ابي شئ يقي على ريحة الثوم بالشعر :(

[HaWeK]

صباحكم ورد وجوري

بنات ولي يسلمكم ابي شئ يوخر ريحت الثوم بالشعر .. انا امس حطيت ثوم بشعري وشطفته وغسلته بكل الشامبوهات اللي عندي ولا راحت الريحه ياربي الريحه قااااتله
الحين لافه الفوطه بشعري وهم الريحه طالعه .. لاتقولين لي حطي قهوه والريحه تطير ! ماكو جربت والريحه خفت شووووووووي حيل

ولي يسلمكم ساعدوني مو عارفه اقرب صوب ريلي لا اتفشل ويعلق علي لانه صج احس فوق راسي جدر ثوم ساعدووووني ​

 

[HaWeK]

اب

 

[حقـوق]

نسكافيه اخلطيه مع حمام زيت اي نوع ويفضل بالكاكاو وحطيه على شعرج
مده نص ساعه واغسليه وشوفي النتيجه

 

[Princess.Lollit]

الماي اللي تخففين فيه الشامبو حطي عليه قفشتين نسكافيه صغار

ولما تحطينه على شعرج خليه ينقع في شعرج شوي .. كرريه مرتين ولا تخافين .. أنا هاذي طريقتي واستخدم شامبو جونسون..

وبعدين حطي البلسم اللي تستخدمينه بس على الأطراف لا تجربين من الفروة.. عقب ما تخلصين عليج بالمخمرية والبخور

 

[ملوك الظفير]

الليمون يقلعه من مكانه

 

[ملح الدنيآ.]

حبيبتي مره ثانيه اذا بتستخدمين الثوم على شعرج قصي الثومه بالنص وقضضيها ونقعيها بزيت الشعر يومين ,, قبل لاتحطين الزيت مسكي الثوم وفركي فيه شعرج وبعدها حطي الزيت بشعرج عادي لمده ساعتين ​

 

[خفايا البحر]

استخدمى المحلب يطير الريحه بس موحيل شوي ويخففها وخليه علي شعرج

 

[ام عزيزان]

صج ريحة الثوم قاتله

اهم شي تنشفين شعرج عدل عدل ومايكون رطب عشان لا تبين الريحه

وجربي القهوه وحلوه طرق البنات مع حمام الزيت او بالشامبو وانا اليوم بجرب القهوه لاني حاطه ثووووووووم

والغرفه كلها ثوم

والحمام كله ثوم ههههههههههههههه الله يعين بس انا اشوه ريلي مسافر هاليومين

 

[سمو الغلآ]

سمعت

قفشه جلي فراوله <<فراوله
تحطينها بماي وشامبو تطيير الريحه بس ماجربتها للامانه..,

 

[انا لحبيبي .]

البنات ماقصرو

 

[HaWeK]

مشكورين كل اللي رود
مره ثانيه جربت نسكافيه مع الشامبو خلطتهم هم ماكو فايده وجربت الليمون مثل ما قالت الاخت
وسويت سيرش بالنت وقالو منقوع البقدونس المغلي مع الليمون وجربته هم ماكو فايده
وقالو السدر ومساع حطيته وتركته فتره وغسلته ولريحه ليلحين موجوده بس خفت بشوي
بروح اجرب اللي قالته قفشه مربى
ياربي غسلت شعري فوق ال5 مرات

ام عزيزان قوليلي شنو بتسوين

 

[HaWeK]

رحت غسلت شعري بنسكافيه بس استخدمت شامبو الصبار والنعناع هم ماكو فايده
ان شاءلله بليل بجرب قفشه المربى

ام عزيزان ناطرتج

 

[همس الهموسات]

ماعندي فكره ان شالله ترح حطي خمريييه

 

[بنت النوخذا]

مااااااااااااااالج الا دهن دابر

امــــــــــــــــــــــــــلا​

ههههههههههههههه​

ريحته توصل الي اخر الشارع
مره حطيته و دخت و نمت من ريحته ههههههههههههههههههه​

 

[كيفي كيوت]

ياشين ريحه الثوم

بنات لاتستخدمون الثوم كذا وهو فريش

ريححته تثبت بالشعر وييييييييييييييييييييييييع
احسن شي انج تطبخينه بالماي وتخلطينه مع حنه ولا سدر وبعده شامبو وابد ماااكو ريحه


اتذكر يوم قالولي فركي جلده راسج بالثوم وينبت لج شعر وارووووح طيران احطه


والله لايوريكم الريحه شنيعه وعيت لاتقوم مده اسبوووووووووووووع الله وكيلج




نصيحه لج لاتخربطين بالشامبوات وهالخرابيط لايطيح شعرج وتصير النتيجه عكسيه

مالج الا البخور والعود بعد كل سبحه
ومع الايام بتطير الريحه


بس لاتطلعين بالحر تفوح الريحه ترى

<<<اسألي مجرب




الله يعينج

 

[HaWeK]

اسالني عن الحر والثوم الاجرام بعينه
المشكله يا حبايبي مشكلت شعري ما يبيلها الا الثوم وقالو لي لا تخلطينه مع اي شئ علشان تشوفين نتيجه بسرعه
وانا وراي مناسبات وعروس بعد جم شهر عرفتو

 

[ام عزيزان]

وحتى انا باديه كورسات ثوم مره ثوم وبقدونس ومره ثوم وجرجير واول مره ثوم صافي ههههههههههههههههههه

اليوم جربت النسكافيه بس خفت الريحه

مالج الا تجربين حنة البخووووور

تلقينها عند الحواي

في علي بخور وحنة الزعفران

والحنه هي الوحيده يمكن اللي توخر ريحة الثوم

ولا اطولين فيها حدج ساعتيييييين

 

[mrs.abk]

حبوبة النسكافيه بس موب حمام زيت لااا


سكري المغسلة واترسيها ماي وحطي فيها نص كوب نسكافيه بودر ..

ذوبي النسكافيه وونزلي شعرج فيه واشطفي شعرج بالماي والنسكافيه كمن مرة ورا بعض


بعدين بخبرج من تجربة

ترا على الغسيل الريحة تروح من شعرج .. بس ما تروح من خشمج

بمعنى إنتي بس اللي تشمينها محد يشمها غيرج .. خاصة لو شعرج مبلل تشمينها

باتخذ وقت وبتروح