ابي سنعه تعلمني شلون ارد على

[حصيصه ام قصيصه]

السلام عليكم بنات كثير منا وخاصه الحياويات عند الزيارات العائليه وتقابلين حريم كبار تنحرجين بانك ماتعرفين اردين عليهم مثلا اذا قالت لك انتي غاليه وأهلك غاليين شنو اتردين عليها وهكذا ابي منكم تكتبون الجمله اللي سمعتيها والرد عليها علشان نستفيد كلنا

 

[كـلئ حلآآآ]

هلا اختي حصيصه والله استغربت منج صراااحه وبدون زعل
اذا مره كبيره قالتلج انتي غاليه وبنت غالين الرد سهل وحتي الصغير يعرف اقل مافيها تقولين الله يسلمج
او تقولين اذا قالت هلا بالغاليه بنت الغالين تقولين هلا فيج يالغاليه او مجرد بس الرد هلا

ترا انتي الله يهداج مكبره الموضوع حييييييييل
اتمني اني فدتج
​

 

[لعنبؤؤكـ مغلآكـ]

ههههه خلي عندج رد واحد ( تسلمين ماعليج زود)


​

 

[فالقه أسد]

شوفي اذا احد قال انتي غالية واهلج غالين
قولي غصب عنج مو من طيبج
ههههههههههههههههههههه

 

[معشوقتي امي]

سهله اذا احد قالج يالغاليه او اهلج غاليين ردي عليها الله يعز غالييج تسلمين ياحياتي بس خليج سريعه بالرد .........انا من خلال عشرتي بالبدو بصراحه تعلمت منهم اشياء وايد خاصه الترحيب شي موطبيعي عندهم مونفس الحضر وتري انا منهم ههههههههههاي بس كلمه الحق تنقال من ناحيه التوجيب يوجبون من ناحيه السؤال يسئلون والكرم خو حدث ولاحرج اتمني فدتج عمررررررررررررررري

 

[M N O R]

مجرد كلمات أساسية :

تسلمين
الله يسلمج
ماعليج زود
ماتقصرين
هلابج

^

هذيل أساسيات يكفون لكل شي

 

[حصيصه ام قصيصه]

اشكر ردكم وعساكم على القوه بس انا قصدي كلام وايد مو بس هالكلمتين ومعشوقتي امي يارب يخلي لك اميمتك ويطول عمرها ويوفقك بدنياك يوم ردي بسنع وبادعيلك بتالي الليل الله يوفقك

 

[حصيصه ام قصيصه]

زين مثلا قالت والله يكبرقدرك شنو ارد

 

[النرجَسيهہَ]

^^ بسيطه يآعمري

قوليلها وقــدرك هذآ من ذوقــك ..

او قولي لهــآ الله يسلمك كلك ذووق

او قولي لهـآا ماتقصرين هذآ من طيب اصلك ..

 

[رآآحٺ آيآمڪْـ]

البنات كفن وفن