ابي شي مضمون يفتح الرحم لان تعبت والنفسية زفت

[aya faid]

بنات بالله عليكن

خلصت نص التاسع الرحم مسكككككر

البيبي وزنها زااايد


تعبت تعبت تعبت ثقل حارج انتفاخ بريولي عظامي وعضلاتي يعورني

اكتب لكم وانا ابجي ابي شي مضمون يفتح الرحم لا تبخلون علي ترا والله تعبببببببت

 

[بـ سـ كـ وتـ ة]

المشي على رمل البحر وايد زين

أكل الرطب والتمر والعسل والشوفان يفيدج بعد

وطبعا لا تنسين سورة مريم

والله يقومكم انتي ةالبنوتة بالسلامة ان شالله

 

[بـ سـ كـ وتـ ة]

اي ونسيت أقولج الزعفران هم زين

حطي شوية زعفران بكوب ماي دافي وشربيه

 

[تبطي عظم!]

الله يسهل عليج ايوون

ويرزقج الولاده الطبيعيه السهله ياارب مايكمل هالاسبوع الا انتي والده ~

 

[GOLDEN_FISH]

انا معاج نفس الحاله ثقل وايدي اليسار من الثامن منمله مااحس في اصابعي ونومتي مو مريحه وغير عوار الظهر الله يأجرنا مابقا خروع مابقا زعفران ودارسين ماشربت الشكوة لله والحمد لله علي كل حال

 

[سوسن1980]

الله يسهل عليك

 

[فنر الايمان]

السلام عليكم
يابنات ديرو بالكم اتسوون شي من كيفكم
لاتشربين لادارسين ولا خروع هذول الطامه الكبرا اذا مافيج طلق لاتشربينهم صدقيني من واقع تجربتي ومن كلام اكثر من دكتور
لانه مايسي تشربين هلاشياء وانتي مايالج طلق لانها تحميلج الطلق والطلق اذا حمى ينفتح الرحم بسرعه مذهله
بس اذا شربتي هسوالف الرحم عندج راع يصيرلك انفجار بماي البيبي
وهذا اللي صارلي وبسبته عملية قيصريه والعياذ بالله
نصيحه انتي صبرتي 9 اشهر اتضيعين صبرج علشان ماتقدرين تتحملين اسبوع ولا اثنين خافي ربج بعمرج وبلي بطنج
واعرفي انه اذا الله ارادلج الولاده تتاخر هذا له حكمه وانتي مالج الا الصبر وتبعي حديث سيدنا محمد عليه الصلات والسلام لمه وصى بالتمر والحلبه
وانا الحمد لله بس ادش شعري كل يوم اكل تمر بشكل مستمر وبكثره والحمد لله يجيني طلق قوي واولد بسرعه بعيالي الثانيين الحمدالله
غيرنا يدور الضنى وحنى نلعب بعمارنا ولا فينا صبر
ياخواتي عليكم بالتمر والصبر والدعاء والله يسهل عليكم

 

[دودي كيوت]

ياقلبي انتي :eh_s(2):
الله يقومك بالسلامه ويطمنك عالبيبي يارب
بس وشلون تبين الرحم ينفتح وماكو طلق :eh_s(4):
حبيبتي انا بحملي الثاني كنت ابي اولد بأي طريقه وكنت كل يوم ناطه للمستشفى اقول قربت اولد او لا
ومابقي لادارسين ولازنجبيل ولاشي ماشربته وبالاخير حسيت الم اسفل بطني ورحت المستشفى قالت الدكتوره لازم تولدين الحين او بيصير شي للبيبي لاسمح الله واعطتني طلق صناعي :eh_s(2):
احس اني ببكي الحين لما تذكرت الم الطلق الصناعي
دخلت 7 العشاء وجات الساعه 6 ونص الفجر وانا لسه طلق وبدون ولاده وبالاخير ضعفت نبضات قلبي انا والبيبي ونقلونا غرفة العمليات ومن يومها كل ولاداتي عمليات :eh_s(2): وانا السبب
كلي تمر وبس وادعي ربي
واللي خلاك تصبرين كل هالاشهر راح يصبرك هالكم يوم والله يقومك بالسلامه ويرزق البيبي السليم المعافى

