ابي رايكم

[حنانك سر حبي]

قوة بنات
بستشيركم بشي دام لكم باع طويل بالزواج والرياييل

شرايكم بالريال اللي يعترف قبل الزواج انه عصبي وعسر
عصبيته يعني يقط حجي وكلام عليج ويحقرج ويحط عقاب لج عشان يكسرج
بس مو طق ومدت ايد وجذي

توافقون عليه ولالا ؟

 

[Aloe Vera]

اذا الوحدة شاطرة و حكيمة اعتقد تقدر عليه بس وحدة مسكينة و على نياتها او حااارة مثله لا مايضبط الحال

 

[Royof]

شوفي اذا اهو قايل لج ومعترف ممكن يقول هالشي عشان يخرعج انه له شخصيه وانه قوي و ان الغلطه بتنحسب عليج عشر يبي يخرعج بس او صج اهو جذي

بس يبي ينبهج ومايبي يخسرج يبيج تعرفين تعاملين معاها وترا قليل الرياجيل اللي يعترفون بعيوبهم هاذا شي حلو فيه والاستخاره هي افضل شي لج و اذا

انتي شايفه انج ممكن تحملين العصبيه وتعرفين تعاملين معاه ليش لا اذا هو صالح واخلاق كل هاذا يهون

 

[غرور الزين]

صدقيني الحياهه الزوجيه عكس التخيلات واذا انتي حاسه انه صجج اللي يقوله وانتي بعد حااره م انصحج لان مراات الزووج يثير عصبيةة المره فمابالج هو عصبي رااح يقصرر عمرج هالشي الا اذا انتي راعية بال طويل وتتحملينه وافقي عليه

 

[حنانك سر حبي]

بالنسبه لطوت بال انا عندي طولت بال وعندي قدره عالسكوت والهدوء
بس من داخلي ماتحمل الاهانات وهذي كرامة اكل بنفسي واحس هالشي غلط

 

[حنانك سر حبي]

وماعرف اتعامل معاه
يعني يا اني اسكت او اساحله هههه والمساحل جنه اهو الفايز علي صح ولالا وماراح يرحمني بعدين
مادري اذا فهمتو علي

ومشكورين ياللي رديتو

 

[Stylista_Q8]

يعتمد على شخصيتج حبيبتي

يعني مثلا أنا وحدة عصبية ف لو كنت مكانج برفض على طوول لأني أعرف نفسي :$$

ف أنتي شوفي نفسج واستخيري

 

[Patcholli]

:/ ماله داعي يعطي تهديدات يعني خل يقول انا عصبي بدون هالتفلسف لا ما اقبل فيه شنو اعطي عقاب ناظر مدرسة ولا زوج

 

[كاملة الدسم]

إذا عيبه الوحيد العصبية بس تهون إذا الريال أخلاق ووظيفة زينه وأهل سنين العصبية ممكن تسيطرين عليها بذكائج

 

[Tom ♥ Jerry]

,.

عن نفسي مآ آوآفق ، لآنه مآ آقدر اعاشر الناس العصبيين الي مآ يتفاهمون

 

[المحاميه ن]

العصبيه الزايده عن الحد مو حلوة :eh_s(14):
تخلي الحياة جحيم وابو طبع مايجوز من طبعه