ابي شي من زوجي بس كرامتي ماتسمحلي

[ام ابو شهاب]

السلام عليكم بنات شلونكم عساكم طيبين

انا رحت مع امي وابوي واختي المتزوجه لدبي ويابنات عندي بنتين وولد وستاذنت من زوجي اني اروح مع امي

ووافق على انه سبع تيام ونرد بس قعدت عشر تياموما دقيت عليه ورديت الكويت ولقيته مجهز لي محاضره طويله عريضه عن

الاهمال والتسيب بعدين بلعت السالفه وسكتت على اني غلطانه وماتكلمت وعدها اخذت مده وراضيته ورضا وعلى قولتهم طاح

الحطب وبعدين بعدين قلتله ودي نسافر للعمره حدي متولعه لشوفتها تخيلوا شقالي انتي وحده ماتستحين وانسي شيء اسمه سفر

وحمدي ربج ما طلقتج واذا فتحتي موضوع السفر ثاني مره ماتلومين الا نفسج؟؟؟؟؟؟

والحين قولولي اللي سويته يستاهل كل هذا والله لعلمكم لي 11 سنه متزوجته ما سفرني ولا مره

بس يوعد ولا ينفذ​

 

[( مي )]

ووافق على انه سبع تيام ونرد بس قعدت عشر تياموما دقيت عليه ورديت الكويت ولقيته مجهز لي محاضره طويله عريضه عن

الاهمال والتسيب

حبيبتي حطي نفسج مكانه
يقولج بيي ابهاليوم ،، وتطولين فوقهم يومين او اكثر بدون لا تبلغينه ولا تدقين عليه​

شيبيصير فيج ؟؟
بتنطرين
وتحاتين
وهم تحسين ان مالج قيمة ان ماكلف نفسه حتى يبلغج بتأخيره​

ترى انتي سويتي فيه نفس الشي ،، الواحد لو يتأخر عن موعد 10 دقايق يدق يعتذر
فما بالج متأخره عن زوجج برجعتج من السفر يومين او 3 بدون لا تبلغينه !! .. بس سؤال اهو ما دق سألج ليش تأخرتي ؟؟؟؟​

ما ينلام حزتها ..
بس حاليا يمكن خايف لا تكررين نفس الموقف​

واحد من ال 3
يا توعدينه وعد اكيد انج ترجعين مع أهلج بموعدج وتعطينه خبر بحالة تأخرج
او تكون السفرة معاه
او تسكتين على الموضوع ليما بروحه يطخ ويسمح لج فيها بوقت ثاني​

 

[انا لحبيبي .]

يمكن زوجك حزت بخاطره الشغله انه كان ماخد منك كلمه وانتي اخلفتي فيها ، يمكن كان عاملك مفجأه يوم ما ترجعي

والمصيبه انتي ما اتصلتي ولا حكيتي شي ولا بعتي وهاد اكبر غلط حبيبتي ، مابصير هالشي

بس كمان زوجك ما اله حق لانك رايحه مع اهلك وبما انك رحتي مع اهلك بدك ترجعي مع اهلك ، مش بايدك الموقف ترجعي لحالك

الله يعينك ، بس بالفعل هلأ ماتجيبي سيرة السفر ابدا لانه زوجك ماخد موقف ، الله يهدي بالك حبيبتي

 

[ناتشوو]

بصراحة يبيله وقت ينسى اللي سويتيه
اشلون ماتدقين عليه وانت مسافرة
وبعدين انت خربتي على نفسج
المفروض اول سفرة يسمح للج فيها تدقين كل شوي
وتبينين انج مشتاقة وتحرصين انج ماتتأخرين
بس الحين صعب يوافق
بصراحة ماالومه على ردة فعله

حاولي تقنعينه تعتمرين معاه حتى لو معاكم العيال
بالتوفيق

 

[Queenleo]

بصراحه الي سوويته حده قوووي
اي والله لو واحد ثاني جان طلقج
حمدي ربج ريلج شاريج
اوووووووف
قووووووووويه
شلووون تقعدين 3 ايام زياده ووحتى من غير ماتبلغينه او تدزين حتى مسج!!
لوو انتي مسافر وومطنش فيج 3 ايام زياده ماعتقد كلللش بتسكتين

 

[ام ابو شهاب]

وووووووويييييي
والله كلمته بالايميل ان اهلي يبون ياخذون ثلاث تيام زياده قالي خلاص اخذي راحتج بطريقة مصخره بس اللي حاره ان زوج اختي اخذ اجازه على طول وجا عندنا بس اهو واختي راحوا فندق ثاني وانا ماجبتله طاري عن زوج اختي
وكل دقيقه (قوليلي اهو قاعد وياكم انتي, لبستي عبايتج عنده ,لا يكون سولفتي معاه وضحكتي وياه )
مع انه والله العظيم اني بحياتي ماشاف وجههي ولا قعدة وياه