 

[*ريما*]

ان شاء الله تولدين بالسلامة من غير شي

 

[أم عبودي الكتكو]

التساهيل من الله بس لاتفكرين واجد

 

[كلاسيكال]

ايا نفس الحالة ،، وما احس باي اعراض الولادة عسى ربي يسهل علينا ويهوون ، تعب وثقل ، وريولي منتفخه ، وما اقدر انام // الله يآجرنآ

 

[دلوعت مودها]

الله يسهل عليج وكل الحوامل اللي معاج عليج بالمشي والجماااااع ترى يفتح الرحم
وكثري استغفار ودعاء ....

 

[shoshowoo]

ولله حاسه فيج انا من اول مادشيت شهري لي هالدقيقه وانا معاي طلق بس الرحم مسكر لا سانتي ولا نص سانتي يعني ماكو تعبت سولي تخطيط ومعاي طلق بس الرحم مو راضي يفتح مشيت عالرمل وجماع وشوبت حليب بالزعفران وللحين طلق ورحم مسكر عاد باجر موعدي الله يستر ان شالله اولد ونولد كلنا بالسلامه
الله يسهل علينا ان شالله

 

[متيمه بهواه]

شوفي حبوبه
خذيها نصيحه مني متى ما ربي أراد له اليوم يطلع صدقيني بيطلع لو شووا مايكون
مابيتاخر دقيقه

خلي الدكتوره تسوي لج تحريض اوكي
وعلى طول روحي امشي على حواف موية البحر صدقيني ثاني يوم بتولدين وهذذا ماصار معي
كانت بتدخلني طلق صناعي اجباري بعد يومين يوم كشفت لقت مفتوح 1 الى واحد ونصف
بس انا طلعت على مسئوليتي

والحمد لله ربي سهلها

والله يتمم لج على خير
وتفرحين بشوفتها بين يديك سليمه معافاه يااارب

تحملي وانسي أنج بتولدين اليوم ولا باجر
اغفلي عن نفسك
والله يسهل عليك

 

[aya faid]

مشكورة بناات ماتقصرون


انا يوميا امشي عالرمل وماي البحر واحوس بالمجمعات


اهلك عمري بالمشي ولا في اي فايدة


شربت زعتر يقولون يفتح الرحم ماسوالي شي


شربت يانسون من اول التاسع


شربت حلبه


كليت رطب شكثر وكانت الصدمة ان وزن بنتي زاد كيلو باسبوعين


والدكتور قاللي وزنها كبير واحتمال قيصريه



بحاول انسا الولادة


بس ابي منكم دعوة بظهر الغيب عسا الله يستجيب من وحدة فيكم


ادعولي بالسهاله والله يهونها علي واولد طبيعي


مشكورين

 

[يمكـ درووبي ..]

^
يمكن زاد من الحلبه
الله يهوووون عليك ويخلي ولادتك سهالااات

 

[anwaroo]

نفس حاالتي بالضبط وزن البيبي قاعد يزيد وانا وايد خايفه
بس تعبت تعبت من التفكير والخوف كل يوم بجي ومحاتات
الله يهون علينا ياربي ياحبيبي وقومنه بالسلامه يارب ونولد طبيعي

 

[aya faid]

آآآآآآمين يارب


الله يسمع منج

 

[فاقده ابوهاااا]

آآآآيه

لا تخليني ابجي معاج تراني على طريف وزهقانه وتعبانه وحاسه خلاص مافيني استحمل بعد انا استوووووووووووووووويت عالآخر

 

[cute_batoota]

الله يسهل عليكم يااارب ويقومكم بالسلامة اللهم آمييييين