه



يارب يشفيهم جميعا

 

[@ الرسامة @]

مشاركة: ابي علاج للبهاق غير الليزرلابنتي ارجو المساعده

الله يشافيهم يارب
البنية اللي ادرسها اسمها نوى
والبنية ما شاء الله البهق اختقى من ويها وما يبن
وان شاء الله اكلمها بس الرقم مو عندي الحين بس اطلع من الاربعين اكلمها ولا يهمج
انتي ديري بالج عليها بالاكل يعني لاتخربط سمج مع بيض مع لحم وغيره
وفي انا سمعت ان في علاج بالسعودية اهي ابرة تنغز بمكان البهق ويختفي وما يرد وراح ادور لج اسم الدكتور واقولج اسمه بس عطيني شوية وقت

 

[رنين]

مشاركة: ابي علاج للبهاق غير الليزرلابنتي ارجو المساعده

عسى الله يشافيها لج يا رب

 

[رحله عمر]

مشاركة: ابي علاج للبهاق غير الليزرلابنتي ارجو المساعده

الرسامه الله يجزاك خير ويجعتهاالله في موازين اعمالك - اختي رنين مشكوره ياعمري والله يسمع منك يارب

 

[@ الرسامة @]

مشاركة: ابي علاج للبهاق غير الليزرلابنتي ارجو المساعده

اسفة على التاخير

بس والله انشغلت


والله علشانج قعدت احوس وافتر بس القالج اسم الدكتور

اسمه حسام رزق في وحدة التجميل المساندة التابعة لمستشفى عرفان بجدة

 

[جارة القمر]

مشاركة: ابي علاج للبهاق غير الليزرلابنتي ارجو المساعده

رحله عمر

أنا بنت أخوي منعوه

من السمج

والبيض

والكاكاو
والبيبسي



الرسامة لا بنت أخوي فاطمة



ويوقومج بالسلامة الرسامة

والله يشفيهم يارب