ابي شي غريب

[moonflower]

السلام عليكم بنات شلونكم؟؟
هالسنه اول سنه قرقيعان حق ولدي فأبي شي غريب ويديد ومبتكر وفنتق (شدعوه كل هالاشياء )
فبلييييييييز بنات اللي اعرف وحده تسوي هالسوالف تقوللي عنها ضروري لأن الصراحة موباقي شي على شهر رمضان وانا ابي اضمن عشان مااتوهق

وشكراً:hjy5jewf:

 

[ديناا كوليكشن]

عسى الله يعيده علينا بالصحة والعافية

توالناس على القرقيعان وان شاء الله راح يكون معرض القادسية فيه القرقيعان

اشكال والوان

 

[moonflower]

متى معرض القادسية؟

 

[عاشقة_الجمال]

انا قرقيعان عيالي احب اسووي بيدي

 

[moonflower]

انا فكرت بشي اسوي بيدي بس قلت يمكن الاقي شي احلى وفنتق اكثر

 

[ذهبيه من ذهب]

اذا لقيتي فنتق قوليلي تراني مثل حالتج واحب اسويه بيدي انزين عطينا افكار خل ناخذ افكار بعض يعني انا مابي شي مكرر

مثلا عندج تركيب الفلين اللي على بو احرف انجليزيه وارقام تركبينه بشكل مربع وتحطين داخله الحلاو وتصمغينه لمن يصير مكعب

مثلا قلاصات زجاج يكون داخلها الحلاو وتلفين على عود القلاص شرايط وفيونكات وتزينين القلاص من بره

مثلا جناط من الجوخ

مثلا تشترين علب مربعه من اي محل تكون فاضيه خشب موجودين في بياع الورد اوكي وتغلفينهم بخام مخمل راقي يعني اختاري الوان اححمر فوشي اخضر سماوي كل الالوان اوكي وغلفيهم بصمغ ومن فوق تفنني بالتزيين تقدرين تحطين ورد فوق وكريستال او اي شي ثاني

وشوفي تقدرين تعلقين مع العلبه فنرات ليتات صغار على شكل فنر ينباعون بو اميه الوان ليتاتهم وناسه

ومثلا عندج تاخذين فوانيس شفافه عاديه وترسيهم من داخل قش الوان مشكله وحلاو ومن بره لفي عليه شرايط مشكله مع بعض بربطه وحده


وشنو بعد عطيني افكار واساعدج خيالي واسع لووووووووول

 

[ام ورود مول]

نطري شوي قريب رمضان والبنات هني مارح يقصرون بالافكار الحلوة

 

[ذهبيه من ذهب]

ياتني فكره حطي باربي هديه حتا لو من بو نص دينار حق البنات ترا يستانسون وحطي مثلا سيارت صغار هذيل اللي ايون مجموعه بكرتون بودينار ونص مادري قاعده افكر لج

 

[امووووما]

عندي وااااااااااااايد افكار بحكم اني اشتغل وابيع حق القرقيعان

عندي لج فكره الرقي روحي عند الايرانيين يبيعون حصالات على رقي اخذي الحصاله وحطي داخلها القرقيعان والكل حصاله حطيها في فلين مال جبره واذا عندكم حفلة قرقيعان روحي عند نجار وخل يسويلج استاند خشب بحيث انج تعرضين السحاحيير عليه جنه بالجبره وزينيها بصوره وليتات وشغلات من ابداعج وكل عايله تاخذ رقيه وطبعا تبين شغله اتميز ولدج اخذي عربانه الستيل الي بالبيت يشيلون فيها اغراض وزينيها له مثل السيم مال الاستاند وكل عايله عطيها قرقيعانها وبالعربانه وانتي ادزين وولدج واذا حابه افكار ثانيه او انج تاخذين من شغلنا انشاءالله ابلغج اول ما انخلص من تصاميمنا

 

[moonflower]

شكرا بنات على تفاعلكم معاي
انا فكرت بالجناط الجوخ وعجبتني الفكرة بس ماعندي احد يسويلي
واي وحده فيكم تسوي شي فنتق حق القرقيعان تبلغني بليز حتى لو على الخاص
ذهبيه من ذهب وامووووما شكراً على الأفكار الحلوة

 

[AFRoDiT]

حلوه فكرة الرقي
جناط الجوخ مو يديد , وايد شفته رمضان الي طاف

انا يتني فكرة دبدوب لابسه لبس شعبي كويتي
تحشين بطنه قرقيعان , أو تثبتين بين ايده سله أو بوكس مغلف .. امممممممم جنها فكرتي هم مو يديد!! مادري شرايكم؟

 

[moonflower]

فكره معقولة