ابي رضاها وراحتي 00000شلون؟؟؟

[كويتksa]

ابي حل
انا مااحب البربرة0000
بكل بساطة ام زوجي ماتحبني لانها تحب ولدها حيييييييل
من اول ماتزوجت ماتتكلم معي ملاتعطيني وجه حاولت بكل الطرق اتقرب لها بس ماكو فايدة تقربت لها بالهدايا والطبخ والطاعة العميا بس ماجابت نتيجة ابد
زوجي يحبها لدرجة خرافية وانا ماالومه لانها امه تعبت عليه هو اخوانه وهم ايتام وترملت وهي صغيره بس دايم تحسسهم انه متفضله عليهم انها قعدت بدون زوج مع انه ترملت وعندها7عيال
انا مابي الا شي واحد ابيها ماتدخل بحياتي
يانااااااااس ماتخليني اطلع لو السوق او ازور قرايبي واذا شكيت لزوجي يقول كيف امي بس مايصير متدخلة بادق تفاصيل حياتي
واذا اطلعت السوق لازم اقعد احرس لها البيت عشان مايجي حرامي
ياناس حرام اطلع يوم بدون استأذان
مشغل البيت كله ع راسي وراضية واكتة عشان زوجي ولاني اعتبر طاعتي لها بر ومايضيع شي عند الله
بس تعبت صلرلي ثلاث سنين متزوجة مااقدر اطلع مع زوجي بروحنا لانها تزعل عليه
كل طلعاتنا بالخش يعني اودي بنتي الطبيب ونمر مطعم ونقول الطبيب زحمة
يعاملني برسمية حيل قدام اهله عشان ماتحس انه يحبني تخيلوا:
والله يجيب لي هدايا بالخش ويخليهم بدبة السيارة لما اصعد معاه يحطهم بجنطتي بسرعة عشان محد يشوفه
ولما نقعد بالغرفة نسولف تعصب تقول ماتشبع منها مع اني مااشوفه دايم مقابلها عشان ماتزعل





ابي حل
ابي ارتاح واريح زوجي واريحها
وشيلوا سالفة اطلع ببيت لاتها مستحيييييييييييييييييييييييييلة

 

[الغاليه نونو]

ياعل كل اللي تسوينه بميزان حسناتج ياقلبي انا حاسه فيج والله وادري ان هالشي غاثج بس شتسوين هذى امه وريلج بار باميمته وهالشي المفروض يخليج تطيرين من الوناسه لان اللي مافيه خير باهله ماافيه خير بالناس


كل اللي عليج تسوينه تقعدين معاها وتحاجينها بالكلام اللي تحسين انها تتقبله قوليلها ياخالتي والله ودي اطلع مع ريلي بسوي له مفاجأه باخذ له هديه وبغير جو البيت شوي وابيج تساعديني ومابي ريلي يحس بهالشي ماعتقد لي درت انج بتسوين شي يونس ولدج بتقول لاء

حبيها اكثر وخليج قريبه منها اكثر هالنوعيه من الخالات يحبون جناينيهم يعاملونهم مثل امهاتهم يطيعون شورهم ويكونون تحت امرهم
قوليلها ودج تروحين العمره مع ريلج وان مافاد قوليلها اشكره خالتي الزواج موبس مره محكوره بالبيت ماتشم الهوا وهالشي لو بنتج يت بيوم تشكيلج منه امانه شتردين عليها ؟.؟؟؟


وحتي ريلج كلميه بالطيب وبالحسني عسا ربي بهالايام الفضيله يسخره لج ولاميمته
قوليله انا اشوف واسمع الحريم شيسوون حق رياييلهم وانا ودي اسوي مثلهم وبالاخير مردوده ايجابي لي ولك

يعني مسكي السالفه من اطراافها يمه وكوني موزونه بكلامج بيني له حبج وشغافتج عليه وودج تسوين كل شي علشانه بس لو امه تخفف من اوامرها شوي وصدقيني كل شي بالهداوه ينحل وبشرينا عن احوالج بإذن الله كل شي بيصير تمام التماااام

 

[كويتksa]

