ابي ردكم حبيباتي واتمنى الكل يشاركني

[مثل الشي]

يعطيكم العافيه بنات ابي اسأل منو كانت تستعمل حبوب منع الحمل لعدة سنوات ولما اقطعتهم ماحملت لان انا كنت لستعمل الحبوب لمدة سنتين وست شهور والحين من شهر 2 وانا قطعتهم عشان ابي احمل ومافي شي وتأخرت علي شهرين وردت انزلت الدوره عقب الشهرين وابي اسأل هل اهم يسون عقم او تكيسات واشلون اعرف اذا فيني تكيسات لا هرموناتي كله متلخبطه وويهي بعد كله طلع فيه حبوب مع العلم انا الحمدلله عندي ولد واحد ومن بعد مايبته خذيت حبوب ياريت اللي صار فيها مثلي تقولي لان انا حدي قاعده احاتي

 

[ملكه الحطب]

صراحه ماعندي فكره ان شاء الله يفيدونج البنات

 

[كويتيه مذهله 87]

انا اول ماتزوجت ريلي كان ما يبي خذيتهم بس حملت عقب سنه من قطعتهم بس اجهضت

يعني ماله شغل هو عليحسب الجسم حبووبه

انزين ليش ماتروحين تجيكين سوي جميع التحاليل المطلووبه

وموفقه

 

[SOoOSA]

ماعندي فكرة انا ماخذيت حبوب منع الحمل الا قبل لا اتزوج كانوا علاج للجيس اللي على مبيضي
أكيد البنات ماراح يقصرون معاج
جيكي على نفسج
راجعي عند دكتور ولا دكتورة وطلبي تحاليل دم ( هرمونات 2 يوم الدورة و21 يوم من الدورة) عشان تتأكدين اذا مأثرين فيج الحبوب ولا لأ
بس امبين انهم ملخبطين هرموناتج لان الدورة عندج متلخبطه ومن الحبوب اللي بويهج
وبالنسبه للتكيس السونار بيبين اذا فيج ولا لأ وان شاء الله مافيج الا كل خير

 

[ورود الودود]

حبيبتي روحي جيكي أحسن لج ولا تقعدين على نفسج ..

 

[<<لمار>>]

سوى تحليل هرمونات وسونار وانشاالله ماعليج الا العافية

 

[مثل الشي]

شكرا حبيباتي على المرور بس انا اراجع بموستوصف سلوى وقال الدكتور انه ماتحتاجين اتسوييت تحليل هرموني

 

[Q8_QT]

آنا مثلج عقب مايبت ولدي خذيت حبوب مدة سنة وبعدين هذيتهم من شهر 10/ 2007 وحملت شهر 11 / 2008 وطرحت وليلحين
ماحملت وناوية أراجع طبيب وأسوي تحاليل والله يرزقنا إن شاءالله

 

[نكهةالبرتقال]

حبيبتي توك صارلك أربع شهور قاطة الحبوب ، اصبري شوي ، لا تغامرين بأي علاج