شوفي اختي هذي طريقة مرقوقة لذيذة بس بعجينة الصاج اللي بالجمعيه سويها واديعيلي اول شي تحطين الجدر فاضي على النار تخلينه يسخن شوي وتحطين اللحم عليه وتقلبين اللحم على ما تطلع الريحه بعدين تضيفين البصل الشرايح وتحمسين ثم الزنجبيل ثم الثوم وتحمسين وفلفه حاره وتحمسين ثم ملعقة كبيره بهار مشكل وملعقه وسط فلفل اسود وملعقه وسط لومي مطحون وتحمسين ثم تضيفين شوية دهن ومعجون طمام واحد وطماط مقصص صغار وتحمسين بعدين تضيفين الماي الحار وتحطين حبتين لومي صحيح وحبتين فلفل احمر مجفف وتخلين المرق يستوي تقريباًًً ساعه ونص وعقب تضيفين نص كوب عدس مغسول وشوية كشمش وتضيفين الخضرة كوسا وجزر وبطاط وتخلين الخضرة تطبخ مع المرق ربع ساعة والحين تحطين خبز الصاج تقطعين كميه بسيطة وتخلطين الصاج المقطع مع المرق وتسكرين الجدر وتنطرين 3 دقائق تضيفين الكميه الثانية وهكذا الى ان تنتهي الكميه وديري بالج تضيفين الصاج كله مره وحده لانه راح يعجن ويصير كتله وحده وبس خلي الصاج مع المرق نص ساعة على نار هادئه وبالعافيه واذا تحبون البيديان اول قصصيه كبار بقشره وقليه بالزيت وضيفيه اخر عشر دقائق
