ابي رايكم

[تمر حنا]

بنات انا حدي متردده اسوي تلقيح او لا وللعلم بعد جم شهر يصير لي سنتين وصار لي جم شهر اتعالج بالكلوميد وبعدين الابر لمدة شهر واحد وكانت النتيجه زينه طلعو 4 بويضات كبار وهالشهر راحه شرايكم بنات ارد اجرب الابر بروحها ولا اسوي تلقيح وانا اعالج عند العرف ونصحني بالتلقيح بس ماسالته جم نسبة نجاحها؟؟؟

 

[كويتيه مذهله 87]

حبيبتي انا مثلا بالضبط

توكلي علي الله وسويييها ماشالله ماشالله هالدكتور وااااايد شااااطر

انتي الي عليييج سويييته وخلي الباجي بيد رب العالمين

انا جربت الكلوميد واستجاب علاجي وماحملت

شهرين ورا بعض اخذ كلوميد وابر واستجاب علاجي وماحملت

ريحت شهرين خليتها بيد رب العالمين بس الله ماكتبلي احمل

وذاك الشهر دكتورتي نصحتني بالتلقيح الصناعي ورحنا بنسوي تلقيح بس طلع عينه زوجي ماتكفي شويه حزتها كان تعبااان وقالت الدكتوره خلوها طبيعي واستجااب علاجي وماحملت


الله كريم

وانشالله الشهر الياي بسوي تلقيح صناااعي عند الدكتوره فوزيه القطان وقلت حق اهلي علشان يدعولي كل يوم تنجح عمليييتي

سويييييها وتوكلي علي الله لان هالدكتور وااايد شاطر وعن تجربه

 

[تمر حنا]

مشكوره ياقلبي والله شجعتيني والله كريم يارب يرزقنا وانا هالشهر بس عطاني القرص المنظم واذا نزلت بروح انشاء الله

 

[أمونة الحلوة]

انا اقول حبيبتي توكلي على الله وسوي التلقيح الصناعي وان شاء الله يارب هالمره ربي يكتبلج الحمل

 

[om_omar]

ربي يوفقج ويرزقج الذريه الصالحه ويرزق الجميع ان شاء الله
دكتور منصور ماشاء الله شاطر انا اعالج عنده وسويت طفل انابيب وحملت ولله الحمد شوفي شنو ينصحج فيه واستخيري وربي يوفقج

 

[كندوش]

توكلي على الله حبيبتي والله يكتبلج مافيه الخير والصالح ويرزقج الذريه الصالحه يارب

 

[زنوبة الحلوة]

ضحى حياتي اذا الدكتور انصحج بالتلقيح توكلي على الله ولا تحاتين ترى سهالات انشالله

اذا انتي تستجيبين حق الابر وقاعدة تييب نتيجة حلوة وياج توكلي على الله وانشالله تحملين يارب ياكريم


والدكتور اخبر بحالتج اهوا متابعج ويعرف زين وكل شي بيد الله سبحانة

 

[الحور]

الله يرزقج ياعمري وتوكلي على الله وسويها ..

 

[bnt_kwt]

توكلي على الله وسوي تلقيح ضحاوي
لا تضيعين وقت

 

[تمر حنا]

مشكورين يابنات وجزاكم الله خير وربي يرزقنا كلنا انشاء الله

 

[غيـ الناس ـر]

الله يعينج حبيبتي ..

انا اخذت كلوميد الشهر اللي فات واستجاب المبيض له والحمدالله طلعت بويضه زينه بس مالله كتب لان زوجي ما كان بالديره


بس دكتورتي نصحتني نصيحه وحبيت اوصلها لكم .. الكلوميد اذا استخدمتيه كورسات ورا بعض ممكن واحتمال كبير يسبب لج تكيس بالمبايض .. استخدميه كورس وريحي فتره .. وقالت ان الكلوميد ساعات يكون مفعوله زين للشهر اللي بعده فهالشهر انا ما اخذت وربي يسهلها .. ولا تستعيلون عالحمل يا بنات والله اللي الله كاتبه لكم بيصير سواء بتلقيح وله من غير تلقيح والله يكتب لنا وياكم الذريه الصالحه امين يا رب