ابي ردادة ذربه حق بابي

[نطوووعه]

بنات بغيت تعلموني وين تنباع الرداده او السناده اللي يسندون فيها الباب و تكون محشيه برمل بس ابي شكلها يكون حلو وذرب .. نااااااااطرتكم

 

[bambena]

انا بعد ابي

 

[@ دهن العود @]

انا بعد ابي

 

[نطوووعه]

حياكم الله بنات

يا ريت نلقى احد يساعدنااااا

 

[زيـنـه]

و الله انا مره وصلت لي من القرقيعان ..
و تقدرون تسونها .. اخذو قطعه خام مخمل على اللون اللي يناسبكم و قصوه دائره .. و اخذو كيس نايلون و عبوه رمل و ربطوه و تالي حطوه بوسط قطعت المخمل و ربطوه مثل البقشه .. و خل ربطتكم تكون من الخرز او الشراشيب و الكراكيش ملوت لاند مارك اللي يم البردات او شريطه حلوه ذربه .. و تقدرون بدال المخمل تخلون طبقتين خام وحده عاديه و اللي تحتها مخرمه و الا مخمل .. و الافكار وايده بس فكروا شوي بتلاقون روحكم مبتكرات و مسوين احلى بقشه تردون فيها الباب .
شرايكم ؟

 

[نطوووعه]

زينه
تسلميييييييييين خوووووش افكااار بس يبيلها احد له خلق وانا الصراااحه خلق مافييييييييييش بالمره و احب مبدا حط فلوسك بالشمس و اقعد بالظلال :| ان شاء الله لي فظيت ببدع لاني احب هالسوالف .. مشكوووره اقين ماقصرتييييييي

 

[نور النت]

انا مثلكم كنت أدور على ردادة باب .. ومره بالصدفه لقيتهم بلاند مارك عاد هاليومين تنزيلات عند لاند مارك اللي بالديره يم مجمع الاوقاف ، كانوا حاطينهم باول التنزيلات لكن الحين خلصوا يمكن تلقينهم بالفروع الثانيه وهم عباره عن جيس مخمل مطرز ومربوط اعتقد بحبل على شكل بقشه وبصراحه ماعجبني لونهم كان فاتح حيل، بس هذا المكان الوحيد اللي شفت فيه ردادة الباب واذا تبين احسن ما لج الا انج تتفنتقين وتفصلين

اتمنى اكون فدتكم بالموضوع وشكرا ​

 

[سيدة الكويت]

صراحه انا اخيطهم واختار اى خام او لونين اول شئ انا اجيب الرمل والحصى واعطيه الخياط اذا عندج فصوص او ورود سويهم بالمسدس يسير وايدج راقى

 

[نطوووعه]

مشكوريييييييييين حبايبي ماقصرتوا .. بشوف اللي بلاندمارك اذا لقيت زين على زين والا ماكو الا اني اسوي وحده اب ايدي اتفنن فيها