ابي رفيجات :(

[ياسمينه الجميله]

السلام عليكم ورحمة الله
شلونكم شخباركم
انا بقولكم مشكلتي :eh_s(2): يمكن عند البعض تافهه او مومهمه او اصلا مو مشكلة بس بالنسبة لي
مشكلة لان ماثره على نفسيتي ومتعبتني
بنات انا عندي رفيجات بس يمكن زميلات بس بالجامعه حدنا وهالشي مضايقني ابي رفجات يطلعون معاي ونروح ونرد ونستانس وهم ابي رفيجات يصيرون مثل خواتي نفضفض حق بعض وننصح بعض
انا المشكله انا قبل كان عندي بنات خالاتي ونطلع بس صارت مشاكل وماقمنا نروح ونطلع
فحسيت في تغير كبير بحياتي وفراغ وملل ابي بنات بسني وعمري او من جيلي على الاقل
انا حاولت اتاقلم بس ماقدرت يمكن صارلي 3 سنين جذي طقت جبدي احس اني وحيده مو مثل هالبنات اللي يروحون ويوون حتى عندي سياره بس ماعرف السوق عدل لان ماطلع وايد بس جامعه وجمعيه هذا حدي :eh_s(2): وعلى فكره انا عمري 19

وشكرا لكم

 

[زوجة عزيز]

up up up

 

[سكوتي بذوقي]

وعليكم السلام ورحمة الله وبركاته

هلا اختي الغاليه بزمنا هذا مافيه صداقه هاذي الصراحه كلهم مصالح

إذا عندك خوات فهم صديقاتك

امك الله يخليها لك هي صديقتك بعد فضفضي لها

قولي لها كل اللي بقلبك

اطلعي استانسي معاها غيري جو

موفقه يارب

 

[ياسمينه الجميله]

سكوتي
لا ماعندي
والام غير عن الرفيجه ماينفع صدقيني

 

[NEW WOMEN]

ربي اغفر وارحم شقوتاً بلغت مداها
ربي يعوضج خير

 

[سحـورة]

خلنا نكون ربايع بس أنا من الإمارت p:
ربي يوفقج و تلقين ربايع يخافون عليج و يحبونج و يسألون عنج

 

[cherry kisses]

زمن وصخ
الرفيجات مو مثل قبل واغلبهم مصلحه
لا تتحسفين على شي
وخليها على الله

 

[ياسمينه الجميله]

شحوره اشرف فيج والله تسلمين.
جيري لا والله في الدنيا بخير وتسلمين

 

[Aloolah]

امبي انتي نفس حالتي بس يمكن انا على الاسوء لاني انصدمت صدمه قويه لي درجه تآثرت فيها حيييل مع ان سخصيتي الحمدالله قويه بس الله كريم

انا اتشرف اتعرف علييج بس انا اصغر منج عاااادي ؟

 

[ms.dlo3a]

حياتي والله الله يعينج

واذا تبين تصيرين رفيجتي مايردج الا الككيبورد دزيلي ايميلج بالخاص :**​

 

[كنوشة 2009]

الزمن هذا يخوف مو اي وحدة تستحق الصداقة
ولازم تحرصين على تكوين الصداقات

 

[بنت عطا]

انا عندي رفيجات بس مانطلع مع بعض زوجي مايرضا كلش اواعدهم بمكان ممكن بس اركب معاهم لا مايرضا

والا ودي اطلع واروح مع رفيجاتي

 

[أحلا البشر]

انا نفسج اتمنى يكون عندي صديقة، خاصة عيد والناس مستانسه، وانا حده ضايق خلقي ماعندي صديقات وخواتي استغفرالله مومال طلعه ولا وناسه، واعرف بنت بس المشكلة طبايعها وايد جريئة وصوت عالي مااحب البنت الي جذي، وانا اكبر منج بوايد لو بعمرج تشرفت اكون صديقتج، وارحب باي بنت حابة نكون صديقات، نجرب حضنا ههههههههه زمن اغبر

 

[ياسمينه الجميله]

امبي انتي نفس حالتي بس يمكن انا على الاسوء لاني انصدمت صدمه قويه لي درجه تآثرت فيها حيييل مع ان سخصيتي الحمدالله قويه بس الله كريم

انا اتشرف اتعرف علييج بس انا اصغر منج عاااادي ؟

أي إكيد عادي. اشرف فيج والله

 

[ياسمينه الجميله]

حياتي والله الله يعينج

واذا تبين تصيرين رفيجتي مايردج الا الككيبورد دزيلي ايميلج بالخاص :**​

أهلين مشاركاتي شويه مأقدر إدز.

 

[{ شيوخهـ ~]

بنآت لآ تحبطون آلبنيه ششدعوه ترآ آلدنيآ ليلحين بخير..
حبيبتي لآزم تحآولين تكونين آجتمآعيه على كثر مآتقدرين وخلج ميآنه وكوول وعآدي وكل شي easy عندج وبشوشه ودآيمآ ضحكي وتغشمري لكن مو عن تصنع لا، حآولي تخلين هذي شخصيتج وصدقيني بتلقين رفيجآت يهبلون ويحبونج لمآ تملين وتلوع جبدج وتيين آلمنتدى وتدشين هآلقسم وتحطين موضوع بعنوآن "مليت من آلرفيجآت"، لووووول..
وآلله يوفقج يآ قلبي ويسسآعدج بمشكلتج هذي..

 

[ياسمينه الجميله]

اللله يعينج والله​

انا نفسج اتمنى يكون عندي صديقة، خاصة عيد والناس مستانسه، وانا حده ضايق خلقي ماعندي صديقات وخواتي استغفرالله مومال طلعه ولا وناسه، واعرف بنت بس المشكلة طبايعها وايد جريئة وصوت عالي مااحب البنت الي جذي، وانا اكبر منج بوايد لو بعمرج تشرفت اكون صديقتج، وارحب باي بنت حابة نكون صديقات، نجرب حضنا ههههههههه زمن اغبر

الله يعينج أي والله واتسرف فيج عادي وتسلمين

 

[دلوعه ززوجي]

هلا والله انتي نفس حالتي أنا مو حيل مع بنات خالتي بس رفيجاتي يمكن خمس بس نتجمع بالمناسبات وبعد تزوجنا وكل وحده عندها كليه وماقعدنا نشوف بعض كثيز

 

[آخر العنـقود]

اتشرف اكون صديقتج الصدوقه:eh_s(7):
بس انا اصغر منج
عالعموم ترا كل الناس يمرون بفتره جذي بعدين اتعدي صدقيني وبصيرون عندج
صديقات روح بالروح وقولي آخر العنقود ماقالت
تقبلي مروري:eh_s(8):

 

[برنسيسة طيبة]

صباحكم ورد
كيفكم؟؟

سبحان الله يا ياسمينة الجميلة
ألحين فتحت المنتدى وأنا ضايق صدري

تصدقي حتى النت مشغلته بشريحة جوالي

لأن ما عندي صديقات على قولتك زميلات مدرسة فقط

رغم إني معلمة والزميلات كثيرات

لكن مالقيت الصديقة الصدوقة اللي أفضفض لها!!!

يعني حقيقي أعيش نفس المشكلة

بصراحة ودي تكون لي صديقة لو مو من نفس البلد

المهم صديقة أسولف معها بالجوال ساعة أثنين ثلات

تقبلي مروري