ابي سكن وانتظر رد بنات السعوديه..عاجلا وليس اجلا...........

[عجائب الدنيا]

:68_asmilies-com:بنات بسرعه ردوا علي باجر انا مسافره للتجهيز في الدمام والخبر وابي سكن قريب من السوق وبشرط تكون شقق فندقيه رخيصه

 

[ام خالد 78]

الشقق اللي يم الراشد حبوبه اذا لقيتيهم فاضين

 

[sKyLiTeGirL]

تبين بالخبر ولا الدمام حبوبه ماحددتي؟

وهل الوقت معظم الشقق الفندقيه فل عشان العطله!!!!

وتروحين وتردين بالسلامه

 

[بنت الرياض]

فيه سويتات حلوه ونضيفه اسمها مدهال قريبه من كل شي

 

[وردة نقية]

السلام عليكم
انا كله اسكن في شقق رياض الصالحين قريبة حيل مجابل الراشد وناخذها اليومية ب200 ريال

 

[غرشة عطر]

لاتطووووووووووووووووووووووووووووفج شقق منامي مقابل كورنيش الخبر الليله ب400 رياااال تونا جينااا رررررهيبه فيها غرفتين و3حمامات طبعا غرفة النوم الرئيسيه فيها حمام وغرفة اعيالي فيها حمام والصاله الرئيسيه فيها حمام والمطبخ اشكبرررررررره 6 امتار اذا موشوي والله ان زوجي سال اللي بالريسيبشن وقاله جم متر شقتكم قال 250 متررر رررروعه ونظافه وفيها ديرفه للجهااال ولما جينا لقيناها فل سكنا اول باللي يمها بشقق المياسه بس صغيره حيل وحكره والصبح فضت منامي وشلنا قشنا يمهااااا


مقابل الكورنيش ورانا مطعم ماضيناا شعبي وكبسات وجلسه ارضيه روعه لايطوفج ورانا هم مقهي روح الشرق اكل لبناني كباين ورانا هم سوق السويكت وجدامنا فؤاد سنتر ودكتور كيف وكودو اللي عالبحر ويمنا هم اسواق التميمي

واي شي انا حاضره