ابي رايكم

[مدينة الاحزان]

السلام عليكم بنات بصراحة ودي اخذ رايكم بموضوع مسبب لي مشاكل انا متزوجة شخص الكبير بين اخوانه واجهت كثير مشاكل معه الان مشكلتي معه هو يبيني احضر كل جمعات اهله وكل مناسباتهم انا احاول احضر لكن احيان اكون تعبانة او مالي نفس اروح يزعل ويسوي مشكلة واحيان حتى لو رحت يسبب مشكلة ليش رحتي متأخرة وليش تطلعي بسرعة اكتشفت بعدها ان امه دايم تتكلم وتقول ليش تطلع بسرعة وليش ماتجي وليش وليش وهي احيان حتى لو كلام عابر ماتدري شكثر هالكلام يأثر فيه ويجيني وهو معصب ويقلبها هواش لدرجة ان نضل بالأسابيع مانكلم بعض ودموعي بخدي ماتدري شكثر بكلامها له يأذيني عشان اشياء تافهة انا مو ملزمة اروح وأجامل تعبت له الحق اذا غلطت عليهم او سويت مشكلة معهم يعاتبني او يزعل لكن اني أأدي الواجب واروح ومع ذلك مايعجبهم ليش وليش جلست معه تكلمت معه حاولت لايدخل علاقتنا بها الشي لاني تعبت بتقولو وش سبب رفضش انش تروحي السبب اني تعبت ومارتاح معهم لكن ماقطعت اسوي الواجب لكن هو يبي اكثر وامه دايم تشره ولما كلمته قال ابي اعوض فقد اختي لان فقد اخت معه متوفيه وابيش تحلي مكانها وانا ابي ارضي امي واحسسها انها مافقدت بنتها مع ان اخته من فترة طويلة متوفيه قلت له اولا مافي احد يعوض مكان احد مهما سويت ماراح اعوض مكانها وهو عنده غيرها ثلاث خوات وكبار وحدة من عمري بعد قلت له عل العين والراس وانا بعد فقدت اخوي وامي ومافي احد بالدنيا يعوضهم لاتربط علاقتنا بها الشي لان راح نتعب وهل تقبل انت عشان ترضي امك انا اتعب واتحمل واصبر عشان انت تحسن علاقتك مع اهلك تعبت من معاملته دايم يربط علاقتنا بعلاقتي مع اهلة انا اعتب على بعض الامهات ليش دايم يبو زوجة الولد تسوي الهم كل شي بينما بناتهم مايرضو عليهم ليش دايم مايفهمو اولادهم ان سعادتكم اهم من انها تجي معنا او تسوي النا او تقدم النا ليش للان البعض عايش بزمن اول الان الزمن اختلف ومو ملزمة زوجة الولد تقدم اهم شي تأدي الواجب عليها ماتذبح عمرها عشان ترضيهم هالشي اكبر غلط لان لو فرضنا تنازلت وراحت وجاملت مردها بتتعب اسفة طولت بس ابي رايكم وشلون التصرف معهم هل اتنازل واجامل واتعب او لا اهم شي ما غلط عليهم واروح واجباتهم واطلع بالوقت اللي انا ابيه مو مجبرة اراعيهم اكثر