السلام عليكم
وايد اقرى مواضيع مليت او تعبت ابي اولد
ابي شي يفتح الرحم
ابي شي يولدني
انا مثلكم ام و حملت الحمدالله و لله الحمد عندي عيال و الحين حامل
و كنت بعد اقول مليت و تعبت بس من تجربتي و من كثر ما قريت حبيت انصحكم
بنات والله ثم والله ان مافي شي بهالكون يفتح الرحم غير الله سبحانه
في اشياء تساعد ان الرحم يتوسع اذا كان مفتوح بس ما تفتحه
و اللي يقولون الخروع و كف مريم و الدارسين و اليانسون و الزعفران و غيره و غيره
هالاشياء كلها توسع بس
و اذا اي بنت ولدت بعد ماشربت فلأنها كانت مفتوحه يمكن سانتي واحد
و اذا ما كنتي مفتوحه شنو راح يصير اذا شربتي....؟
انا اقولج .... راح يحمى الطلق و الرحم مسكر فراح تتعبين و راح يتعب البيبي معاج لان الطلق يخلي البيبي يدز نفسه و اذا الرحم مسكر مافي مكان يطلع منه
و ثقي و آمني بالله ان ماراح يطلع الا بوقته
عشان جذي بنات ادعوا طول فترة الحمل بالذريه الصالحه خَلقاً و خُلقاً
و ادعوا ان الله يسهل حملكم و ولادتكم
و عودوا لسانكم على الاستغفار
و سامحوني على القرقه
