ابي صلصلة المشروم اللي يحطونها فوق الستيك

[looloo]

السلام عليكم
انا اختكم لولو شلونكم انا عضوة يديه بالهمنتدى واااايد امدحولي ايااه الله يعطيكم العافية بس بليييييييييييييز ممكن تساعدوني ابي صلصلة المشروم اللي يحطونها فوق الستيك اللي فيكم راحت لاند مارك واطلبت ستيك ابي نفسه ترا ريلي اكل قلبي
وشكرا واسفه على ازعاجكم

 

[leza_q8]

مشاركة: ابي صلصلة المشروم اللي يحطونها فوق الستيك

شوفي حبوبه لم تشوين الستيك بالمغلات وشيلينه راح يكون في المغلات بقايه اثار اللحم المشوي لا تغسلينها خليها وحطي فوق المغلات المشروع المقطع اكبار او اصغار على حسب شنو تحبين انا احبهم وسط علشان يبين طعمه في الصلصه وعلى الاستيك وقت الاكل وحركيه على نار هادئه لا تحطين زيت كلش لا كل ما شفتي نشف نثري غطرات بسيطه ماء وحمسي راح يصير المشروم بني فاتح او اشغر ويلقط بغايه شواء الستيك لم تحسينه ذبل واوكي حطي فوق الحمسه الكريمه الحمراء على حسب الرقبه يا ربع العلبه او اقل انا احط ربع العلبه لانها حلوه ولزيزه وبس خليها تطبخ شوي وتثخن وبعدين طفي عليها النار وحطي الستيك بصحن حلو مع الخضار السوتيه او البطاطا او العيش كيفج وبعدين صبي قليل من الصلصه على الستيك وخلي الباجي في وعاء الصلصه المخصوص وحطيه يم الصحن

وبس وعليكم بالف عافيه


ملاحظه : هذي الصلصه مرنه انا ساعات اذا ابيها خنينه احط عليها شوية روز ماري
او شويه من تتبيلة السلطه مالة كنور انا

وسلامتج يا عمري

 

[looloo]

مشاركة: ابي صلصلة المشروم اللي يحطونها فوق الستيك

مشكورره واااااااااايد انشالله اليوم اسويها وعطيكم النتايج باجر باذن الله

 

[^^دموع الكويت^^]

مشاركة: ابي صلصلة المشروم اللي يحطونها فوق الستيك

مشكورة ليزا على الطريقة

 

[ALONE]

مشاركة: ابي صلصلة المشروم اللي يحطونها فوق الستيك

مشكوره ليزا على الوصفه

 

[فلسطين حرة]

مشاركة: ابي صلصلة المشروم اللي يحطونها فوق الستيك

مشكورين

 

[looloo]

مشاركة: ابي صلصلة المشروم اللي يحطونها فوق الستيك

السلام عليكم
شلونكم
مشكووره وااايد على الوصفه سويتها بس ما اضبطت وياي ما ادري ليش ما احس انها نفس طعم اللي بالمطعم بس اهم شي انه اعجبته

 

[مطفوقه^ملقوفه]

مشاركة: ابي صلصلة المشروم اللي يحطونها فوق الستيك

تسلمين ليزا

 

[كي كي]

مشاركة: ابي صلصلة المشروم اللي يحطونها فوق الستيك

بسم الله الرحمن الرحيم
حبيبتي هذي اول مشاركه لي في المنتدى
وانا احب الصلصه هذي واااااااااااااااااااااايد
فقلت لازم اعلمج عليها ...
اول شي تيبين جدر صغير وتحطين فيه ملعقه كبيرة طحين
وتحمسينها لما يصير لونه بني فاتح
تحطين عليها المشروم المقطع حسب رغبتج وحمس
بعدين تيبين الكريما الحمرا وتحطين نص العلبه وعلى نار هاديه
تخلينها لما تصير ثقيله واذا تبين طعمها يصير حلو
حطي ملعقه كبير صويا صوص وطبعا شوي ملح
ولو حسيتي انه وايد ثقلت زيدي الكريما الحمرا وبالعافيه ياحبيبتي عليج
اختج كي كي ​