رد : ابي رضاها وراحتي 00000شلون؟؟؟

صعب صعب صعب

انا اعرفها وبصراحة عشان مااكذب اخاف والله اخاف منها

مااقدر اتكلم معاها
زوجي مايتجرأ يكلمها اصلا مرة قال لها يمه حياتي الزوجية لا تتدخلون فيها تدرين شصار
رفعت ايدينها للسما وقالت الله لايوفقك
بس

انا مااتحمل هالدعوة
ابي حل غير اني اسولف معاها اصلا لما اقولها شتبين اسوي عشا اقوم اتراجف
لا تكفين يالغالية ابي حل ثاني
وع فكرة زوجي خذاها الحين العمرة انا اقترحت انه ياخذها بروحهم عشان تتـأكد انها الوحيدة بقلبة وترتاح

 

[جنتي نوف]

رد : ابي رضاها وراحتي 00000شلون؟؟؟

مثل الحاله
مالج الا الدعاء الدعاء وعسى الله يسخرها لج ..واستغلي عشر الأواخر ..وان شاء الله ترجع من العمره واتشوفيها غير عن اول
ولاتنسين كل اللي اتسوينه مايضيع عند ربي وان شاء الله بميزان حسناتج..وبتشوفين اعيالج يبرون فيج ياااااارب

 

[ألماسه حساسه]

رد : ابي رضاها وراحتي 00000شلون؟؟؟

حبيبتي مافيه بشر في الكون حياته خاليه من المنغصات
والصراحه اهنيج على صبرج وطولة بالج...وين المره اللي تصبر مثلج وتتحمل؟؟؟
ووين الولد اللي يبر أمه لي هالحد؟؟؟....ادري مهما تكلمنا انتي ادرى بظروفج...انتي عندج مشكله ومحتاجه حل عملي مو مجرد فضفضه والسلام صح ؟؟ :balo:
صدقيني حبيبتي الموضوع محتاج ذكاء وحيله منج
...بس هاااا تكون حيله ايجابيه تنفع الأطراف كلها وخاليه من كل اثم وقطع رحم
خالتج محتاجه تشغلونها بشي..فكري لها بفكرة تنشغل فيها وتاخذ وقتها..وخصوصًا انها الحين بعدما ربت عيالها وكبرتهم وزوجتهم... تبي تحس انهم لازالوا تحت سلطتها وامرها ....واذا مثل ماتقولين متفضله عليهم بالتضحيه فهي من النوع اللي تنتظر مردود منهم ....فلهالسبب اشغليها بشي مفيد....ليش ماتقترحين عليها مثلاً
تسجل بدور حفظ القرآن...كل الحريم الكبار اللي اعرفهم مسجلين مشغووولين بالحفظ والدراسه و24 ساعه يشغلون القرآن ويتحفظون...حتى لو ماعجبتها الفكره قوليلها ماعليه جربي خلينا نروح ونشوف الجو ويارب يعجبها الوضع وشجعيها واذا احد من جاراتها والا صديقاتها تعرفينهم هم اقترحي عليهم....عشان يشجعونها


وبالتوفيق ياقلبي:aha:

 

[كويتksa]

رد : ابي رضاها وراحتي 00000شلون؟؟؟

حبيبتي مافيه بشر في الكون حياته خاليه من المنغصات
والصراحه اهنيج على صبرج وطولة بالج...وين المره اللي تصبر مثلج وتتحمل؟؟؟
ووين الولد اللي يبر أمه لي هالحد؟؟؟....ادري مهما تكلمنا انتي ادرى بظروفج...انتي عندج مشكله ومحتاجه حل عملي مو مجرد فضفضه والسلام صح ؟؟ :balo:
صدقيني حبيبتي الموضوع محتاج ذكاء وحيله منج
...بس هاااا تكون حيله ايجابيه تنفع الأطراف كلها وخاليه من كل اثم وقطع رحم
خالتج محتاجه تشغلونها بشي..فكري لها بفكرة تنشغل فيها وتاخذ وقتها..وخصوصًا انها الحين بعدما ربت عيالها وكبرتهم وزوجتهم... تبي تحس انهم لازالوا تحت سلطتها وامرها ....واذا مثل ماتقولين متفضله عليهم بالتضحيه فهي من النوع اللي تنتظر مردود منهم ....فلهالسبب اشغليها بشي مفيد....ليش ماتقترحين عليها مثلاً
تسجل بدور حفظ القرآن...كل الحريم الكبار اللي اعرفهم مسجلين مشغووولين بالحفظ والدراسه و24 ساعه يشغلون القرآن ويتحفظون...حتى لو ماعجبتها الفكره قوليلها ماعليه جربي خلينا نروح ونشوف الجو ويارب يعجبها الوضع وشجعيها واذا احد من جاراتها والا صديقاتها تعرفينهم هم اقترحي عليهم....عشان يشجعونها