 

[ام ابو شهاب]

بنات والله متلهفه على مكه 

 

[ســتارز]

يحبج وما يقدر على بعدج بس مو رومانسي وهذي مشكلة بعض الازواج

الله يهنيكم

 

[زينبو]

قنعيه ان وياه بتروحين قوليله ماراح اسافر بدونك بعد ان شاءالله يرضى وتتهنون بالعمرة

 

[iLLuMinaTion]

الله يصلحكم

 

[اوراق التوت]

حبيبتي حطي نفسج مكانه
يقولج بيي ابهاليوم ،، وتطولين فوقهم يومين او اكثر بدون لا تبلغينه ولا تدقين عليه​

شيبيصير فيج ؟؟
بتنطرين
وتحاتين
وهم تحسين ان مالج قيمة ان ماكلف نفسه حتى يبلغج بتأخيره​

ترى انتي سويتي فيه نفس الشي ،، الواحد لو يتأخر عن موعد 10 دقايق يدق يعتذر
فما بالج متأخره عن زوجج برجعتج من السفر يومين او 3 بدون لا تبلغينه !! .. بس سؤال اهو ما دق سألج ليش تأخرتي ؟؟؟؟​

ما ينلام حزتها ..
بس حاليا يمكن خايف لا تكررين نفس الموقف​

واحد من ال 3
يا توعدينه وعد اكيد انج ترجعين مع أهلج بموعدج وتعطينه خبر بحالة تأخرج
او تكون السفرة معاه
او تسكتين على الموضوع ليما بروحه يطخ ويسمح لج فيها بوقت ثاني​

كلامها عدل مية بالمية واضيف على هذا انتي استعجلتي على طلبك بخصوص العمرة نطري ليما تهداء الاوضاع وبعدها كلميه او حاول تلمحي له بموضوع عمرتكم
ربي يصلح احوالكم واحوال المسلمين

 

[قلبي سلومي]

الله يهدي النفوس

 

[قلبي عبدالله]

من كلامك يبين ان قلبه ماكلته الغيره عليكي من زوج اختك

تحملي وسايريه وبعد عملتك السودا لو اني منك مااجيب طاري السفر سنه كود ينسى اللي سويته

 

[أتراب]

انتي غلطتي وما مداه ينسى
فتحتي موضوع العمره
انظري شوي على الاقل
خلي حرته تبرد
والصراحه ماينلام
​

 

[~بنت مطير~]

انتي غلطااانه ليه ماادقيتي عليه وقلتي بنطول شوووي
بعدين اهو رضاا خلاص ليه يقوولك هل كلاام وانتي قلتي يووعد ومااينفذ يمكن لقااها حجه عشاان ماايسفرك

 

[PuPa^^SWeeT]

ليش مستغربة

توها السالفة يمكن ليلحيين مشعللة بقلبه

خليه اهوو يودييج
لوووووووووووووووووووووووول

تااب منج

 

[shams2008]

نطري عليه يبيله وقت عشان ينسي

 

[حبيبه بدر]

حبيبتي حطي نفسج مكانه
يقولج بيي ابهاليوم ،، وتطولين فوقهم يومين او اكثر بدون لا تبلغينه ولا تدقين عليه


شيبيصير فيج ؟؟
بتنطرين
وتحاتين
وهم تحسين ان مالج قيمة ان ماكلف نفسه حتى يبلغج بتأخيره


ترى انتي سويتي فيه نفس الشي ،، الواحد لو يتأخر عن موعد 10 دقايق يدق يعتذر
فما بالج متأخره عن زوجج برجعتج من السفر يومين او 3 بدون لا تبلغينه !! .. بس سؤال اهو ما دق سألج ليش تأخرتي ؟؟؟؟


ما ينلام حزتها ..
بس حاليا يمكن خايف لا تكررين نفس الموقف


واحد من ال 3
يا توعدينه وعد اكيد انج ترجعين مع أهلج بموعدج وتعطينه خبر بحالة تأخرج
او تكون السفرة معاه
او تسكتين على الموضوع ليما بروحه يطخ ويسمح لج فيها بوقت ثاني​

 

[ايمان_مشرف]

معقد ..ولا يرحم ولا يخلي رحمت الله تنزل

 

[اشتياق]

ليش مادقيتي عليه؟
ريلي راح دبي يومين والثالث رد مادق علي يقول بسم الله توني مسافر
الحين صارلي 20 سنه اعايره لووووووووووووول
يعني صج حطي نفسج بمكانه قاعد وينطر اتصال حطيتيه بموقف مو حلو ..
نطري يهدا وسكتي عنه لانه شايش الحين