وبالتوفيق ياقلبي:aha:

حطيتي ايدج ع الجرح هي عندها شبه اكتئاب بس ماادري هي ليش تعاقب نفسها
ماتحب تطلع ولاتحب احد يزورنا الابناتها و24ساعة مقابلة التلفزيون او نايمة وصرفت الاف الريالات ع الدكاترة بس مافيها شي
عيالها يبون رضاها
دايم يقترحون عليها تطلع مكان تتمشى بس هي رافضة
مع ان كل شي متوفر لها فلوس وعيال وكل شي بس عايشة حياتها تعصب وتهوش ع اتفه الشغلات

 

[صمت المرافئ]

رد : ابي رضاها وراحتي 00000شلون؟؟؟

والله تذكريني بنفسي أول زواجي نفس حالتج ومرات نبي نطلع آنا وريلي نتعشى ومن يقولها ولدها تنط : ييبولي عشا معاكم ولا تتأخرون أبي اتعشى مبجر ؟؟ زين إحنا الحين طالعين الساعة 7 يعني ما تبينا نتأخر تبي روحتنا وردتنا قبل الساعة 9 حشى بس رايحين ناكل مو نستانس :080402ask_prv:!!! ومثلج إذا شرالي شيء والله ما يدخله وهي موجودة . وإذا رحت السوق وشريت أي شيء لازم تفتيش ؟ صرت إذا شريت شيء أخليه عند أمي وآخذه منها يوم الزواره أخشه علشان ماتشوفه والأعجب ان إذا سافرنا والله اللي أقوله صج تفتش باغراضنا ؟ اشلون آنا أقولج اشلون يعطيها ولدها مفتاح الجناط علشان حضرتها تفتح الجنطة وتشوف كل شيء:eh_s(12): بس والله ما تدري إني خاشه جنطة بكبرها عنها . المهم ما عمري شكيت لولدها ليش لأن هذي أمه ولا عمري عايرته حبيبي شنو يسوي ؟ واذا شكيت لأمي :yaaaaaarb: تقول -الله يخليها لي - إذا صفالج القمر ما عليج من النجوم . وما نقدر نسافر بروحنا فأخليها تسافر معاه بروحهم إهي تستانس وآنا آخذ اجازه منها وعندي سوالف لو أقولها محد يصدقني .. والحمد لله ما في مشكلة إلا وحلها عند ربي لا يضيق خلقج ... الحين الله يرحمها ويغفر لها ... ان مع العسر يسرا ومهما طال الليل لا بد من بزوغ الفجر . ​

 

[كويتksa]

رد : ابي رضاها وراحتي 00000شلون؟؟؟

بس ياحبايبي
انا تعبانة حييييييل
ابي حل
ابي احد ينصحني بطريقة امشي عليها عشان ارتاح وترتاح
تخيلوا
عندي اليوم سونار مبايض ودق علي حماي وغسل شراعي يقول ارجعي البيت وقتله اني بالطبيب ويقول شفيج اقوله سوالف حريم قال ردي وع فكرة هو اصغر مني ومن زوجي
وامه مطرشته لي لانها بالعمرة وممنوع اطلع بدون رضاها



ورب الكعبة تعبت ومليت حياتي ابي حل

 

[Tom ♥ Jerry]

رد: رد : ابي رضاها وراحتي 00000شلون؟؟؟

.

مآلج الا الصبر و الدعاء
و زوجج حرآم مآ يقدر يسويلها شي هاذي أمه
الله يفرج همج و يهديها يارب =)

 

[كويتksa]

رد : ابي رضاها وراحتي 00000شلون؟؟؟

للحين محد ساعدني
ماااااااتعرفون شكثر عانيت عشان اسجل بالمنتدى واعرض مشكلتي

عندي امل تلقون لي حل ولو موحل جذري بس شي يريح جميع الاطراف شوي: